دي الغلاسة و لا بلاش ... اتعلموها على حق

لو عايز بجد تتعلم الغلاسة على حق ... اسمع النصايح دي و شيلها في نيني عينك و اتعود انك تعملها على طوووول
يللا نبتدي الدرس الأول :
أهداف الدرس :
1 - تكون غلس
2 - الناس تكرهك
3 - تخلي اللي قدامك عاوز يقتلك
4 - تطفش كل اللي حوالييييييك

اولا :
قول نكته طويله و لما تيجى عند آخر سطر و هو
السطر المهم اللى فيه الأفيه و أعمل نفسك
نسيته ، ولو حد غلس قوله : و الله كانت نكته
جامده بس الظاهر أنى نسيتها .

ثانيا :
لما حد يشكى لك من حاجه قوله أنا عندى مشاكل أكتر منك .

ثالثا :
فى مطعم .. بص للشخص اللى قاعد على ترابيزه
جنبك و أنت ماسك لقمه فى ايدك و قوله
"ممكن الطحينه بتاعتك ثوانى" ؟ .

رابعا :
كل ما حد يقولك حاجه عيدها بصيغه سؤال ،
مثلا هايقولك "مش أنا اتجوزت" قوله "أتجوزت؟!"

هايقولك "اه الشهر اللى فات" قوله
" الشهر اللى فات؟!" ..... و هكذا .

خامسا :
و أنت واقف بتتكلم مع حد برق عينيك فجأه و أسأله
"سمعت؟!" هيسألك "سمعت ايه؟!"
قوله ولا حاجه ... خلاص راحت .
· بعد عشر دقايق ، اعمل نفس الحركه تانى .

سادسا :
و انت بتتكلم مع شخص ما ، ماتبصش فى وشه أبدا .
· و انت بتتكلم مع شخص ما ، افضل مركز فى وشه اوى .

سابعا :
طول ما أنت قاعد مع زمايلك فى الشغل ، صفر موسيقى نشيد بلادى بلادى .

ثامنا :
أستلف قلم من حد ، وحط القلم فى بقك ، و أعمل نفسك بتفكر
و منهمك و أنت عمال تعضعض فى القلم !!! .

تاسعا :
فى المترو امضغ لبانه بصوت عالى و انت واقف جنب
حد بيقرا مجله او جرنان ، و أنت بتقرا معاه طبعا .


الدرس الثاني :
اولا :
أول ماتشوف كيس كاتشب واقع عالأرض دوس
عليه برجلك جامد و قول للى معاك "أنا كنت
بشوفه فاضى و لا مليان" !!!

ثانيا :
لو واقف جنب حد بيعد فلوس و فى وسط ما هوا بيعد
قول اى رقم عشوائى "862"

ثالثا :
و أنت ماشى فى حته اى حاجه تقابلك طبل عليها

رابعا :
أضحك لواحده ماتعرفهاش فى الشارع وقولها
بصوت عالى " ازيك .. عامله ايه؟!!! "

بصراحه حكايه حلوه اوى و انا هامشى بالدرس ده و بعدين ابقى اقول على النتيجه
احمد البوشى

هههههههههههههههههههههههههه

يا خبر ابيض موضوع تحفه بجد هههههههههههههههههه

الا بلادى بلادى هههههههههههههههه

ولبا دة بئى هيقولوا عندى تشيستوفرينيا

سادسا :
و انت بتتكلم مع شخص ما ، ماتبصش فى وشه أبدا .
· و انت بتتكلم مع شخص ما ، افضل مركز فى وشه اوى

مرسيى ع الدرس الخحصوصى ده

اختك

فجر

شكرا يا كنزى بس الغلاسه بتنفع فى بعض الاحيان فلازم نكون جاهزين على طول
واستاذ محمد يلا اتعلم شويه وغلس على اى حد مضايقك
اوزو المره الجايه تجيب حق الدرس اللى انت اتعلمته ده
ههههههههههههههههههههههههههههههه