أدخلو ضرورى جداااااااااا

إزيكم ياأحلى شباب فى الدنيا

انا كنت بتفرج على التليفزيون إمبارح ولقيت برنامج بيتكلم عن موضوع كده أحب إنى آخد رأيكم فيه

بس ياريت كل واحد يقول رأيه ويوضح وجهة نظره

مذيع البرنامج كان بيتكلم عن نص قانون بتتم مناقشته دلوقت عشان يتم تعميمه وجعله قانون ملزم للجميع

نص القانون بقا بيقول أيه ؟؟

بيقول إن كل شاب أو بمعنى أصح كل رجل لن يكون له الحق إلا فى الزواج من واحده فقط

يعنى من الآخر مفيش تعدد زوجات

وعشان الراجل يتجوز واحده غير مراته ..لازم يطلق مراته الأول

ولو خالف القانون ده طبعا هيتحبس

ده الكلام ده عايزين يطبقوه هنا فى مصر اللى هى دوله إسلاميه

اللى هى المفروض ملتزمه بشرع الله

اللى ضايقنى أكتر إن المذيع الفاضل بيتكلم وبياخد رأى الناس وبيطلب منهم إنهم يقولو رأيهم بعيد عن رأى الدين

يعنى بيهمش الدين

لا حول ولا قوة إلا بالله

عايز رأيكم فى القانون ده

هل انت وانتى مع أو ضد هذا القانون ؟؟؟

ياريت توضح وجهة نظرك

زائر

اعتقد أن المسألة ترتبط بالبنية الفكرية أكثر من ارتباطها بالبيئة بين الريف والمدينة

ولكن ينبغي أن نشير إلى أن المجتمع الريفي هو الأكثر تمسكا بالعادات والتقاليد والقيم والأعراف

، وهنالك من يتذرع بأن الزوجة الثانية حل لمشكلة العنوسة المرتفعة؟

ليس حل مشكلة العنوسة التفكير بالزوجة الثانية،

وهدم الأسر التي تكون مستقرة

فنلحظ أنه كلما زاد وعي الرجل

، ومستواه التعليمي

كلما ساهم هذا في أن يفكر بشكل أكثر عقلانية

وأن لا يظلم زوجته ويراعي مشاعرها.

وقد حثنا ديننا الحنيف علي ظروف معينه للزواج التاني والتالث والرابع ايضا

لكن في في اطار معين

ومن المؤكد ان التشريع في منع الزواج من اخري

لهوا من المحرمات دينيا والا لما احله الدين

بشكرك جدا يااوزو علي موضوعك المثير دمت للخير وتقبل مروري

انا من وجه نظرى يا اوزو ان الشرع والدين نزل علشان يطبق فى الحياه لان الدين حياه ولازم نمشى عليه واى حاجه غير كده غلط****ريتاج

انا شوفت البرنامج ده يااوزو ........هو طبعا انه ياخد راى الناس بعيد عن الدين ده غلط بس انا كمان مع ان الواحد يجوز مرة واحدة بس الا اذا كانت فى ظروف خارجة عن اردته ومحتاج زوجة تانية ومشكور يااوزو علىالموضوع ده ومناقشته لانه مهم جداااااااااااااا

[size=24]طبعا بحييك يا اوزو انك طرحت الموضوع للنقاش

اولا مفيش حاجة اسمها راى الناسبعيد عن الدين
دة هبل وتخلف وجهل بالدين الاسلامى سورى يعنى
الدين نزل عشان نطبقه مش عشان نلغيه ونعمل احنا
شرع وقانون مع نفسنا بدل ما يعملوا قانون دة بلدنا
محتاجة لقوانين كتيررررررر قوووى والحدق يفهم
للاسف احنا دولة اسلامية مسمى فقط لا غير[/size]

انا راى من راى نانسى حسبيه الله ونعمه الوكيل

عارفين ياجماعه المشكله أيه ؟؟

القانون ده لو إتعمم أولا هيبقى مخالفه لشرع ربنا

وثانيا أضراره كتييييييييييير جدا

يكفى مثلا إنى أقولك إن الزوج هيلجأ إن يعمل الحرام ويخون مراته

ويكفى أقولك مشاكل العنوسه

وكمان فيه حاجه غايبه عن الجميع !!

أساسا قبل الزوج مايتزوج امرأه تانيه دلوقت.. لازم يكون عند مراته علم بده وساعتها بيكون من حقها إنها تقرر إذا كانت تكمل معاه ع الوضع ده ولا لأ

يعنى القانون بيكفل للمرأه الحق إنها تطلب الطلاق لو زوجها تزوج عليه دلوقت

يبقى أيه لزمة قانون بيخالف شرع الله بحجة إن كده بيكلف حق المرأه !!؟؟

فعلا دولة كوووووووووووووسه

اولا مشكوووور يا اوزو انك طرحت الموضوع ده طبعا لانه مهم .
ثانيا الحكايه دى اكيد وراها حد عايز يشتت المسلمين ويبلبل افكارهم
شويه الحجاب وشويه تعدد الزواج
ويا عالم لسه فيه ايه كما!!!!!!!!!!!!!
ماينفعش انه ياخد راى الناس او انهه يطرح موضوع زى ده من اساسه
ده كلام الهى هنغير كمان فى كلام ربنا
ده مش قانون وضعى محتاجين نغيره
ده القوانين الوضعيه مش بيخدو راينا فيها
ولو خدوه بيعملو اللى فى دمغهم

هذه هي الحقيقة: لقد خلعنا عنا ثوب العقيدة القوية التي تستمد منبع وجودها في الحياة من الله وحده و ارتدينا ثوب المدنية الزائفة الذي حاكه لنا أعداء الإسلام لذلك جاء غير مناسبا لنا و ضاعت به ملامح المسلم.
عجبى يازمن ماشى بظهره

ياجماعه الموضوع ده خطير جدا لان هناك نتائج محدش واخد باله منها خالص ان القانون ده فعلا

لو تم تطبيقه هيكون ده اكبر ضرر على الدين لانه فى هذه الحاله هنبقى زى المسيحين وبعد كده

واحده واحده هنتحول الى دول مسيحيه ونطبق كل قوانين الشريعه المسيحيه

مع اعتذارى لكل الاخوه المسيحين بس احنا دوله مسلمه

انت بتاخد راينا فى المزيع ولا القانون ولا راى الدين

نو كومنت

وحسبى الله ونعم الوكيل فى اللى بيبدعو بمزاجهم

مشكورين على مروركم

وانا ياتيبستى باخد رأيكم فى الموضوع لأن ده أهم بكتيييير أوى من المذيع

وخلاص انا عرفت ردك طبعا

شكرا لمشاركتكم ياشباب

اللى انا قريته ده مهزله

المهزله انه يقول بعيدا عن راى الدين

ازاى بعيدا عن راى الدين

امال ناخد راى ايه

راى البابا ولا ايه

الناس دى بتهرج بجد

والعيب مش عليهم ادد على اللى سمحلهم بكده

طبعا انا ضد القانون ده جداااااااااااااااا

اقدر واحد بحال البشر هو البارىء الله عز وجل

والشريعه ده نص ثابت مينفعش ان احنا ندخل فيها

القران اباح كده هنيجى احنا نتكلم ونقول قانون ومش قانون

لا ده جنان رسمى

حسبى الله ونعم الوكيل

الدين مفرض شعلى واحده انها توافق او لا

الرجل يجوز زى ما هو عايز مفيش واحده بتتجوز غصب عنها

مش كده ولا ايه

لو واحده مش عايزه تبقى زوجه تانيه محدش هيغصب عليها

اختك

فجر

فعلا حسبنا الله ونعم الوكيل
انت سمعت كده انا سمعت
انهم قالوا هيخالوا
الزوجات اكتر من اربعه
ولما سمعت كده سعقط طبعا
وقولتلها دول ناس متخلفه
عاوزين يغيروا الدين
والمتخلفين هما اللى هيمشوا على كلامهم
لان اللى هيطبق حاجه زى دى يبقه واحد
مش عارف دينه كويس علشان كده
مش مكسوفه وانا بقول عليه متخلف
بيغيروا كل حاجه وبيدمروا كل حاجه
حتى الدين عاوزين يغيروا فيه
حسبنا الله ونعم الوكيل
لينا يوم نشوف فيه الظلما دول
بيتعقبوا على اللى بيعملوا
مشكور يا احمد

حلو الموضوع يا اوزو

بص بقى
طبعا اننا نكون دوله اسلاميه ونفكر بعيد عن الدين اكيد حرام
واننا نحرم شرع ربنا اللى حلله حرام
لكن ربنا سبحانه وتعالى حلل الموضوع ده فى اطار ظروف معينه
يعنى مش اى حد عايز يضايق مراته او معاه قرشين عايز يروق بيهم على نفسه
يروح يتجوز ويجرح زوجه بريئه مالهاش اى حيله ترد بيها عليه
اعتقد انه ده مش من العدل

لكن بالنسبه للبرنامج والمذيع اللى بيقول نفكر بعيد عن الدين
طبعا مش محتاج راى واصدقائنا اكيد قالوا

والله عاجبنى جدا آراء البنات ونضجهم فى التفكير
الموضوع مش موضوع راجل وست
كل اللى همنى فى الموضوع كلمة المذيع إنه عايز ياخد رأى المشاهدين بعيدا عن الدين
والدين بأى حال من الأحوال لايمكن تهميشه
ولا يمكن تغيير شريعة الله
شكرا ليكى يافجر على مرورك
وشكرا ليكى ياساندى
وانتى كمان يادودى رأيك جميل جدا
مشكورين جميعا على آرائكم ومشاركتكم

السلام عليكم

اخى الكريم والعزيز اوزو

موضوعك دائما متميز

وكل كلامنا اخواتنا ممتاز جدا والحمدلله

اما عن رايى ف الموضوع ده

اولا طبعا حرام بكل المقاييس الكلام ده لاننا بكده بنخالف الكتاب والسنه وما اتى به سيدنا محمد صلى الله عليه وسلم

ثانيا بكده هانكون دوله مسيحيه اننا نعمل كده طبعا من دوله مسلمه لدوله مسيحيه ما نغير بالمره

استفر الله العظيم

وف الاخر نقول ليه ربنا بيغضب علينا

ما هو من اللى احنا بنعمله ده

ربنا نزل ليه شرعه واحنا ولاسف بنخالفه

وليه؟

علشان نكون دوله نظام

هههههههههه

والله العظيم ده بجد الواحد مش عارف يقول ايه

غير حسبنا الله ونعم الوكيل

انا اسف انى طولت بس الموضوع لازم الواحد يتكلم فيه كمان اكتر من كده

مشكور اوزو على طرح الموضوع

تسلم ايدك دائما اخى الفاضل

أذيك يا اوزو عامل ايه يارب تكون بخي دايمآ
احب اقولك انو موضوع هيل جدآ’ وعشان مش بتفرج على التلفزيون اول مره اسمع الموضوع دا
بس انا فعلآ رأى من رئيك وفعلآ دا هيعمل مشاكل كتير جدآ
دا غير انو مخالف لشرع الله
وجزاك الله كل خير وشكرآ على الافاده