بابا الحبيب حسنى مبارك

بابا الحبيب حسنى مبارك مقدمة لسيادتكم برعم نشأ فى عهدكم تربى ى كتفكم شرب من بحر علمكم وحكمتكم التى اذهلت العدو قبل الصديق
تسمحلى اقولك يابابا؟؟
يابابا انا تعبان اوى لا مش سنانى دى ودانى ايوة ودانى اصلى سمعت كتير اوى عن حاجات هتحصل لينا ومحصلش منها حاجة
هقولك شوية حاجات منها واخواتى يمكن يحبوا يزودوا عليها شوية حاجات تانية جايز اكون نستها
بابا ---- مش عابزك تزعل منى علشان فتحت لك قلبى---
1- يابابا مصر فى السياسة والافتصاد وحتى فى الرياضة بقت فى الحضيض بقينا فى أخر القايمة
يابابا صدقنى الدول الى كان محدش بيسمع عنها حاجة خالص بفت احسن منا بكتير اوى يعنى دول زى الهند ---والفليبين--- حتى تايلاند عندهم الايدز وبرضه بيشتغلوا ويصدروا
انت نمت يابابا؟؟ لسه صاحى طيب اكمل
2- بنشوف قناة الجزيرة والعربية ودبى يابابا شوف همه وصلوا وبقوا ايه واحنا بقين اايه ؟؟
الاعلام بتاعنا بقا زباله اوى بصراحة يابابا تفتكر دا من ايه؟؟
3- المصريين الى عايشين برا محدش بيسآل عليهم خالص يابابا تصور لو واحد مات السفارة مبترضاش تبعت جثته الا لو الناس لمت من بعضها ودفعت المعلوم
دا غير سفارتنا بتعاملهم بطريقة اخرى اخر جليطة وقلة حيا بصراحة يابابا ممكن اسألك سؤال هو السفير بياخد كام فى الشهر ؟
4- احنا مبنزرعش القمح ليه يابابا؟ انا عارف انك بتحب الكنتلوب علشان طعمه حلو مش مهم
5- يابابا بيقولوا ان اسرائيل ممكن ترجع تحتلنا من تانى علشان المعاهدة الى عمو انور مضى عليها
دى مينفعش يلغيها يابابا؟؟ وندخل جيش مصرى فى سينا؟
6- هو ليه عمو عمرو خالد وانكل يوسف القرضاء ملهمش برامج على التليفزيون المصرى؟
ليه كل البرامج فيها روبى ونانسى ودينا وهيفا؟؟
طيب عمو طنطاوى مبيزعلش لما يشوف الحاجات دى؟؟
7- فى اشاعة بتقول ان الجراد اللى هاجم مصر70 مليوم جرادة يعنى عدد شعب مصر
وان عمو كمال الشاذلى هو الى بعتهم علشان يقولوا نعم يامبارك
صحيح انهم كتبوا ليك مبايعة على ورق الشجر يابابا؟؟
8- يابابا وزير الزراعة الجديد دا باين عليه فقرى اوى وقدمه نحس اوعى تفرط فيه يابابا
لانه بقا أملنا الوحيد
اما بقا وزير الثقافة ده رائع اما نظيف نظافة انا مقدرش اتكلم عليه لانه هو اللى منظف البلد هو واللى معاه يابابا كل شوية يقول فى الخطة الجاية وبس ولا فى حاجة مين الى بيقولها بتحصل من اساسه يابابا اوعى تفرط فيهم اصلهم ميتغيروش عنك
9- يابابا انت صحيح ناوى تجدد فى2011 ؟
اصل انا شايقك بتعدل فى الدستور
10- يابابا ممكن اعرف انت ليه بتبيع القطاع العام؟؟
ليه هو انت كدا لازم تبعها لناس حلوين هى البلد مفيهاش فلوس ولا ايه؟؟
اااااااااااااااه فهمت علشان المستشفيات والطرق والكبارى مش كدا برضو يابابا؟؟
بس ممكن احنا ندلهم برضو بش ممكن انت تزود السعر شوية لو كنت محتاج فلوس زى ماانت بتقول
يابابا انا ليه طلب اخير عندك عاوز اشوف العزبة بتاعتك دا ايه ممكن توريهالى يابابا
يابابا سيب شعرى مين الناس طول يابابا هما واخدنى على ورايحين فين يابابا
يااااابابا

منقوووووووووووووووووووووووووول

ميرسى على ردك واكيد ان شاء الله هيبقى ليا مواضيع تانى فى القسم الجميل دا
على فكرة ملحوظة بس صغيرة انا بنت مش ولد

ميرسى على ردك يااوزو ومتخافش لو اتسجنت ولا حاجة انت اول واحد هقول عليه معزة وحب والله
وبعدين متراقب متراقب هو احنا يعنى بيهمنا

ههههههههههههههههههههههههههههه تطمن ليا المشنفة او المعتقل حرام عليك

موضوع هايل يا بحر
تسلم ايدك
تقبلى مرورى

طيب بص يا سيدى بيقولك بابا حسنى مبارك راح مدرسه ابتدائى دخل على فصل وقال مين اللى عايز يسئل يا حبايبى
قام ولد صغير وقاله
انا اسمى راكى وعندى اربع اسئله
قاله اتفضل يا حبيبى
1_ ليه انت بقالك 25 سنه حاكم مصر
2-ليه عايز تمسك ابنك جمال بعدك
3-يرضيك اللى بيحصل فى العشب دلوقتى
4- وايه السبب فى اللى فيه ده
رن جرس الفسحه على طول قالهم نكمل بعد الفسحه
دخل نفس الفصل
قال حد عايز يسأل يا حبيبى
قام ولد تانى وقاله اسمى احمد وعندى 6 اسئله
قاله اتفضل يا حبيبى
1-ليه انت بقالك 25 سنه حاكم مصر
2-ليه عايز تمسك ابنك جمال بعدك
3-يرضيك اللى بيحصل فى العشب دلوقتى
4- وايه السبب فى اللى فيه ده
5- ليه جرس الفسحه رن قبل الفسحه بربع ساعه
6- امال رامى راح فين