اعذرونى

بسم الله الرحمن الرحيم
السلام عليكم ورحمه الله وبركاته
اخواتى الكرام انا طالب منك طلب انكم تعذرونى انى مش بدخل كتير الايام اللى فاتت
وانى هاغيب عنكم كام يوم لانى مسافر الزقازيق والمنصوره والقاهره عندى مباريات وادعولى ان ربنا يوفقنى وارجعلكم وتكونوا بخير وانا حبيت اكتب الكلام ده علشان محدش يزعل منى لما ميلاقيش تعليقى وحبيت اسيب ليكم شويه نكت يارب تعجبكم
1-واحد ساكن فى الدور التاسع وتحتيه بقال كل شويه الراجل صاحب البقاله ينده عليه ويقول له تليفون ليك وكل شويه الراجل يفضل يطلع وينزل يرد على التليفونات واحد صاحبه شافه فقال له ما تشتريلك موبايل احسن اام الراجل اشترى الموبيل واده للبقال وقال له اى حد يتصل بيه اندهلى
2-مرة مدرس بيسأل طالب من اين ياتى البن ؟ رد :لااعرف فحب المدرس يسهلهاله قاله انتم بتجيبوا البن منين؟ قاله من عند الجيران
3-واحد غبى بيحلق دقنه التليفون رن عور نفسه علشان لما يرجع يعرف هو وقف لحد فين
4-مره واحد بلديتنا قرر انه يسافر امريكا . قبل ما يسافر اهله قالوا له ان الاكل فى امريكا حرام خد معاك ثلاث زلع مش عشان تكلهم ومتنساش تسمى عشان الشيطان ميكلش معاك فسافر اول زلعه اكلهة من غير ما يسمى وتانى زلعه اكلهة من غير ما يسمى جه ياكل الزلعه الثالثه قام الشيطان طالع له وقاله ابوس ايدك تسمى انا صدري اتحرق من الاكل بتاعكم
5- مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته
6-مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك
7-مدرس انجليزى بيسأل تميذ بيقوله لو عايز تقول لواحد تعالى هنا تقوله ايه؟ قاله : اقوله come here قاله : ولو عايز تقوله ارجع هناك تانى ؟ قاله : الف من الناحية التانية واقوله come here
8-مره واحد اتصل بصاحبه فى التليفون.... ورد عليه ابنه الصغير بصوت واطى: الو بابا فين يا حبيبى... رد عليه: مشغول يا عمو.... طيب ماما فين: قاله ماما كمان مشغوله. يا عمو.... قاله: طيب مشغولين فى ايه يا حبيبى... مع البوليس يا عمو.... وبيعمل ايه البوليس عندكم...... اصلى مستخبى منهم وبيدوروا عليا
وان شاء الله تعجبكم

ازيك يا ميدو تروح و ترجع لينا بالف سلامه بجد هاتوحشنى اوى و ربنا معاك
و نكتك حلوه بجد
احمد البوشى

ربنا يوفقك يارب وتروح وتجيى بسلامه ...........مره واحد بلديتنا قرر انه يسافر امريكا . قبل ما يسافر اهله قالوا له ان الاكل فى امريكا حرام خد معاك ثلاث زلع مش عشان تكلهم ومتنساش تسمى عشان الشيطان ميكلش معاك فسافر اول زلعه اكلهة من غير ما يسمى وتانى زلعه اكلهة من غير ما يسمى جه ياكل الزلعه الثالثه قام الشيطان طالع له وقاله ابوس ايدك تسمى انا صدري اتحرق من الاكل بتاعكم حلوه النكته دى اوى تسلم يا ميدو

ههههههههههه

والله انت عسل يا ميدو

اصلى مستخبى منهم

وعشان كده عايز تستخبى منا ولا ايه

طب انا هسامحك بس عشان خاطلار النكت الجامده دى

ابقى طمنا عليك يا جميل

اختك

فجر

هههههههههههههههههههههههههههههههه جامدين ياميدو بجد حلوين اوي
والله تسلم ايدك ياقمر.. وتروح وترجع بالف سلامة وان شاء الله بالتوفيق
بس بالله عليك تخلي بالك من نفسك اوي.... وربنا يسترها عليك يارب
ويبعدك عن اي شر اللهم أمين