هحكلكم حكايه واحد قتل غصب عنه وهى كأتى
كنت راجع من شغلى بالليل كانت الساعه حوالى 8 ونا ماشى لقيت ست قعده على الرصيف ومعاها ابنها هى مكنتش كبيرة كانت شابه عندها حوالى 21 22 سنه المهم لقيتها عماله تعيط قربت منها وقلت لها فى حاجه ياامى اقدر اساعدك بصت لى وقالت لى لا مفيش حاجة الحيت عليها ردت وقالت جوزى مبهدلنى وكل ساعه يضرب فيا .. قلت لها ليه كده قالت لى اصله مدمن ومش بيصرف عليا ولما اطالبه بفلوس بيضربنى وطردنى بره البيت دلوقتى .. قلت لها طيب تحبى اروح معاكى اكلمه كلمتين يمكن يهدا .. قالت لى لالا هيقول لى مين ده سكتت شويه وقالت لى لو عايز تعمل فيا جميل بجد تيجى وتكلمه على انك اخويا انا ساعتها ضحكت وقلت لها ليه يعنى هو عبيط للدرجة دى مش هيعرف انى مش اخوكى .. قالت لى لالا اصل انا ليا اخ مسافر من 3 سنين وجوزى عمره ما شافه واتجوزنا وهو مسافر كمان .. انا سكتت كده وقلقت قلت ازاى هنتحل شخصيه واحت تانى .. هيا اترجتنى كتير وكمان شفت منظر ابنها عمال يعيط بجد صعبوا عليا قوى .. المهم وافقتها ورحنا على البيت قام فتح جوزها الباب انا لقيت شكله فظيع وسكران .. قال لها ايه يابت اللى جابك تانى هنا انا مش طردتك وراح بص لى وقال لها مين ده يابت .. قالت له ده اخويا شريف لسه جاى من السفر من ساعتين .. بص لى وقال بجد وراح حاضنى وقال لى اتفضل يابو نسب وفين الهدايا ياعم قلت له انا جايب لكم بس لسه فى الجمارك فى شويه مشاكل .. وراح قايل لمراته يلايابت اعملى لنا حاجة ناكلها .. هى قالت له طيب هات فلوس اروح اجيب اكل اعمله .. هو بص لى وقال ادى اختك قرشيت تجيب بيهم عشا انا طلعت الفلوس واديتها .. راح قايل لى اديها زياده تجيب لى خرطوشه سجاير قلت له حاضر ورحت مديها كل اللى معايا المهم .. قعد يتكلم معايا ونا خايف اغلط قدامه بكلمه ويكشفنى لحاد ماجت مراته بالاكل وقعدنا كلنا وبعد الاكل قعدت اصالحهم على بعض .. بعد كده قلت له انا هقوم اروح .. راح مزعق وقايل عليا الطلاق بالتلاته ابدا انتا هتبات معانا النهارده انا قلت له لالا عشان الحق اسلم على ناس صحابى وحشونى وهو يحلف انه هبات معاهم وهى اترجتنى وقالت لى معلش بات ونا وافقت لما لقيت مفيش فايده المهم جه معاد النوم .. هو قال لى يلا ادخل نام مع اختك انتا فى الاوضه ونا هنام هنا على الكنبه فى الصاله .. انا سمعته قال كده وبلمت قلت له لالا نام مع مراتك انتا ونا هنام هنا وهو برضه حلف بالطلاق تانى .. هى قالت لى من غير مياخد باله ابوس ايدك وافقه وليله وهتعدى .. المهم وافقت برضه ودخلنا الاوضه ننام قلت لها انتى نامى على السرير ونا هنام على الارض ونمت ونا قلبى مليان رعب .. المهم بعد شويه لقيته زق الباب بكل قوته وقام قايل لها مين ده يابت جيبالى عشيق وتقولى انه اخوكى ومش عارف هو عرف ازاى المهم مسك فيا وفيها وكان عايز يموتنا .. وبالفعل مسكنى من رقبتى وخنقنى جامد جدا وروحى كانت هتطلع وفى جزء من الثانيه معرفش ازاى لقيت قدامى سكينه ورحت ضربه بيها فى بطنه ومراته قعدت تصوت .. انا شفت المنظر ده طلعت اجرى بسرعه كبيره والكلام ده كان قبل الفجر بشويه .. المهم نزلت وفى الشارع اذان الفجر اذن عليا ونا عند باب بيتنا بحط ايدى فى جيبى ملقتش البطاقه بتاعتى .. اتفزعت وقلت اكيد نسيتها هناك المهم قلت اروح احاول اجيبها من هناك .. المهم رحت لقيت الشارع مقلوب الناس والشرطه والكل هناك .. المهم انا اتسحبت بالراحة من وسط الشرطه وقلت اطلع اجيبها .. وفعلا طلعت ودخلت الاوضه كمان ولقيت البطاقه مرميه جنب السرير ورحت بالراحه مادد ايدى اجيبها .. ونا بمد ايدى لقيد ايد من الظباط اتمدت ومسكه ايدى وقال لى ( وقعت )
فى اللحظة دى صحيت من النوم على صوت امى
بتصحينى وتقول لى قوم يواد يازيزو هتتأخر على الشغل
ههههههههههههههه يارب المقلب يكون عجبكم