كلمة بحبك.... ليه نلوثها؟؟؟؟؟؟؟؟؟؟؟؟؟؟؟؟؟؟؟؟؟؟

في الأيام دي اصبحت كلمة (بحبك) تقال بلا حساب وكأنك بتقول انا بحب المانجة تقال الكلمة دي دون أدنى مراعاة لشعور الطرف الأخر المسكين الذي قد يصدقك ويعيش في الوهم من هنا كنت عايز اقول انك قبل ما حتى تفكر تقول الكلمة دي لازم تقولها وانت عارف انت بتعمل ايه بالنسبة للشاب: معنى انك قلت الكلمة دي يعني انت على استعداد انك ترتبط بالإنسانة دي طول العمر وتغير مجرى حياتك لأنك اصبحت مش ملك نفسك لوحدك ولازم تفكر بكل الطرق ازاي تبني مستقبلكم ...لما تقول كلمة بحبك لبنت لازم تكون كلمة من قلبك مش للتسلية لأن كسر القلوب غالي ولو انت عملت كدة أكيد الحركة دي هتترد فيك او في أولادك لازم تكون على استعداد للتضحية...مش كل حاجة انت بس اللي تاخدها لما تقولها تكون عارف ومتأكد ان ده حب حقيقي منك مش بتقولها كدة لعب عيال فكر ألف مرة قبل ما تقولها...واعلم ان مسئولياتك زادت لو انت حاسس أن في سبب قهري ممكن يمنعك عن الأرتباط حتى لو انت بتحب يبقى بلاش تقولها انا بحبك بدل ما تتعلق هي في الوهم بالنسبة للبنت: فكري مليون مرة قبل ما تقوليها لأن بعض الشباب هوايتهم صيد البنات الساذجة الطيبة واللي أول ما يسمعوا الكلمة دي منك يجري لأصحابه ويقول ضحكت عليها يللا نشوف واحدة غيرها فكري كتير واتعظي من خبرات اللي سبقوكي وانكسر قلبهم لما تقولي الكلمة دي اعرفي ان الشاب اللي أدامك ده هو اللي هيكون راجل البيت وكلمته لابد ان تتطاع كما قال الشرع تأكدي من شخصيته..واسألي نفسك هل اقدر اعيش معاه فعلا مفيش شاب كامل طبعا بس برضو أختبريه بدون جرح مشاعره أوعي تفكري تغيظيه وتقولي انا هكلم شاب غيره لأن ده بيعتبره طعن في شرفه وفي غيرته لازم كل حاجة تعمليها يكون هو على علم بيها في بنت هتقولي انا في كلية وطبيعة المواد والسكاشن اني اتعامل مع شباب...ماشي مقلناش حاجة بس هو لازم يكون يعرف واحترمي غيرته عليكي وعصبيته في الوقت ده لأن دي اشارة انه بيحبك فعلا طالما بيغير وفهميه وجهة نظرك بهدوء طبعا مفيش داعي ان انا اقول بلاش تقولي كلمة بحبك للتسلية أو لأن في شاب عمل فيكي مقلب وحبيتي ترديه في واحد تاني انتقاما من الشباب!! لازم تحكمي عقلك كتير أوي قبل ما تحكمي قلبك في بداية الطرق لحد ما تتأكدي مليون في المية ان الحب بينكم صادق في طرق متعددة لإختبار حب الطرف الأخر واللي يحب اني اقولها معنديش مانع كلمة بحبك بداية تكوين أسرة ولو اتبنت على أساس غير سليم يبقى قول على الحب يللا السلام وانهيار الأسرة في الطريق ده اذا كان في اسره هتتكون اساسا
يارب تكون الرساله وصلت 00000000000000000000

الله عليك يا عشق موضوع حلو اوى بجدوشكر على النصيحة الجميلة دى

فعلا عندك حق والله كل واحد بيقول الكلمة وكانها حاجة سهلة خالص وشكرا ليك يا عاشق

بحبك يا عاشق.............بحبك اوى اوى .....................ههههههههههههه..............ديموووووووووووو

كلمك مظبوط يا كبير وكله اخر ألسطه يا جو

بجد يا عاشق كلامك دا جميل جدا وبجد انا لما قريته انت فتحت عينى على حاجات كتير اوى اولها انى احكم عقلى قبل قلبى ودا مش معناه انى الغى قلبى بس برده لازم يبقى العقل هو ا للى فى المقام الاول وبجد ميرسى جدا على النصيحه الجميله دى وربنا يوفقك

انا هعلق على كلمه بحبك

ممكن تلاقى اتنين بيحبو بعد جداااااااااااااااااااا
بيعبرو بيها بحاجات كتيير اوى بس مش ضرورى كلمه بحبك
ولو سمعتها بعد فتره اكيد هتحس بيها واكنك ملكت العالم كله
واحيك يوسف على المذكره الجميله ده

حب ايه اللى انت جاى تقول عليه هههههههههههههه

كلمه كبيرة ولها معانى كتير بس المفروض نقولها للى يقدرها بس وربنا يوفقك ..................ضى القمر

عندك حق فى كل كلمه قولتها مشكور يا يوسف

عندك حق يا عاشق كلام الحب فقد معناه اليومين دولوربنا يستر.........اختك /نور الشمس

لا تعليــــــــــــــــق

تعرف انا بصراحة الصدفة هي الي خلتني اشوف الكتابات دي
لانها عجبتني جدا والكلام ده لاينطبق فقط علي الحاله او الزاويه دي فقط
لان الحب معني اكبر واجمل من القصد من الكلمة دي
لان الحب لا يحتاج لغرض لكي يشعر به الطرف الاخر
الحب كلمة تقال عندما تحس ولا تقال في كل وقت واذان
والحب ليس فقط للعاطفة او الغريزة فهو اسمي من ما نعتقد
وبجد يوسف لو كل انسان حب بجد ربنا هيرضا عنه ويسهله
لان الحب طهارة وعفة ونقاء النفس دون اي شوائب او عيوب
وبجد كتابتك حلوة وتقبل مروري علي هذه الكلمات الجميله

كلمك مظبوط أوى يايوسف ...
المفروض أى حد قبل ما يقول كلمة بحبك يكون فاهم معناها أيه
ويكون عارف إن الكلمه دى ليها مسؤليات وإنها بدايه لدخول البيوت من أبوابها والجواز .
.يعنى مش اقول انا بحبك وانا مش عارف أيه اللى ممكن يحصل بعد كده
لازم يكون فى بالى إنى لما أقول الكلمه دى أبقى قاصد بيها ( انا عايز أتجوزك )
مشكوووووووور يوسف على موضوعك

هاااااااااااااي جو

طبعا الكلام الي انت بتقوله ده مفهوش كلام لان ده الي بيحصل فعلا

وكأن كلمه بحبك دي علموها للواحد وهو لسه نازل من بطن ولدته

اي واحد الوقتي بيقوله في اي سن وفي اي وقت ليه ميعرفش طيب لمين متفرقش

بس يا جو تعرف بجد بجد

انا لسه مقلتهاش لاي بنت

جايز علشان مش لاقي بنت تستاهلها او انا الي مش عارف اقولها هههههههههه

كلام جميل اوى يا يوسف وانا ماشيه على المبادى الى انت قولتها بس للاسف ناس كتير بتقول عليا خنقه ومعقده تسلم على الموضوع

انا اسف يا جماعه علي لون الموضوع اللي كان مش واضح بس اعمل ايه كل ماكتب بلون المنتدي يتغير بلون قريب للي بكتب بيه لما زهقت
معلش بقي استحملوني
واللي يدخل مزكره يلاقي اللون مش واضح يعلم عالكلام وهو يظهر اشطه ؟

» انت قد كلمة بحبك؟؟؟؟؟؟؟؟؟
» هل لهذا يمنع كلمة (بحبك)؟؟؟؟؟؟؟؟؟؟؟؟؟؟؟؟؟؟
» بحبك
» بحبك
» بحبك