| | كفيانا وشوش |  |
|
+5حكاية روح sp!ky sparrow حماده$رزق sendirella_el 9 مشترك |
| كاتب الموضوع | رسالة |
|---|
sendirella_el
عضـو مشـارك
عدد الرسائل : 82
نقاط : 6312
التقدير : 0
تاريخ التسجيل : 11/06/2007
|  موضوع: كفيانا وشوش  الجمعة أكتوبر 26, 2007 4:42 pm | |
| السلام عليكم اجمل اصدقاء.....ممكن تفيدوني في الموضوع دا......
انا عايزة اعرف ليه الناس بتمثل على بعض وبتنافق بعض؟؟
ليه نكون مش بنطيق حد واول ما نشوفه ناخده بالاحضان ونقوله اشتقنالك !!!
بجد اكتر من مرة حصل قدامي موقف زي ده .......يعني في مرة كنت بتكلم عن حد
ولقيت الناس كشرت ومش عايزة تسمع سيرته ....واول ما شافته بوس واحضان ووحشتيني
وفينك .......انا بصراحة كنت واقفة متنحة .....طيب هى ازاي عملت كدة وماكنتش طايئة تسمع
سيرتها حتى ....
وعلى فكرة بتحصل كتير جدا ومعظم الناس تلاقيها من جوه حاجة ومن برة حاجة تانية خالص
مش عارفة احنا ليه بقينا بارعين في عمل الماسكات وتبديل الوشوش...؟!!!!!!!!!!!!!!!!!
هى فعلا صعبة اننا نجرح حد في وشه ونقوله مش بنحبك او نعامله وحش بس برده اوحش واوحش
اننا ننافقه ونمثل عليه ......طيب الحل ايه؟
ممكن نصفي نفوسنا من ناحية اللي مش بنحبهم ........او .....نبعد عنهم خالص احسن ؟؟والا صعبة
في حد هيقول معايا قولا وفعلا كفيانا وشوش وما سكات وتمثيل ونفاق ......
بجد محتاجة ارائكم جدا ................ | |
|
| | |
حماده$رزق
مشرف
عدد الرسائل : 847
العمر : 39
البلـــد: : مصر
الوظيفة: : الرسم
الهوايات: : مصرى
مزاجـى: : 
نقاط : 6286
التقدير : 0
تاريخ التسجيل : 04/07/2007
| | موضوع: رد: كفيانا وشوش الجمعة أكتوبر 26, 2007 6:56 pm | |
| انا هقولك ليه علشان احنا مش صافين لبعض وبنبص لبعض
لو ده عنده لازم يبقى عندى ولو مابقاش عندى يبقى احقد عليه وابقى مش طايق فا انا مضطر لما اشوفه اسلم عليه وبوس وبالاحضان وانت فين ومابتبنش ليه مع انه كان معايا انبارح مثلا بس بقوله كده ليه علشان ما انفضلوش ويقول ان انا منفضله طبعا مش انا انا بقول مثلا ههههههههههههههههههههههه
ربنا يهدى الجميع | |
|
| | |
sparrow
عضـو مشـارك
عدد الرسائل : 57
العمر : 37
البلـــد: : http://friends4ever.goodbb.net/profile.forum?mode=register&agreed=true
نقاط : 6184
التقدير : 0
تاريخ التسجيل : 17/10/2007
| | موضوع: رد: كفيانا وشوش الجمعة أكتوبر 26, 2007 7:16 pm | |
| احييك لطرحك الموضوع ده
بصى هو المجتمع اللى احنا فيه اصلا بيتطلب كده يعنى انت مثلا لو ليك قريبه مش بتحبيها ينفع تكشرى فى وشها او متسلميش عليها ؟
طبعا لا
منعا للاحراج او انك تجرحى حد
لكن فى ناس بتستخدم النفاق ده عشان المصلحه الشخصيه وده اللى انا برفضه تماما
شكرا ليك وتقبل تحياتى
sparrow | |
|
| | |
sp!ky
عضـو ماسـى
عدد الرسائل : 1588
العمر : 34
البلـــد: : egypt
الوظيفة: : طالب فى سلاحف اكاديمى
الهوايات: : الرسم
مزاجـى: : 
نقاط : 6274
التقدير : 0
تاريخ التسجيل : 17/07/2007
| | موضوع: رد: كفيانا وشوش الجمعة أكتوبر 26, 2007 8:40 pm | |
| هو الكلام ده طبيعى يحصل يا سندريلا اصل يعنى مش معقول لما انتى تكرهى حد ويجي هتقوليله حاجه تزعله او يجى يسلم مترديش او تكشرى فى وشه وتقوليله انا بكرهك هو انا عن نفسى لو بكره حد او مش بحبه بسلم عليه عادى لكن اختلاطى بيه يبقى سطحى لكن مش اخده بالحضن بقى والنظام ده عادى يعنى سلام سلام لكن عن اللى بيعمل اللى انتى بتقوليه ده يبقى منافق طبعا | |
|
| | |
حكاية روح
عضـو فضـى
عدد الرسائل : 717
العمر : 36
البلـــد: : الأسكندرية
الوظيفة: : مهندس حاسبات على قدى
الهوايات: : الكمبيوتر والأنترنت,, الخواطر والمدونات ,, تكنولوجيا المعلومات
مزاجـى: : 
نقاط : 6241
التقدير : 0
تاريخ التسجيل : 21/08/2007
| | موضوع: رد: كفيانا وشوش الجمعة أكتوبر 26, 2007 9:48 pm | |
| اولا احب اشكريك على موضوعك الهادف .. بجد موضوع هايل بالنسبة لنفاق طبعا اسواء صفة ممكن يتحلى بيها أى شخص.. بس طبعا الأنسان المنافق بيكذب على نفسة قبل ما يتحك على اللى حوالية.. واحسن رد للانسان المنافق انك متردش علية . وانك تسمع منة الكلام عادى جدا .. ولا اكن الكلام ليك اصلا .. وانك تحاول انك تبعد عنة .. ومش بس كدة .. لا وكمان تحاول تنصح اللى حواليك انهم كمان يخدوا بالهم منة.. لان الشخص المنافق هدفة الأساسى انة يوقع بين الناس وبعضها...ربنا يحفظنا جميعا ويبعدنا عنهم .. شكرا على موضوعيك .. منتظرين كل ما هو رائع وهادف | |
|
| | |
Ozo
المشرف االعام
عدد الرسائل : 4731
العمر : 39
البلـــد: : EGY
الوظيفة: : English teacher
الهوايات: : Football
مزاجـى: : 
الهوايات: : 
نقاط : 6210
التقدير : 0
تاريخ التسجيل : 28/08/2007
| | موضوع: رد: كفيانا وشوش السبت أكتوبر 27, 2007 9:58 am | |
| شكرا ليكى على موضوعك ده لأنك فعلا جبتى موضوع مهم أوى انا هقولك رأيى قبل ما أقرأ آراء الناس هنا بصى .. أولا كده ..انا لما أتكلم عن حد وأقول انا مش بطيقه أو حاجه من دى ..يبقى انا كده غلطان المفروض لما أحب أعيب عليه أقولهاله فى وشه وبمنتهى الذوق والشياكه ..عشان يحاول يغير من الحاجه الوحشه اللى فيه دى...وعلى فكره ده من الدين ..وكلنا عارفين إن الدين النصيحه.. يعنى لازم أنصح غيرى سواء مسلم أو غير مسلم ثانيا : أعتقد إنه مينفعش انا أكون مش بستريح لواحد ولما أشوفه أخده بالأحضان ..ده نفاق مفيش بعده نفاق يعنى ..انما مش معنى كده إنى مثلا لو هو سلم عليا مش أرد عليه ..لأ انا المفروض أرد بس طبعا مينفعش أجامله وآخده بالأحضان وأمثل أدامه إنى بحبه قبل أى حاجه ده إسمه نفاق وحرااااااااااااااام طبعا وربنا هيحاسبنا عليه يعنى الخلاصه إنى لما ألاقى حد فيه حاجه مش كويسه لازم أنصحه .. ولو مكنتش انا بستريحله أوى يبقى ماينفعش أجامله ولما أقابله أخده بالأحضان شكرا على موضوعك وأتمنى أن تتقبلى مرورى ورأيى | |
|
| | |
زائر
زائر
| | موضوع: رد: كفيانا وشوش السبت أكتوبر 27, 2007 10:18 am | |
| وبصراحه انا راى ان النفاق ده مش موجود فى الانسان ولا حاجه
هنا نوع من البشر الضعيفه وغير مؤمنه باللى جواها فتضطر تنافق
والنوع ده انا مش بحترمه ولا بحب اتعامل معاه وفى فرق كبير اوى بين المجامله (عدم التجريح والاحترام)
والنفاق والاسلام حذر من النفاق والمنافقين لانهم كذابين ومش مفروض اننا نتعامل معاهم وزى ما قولت مش عيب انى اجامل بس مش انافق حد مشكووووووووووووووووورة سندريلا علي موضوعك الجميل ده ومنتظر جديدك |
|
| | |
tepesty
عضـو ماسـى
عدد الرسائل : 1773
العمر : 40
البلـــد: : عالم من الخيال
الوظيفة: : وانتو مالكو
الهوايات: : المشاغبة
مزاجـى: : 
الهوايات: : 
نقاط : 6361
التقدير : 0
تاريخ التسجيل : 12/06/2007
| | موضوع: رد: كفيانا وشوش السبت أكتوبر 27, 2007 1:10 pm | |
| هو الموضوع مش نفاق على اد ما هو اننا شعب طيب
يعنى مثلا لو احنا مش بنحب فلان وجه يسلم علينا . نعمل ايه نكسفه ونقوله مش طايقينك
لا طبعا
احنا بنسلم عادى مع كام كلمة مجاملة " الشعب المصرى يموت فى المجاملات " بس ده مش معناه اننا نقعد نوصف فيه ونكلمه على انه ملاك
برده الشعب المصرى اللى فى قلبه على لسانه يعنى اسلم اه بس هيبان عليا انى مش طايقاه | |
|
| | |
فجر
v . i . p
عدد الرسائل : 7782
العمر : 36
البلـــد: : another world
الوظيفة: : university student
الهوايات: : reading
مزاجـى: :
الهوايات: : 
نقاط : 6104
التقدير : 0
تاريخ التسجيل : 31/07/2007
| | موضوع: رد: كفيانا وشوش السبت أكتوبر 27, 2007 2:49 pm | |
| الماسكات موجوده فى كل مكان فعلا
ونفسى انا كمان اعرف السبب
بس ممكن تكون لعدم الاحرا او مصلحه معينه
بس بجد موضوع يغيييييظ فعلا
اختك
فجر | |
|
| | |
sendirella_el
عضـو مشـارك
عدد الرسائل : 82
نقاط : 6312
التقدير : 0
تاريخ التسجيل : 11/06/2007
| | موضوع: رد: كفيانا وشوش السبت أكتوبر 27, 2007 4:28 pm | |
| شكرا يااخواتي على آرائكم الجميلة دي
والحمد لله متفقين ..........ربنا يكفينا شر النفاق
يارب ...............ويارب دايما اصدقاء للأبد | |
|
| | |
sandy
صاحب الموقع
عدد الرسائل : 7451
العمر : 35
البلـــد: : مدينه الحزن
الوظيفة: : طالبه فى عالم الاحزان
الهوايات: : امسح دموعى
مزاجـى: : 
الهوايات: : 
وسام : 
نقاط : 8915
التقدير : 5
تاريخ التسجيل : 29/05/2007
| | موضوع: رد: كفيانا وشوش السبت أكتوبر 27, 2007 5:47 pm | |
| حببتى ليكى واحشه جامده اوى انتى وسينوريتا يارب تكونوا بخير سلمى عليها كتير اما عن موضوعك انا بقه من النوع اللى لو مش بحب حد مش بعرف اكلمه ولا حتى اقولك ازيك وابتسم فى وشه بحس انى بنفقه وبكدب على نفسى مش برتاح يعنى بس برضه احيانا بسلم على حد ومش بكون بحبه مش نفاق لا بس علشان مش اجرح حد فهمتى يارب تكونى بخير انتى وسيتوريتا | |
|
| | |
| | كفيانا وشوش | |
|
