وقـــــــت الــــــــوداع

[
طول عمري عشت خايف
اتوه وسط الحياه
اكون بعنيا شايـــــــــــــف
جوايا الـــــف اه
قلبي يطلعلوا صـــــــــوت
ما املك غير السكوت
الاقيني غصب عنـــــــــي
غرقان في بحر حزني
مفيش مركب تفوت
كل اللي خفت منــــــــــــه
في هواكي غرقت فيه
وقلبي مات لانـــــــــــــــه
ملقاش اللي يداويه
ويسقيه الحنان
في اول مرة شوفتـــــــــك
لقيت قلبك حزين
ولقيت في عنيكي خوفـــك
من غدر السنين
قولتلي انا ضحـــــــــــــيه
لقلب ملوش امان
خد من عمري كلــــــــــه
رماني للزمان
رماني للزمان
طلبتي مني حبي
خدتيه من غير كلام
وعشتي ويا قلبي
احلي واغلي ايام
واتاري لسه ماضيكي
شايفاه قدام عنيكي
ولسه عايش فيكي حب الانتقام
ندمان علي كل لحظه
في هواكي عشتها
علي كل كلمه حلوه
لعنيكي انا قولتها
وانت في صورة ملاك
وف بحرك الغدار
مشيت من غير دليل
معرفش انك دمار
وجراح وعذاب وويل
وفي عنيكي الهلاك
وانت يا قلبي كفايه
مشيت وراك كتير
وكانت النهايه
اني اعيش اسير
مش مالك الاختيار
مش لاقي نفسي فيا
مش عارف مين صديقي
محبوس فيكي يا دنيا
مش عارف فين طريقي
ومنين انا هقدر امشي واكمل المشوار
لكـــــــــــــــــــــــــــــــــــــــــن
مش هضعف يوم واسلم
لو هتحدي الزمن
وانا قلبي مرة سلم
هبيعه من غير تمن
هبيعه من غير تمن
مش هقبل اني اكون
صورة لماضي فات
في عنيكي يوم اهون
علشان الذكريات
بنيتي من البدايه
حكايتنا علي الخداع
وصلنا للنهايه
وده وقت الوداع
ده وقت الودداااااااااااااااااااااااااااااااااااااااع

القصيده كلها جامده موووووووووووووووووت وكلها أجمل من بعض وفعلا الله عليك يا معلمنا يا كبرنا بس انا عجبتني جمل جامده قوي عجبتني فكرتها وبعد ما كنت هقولك ليه الصعف والحزن ده كله لقيت الجمل ده ظبطت الدنيا:-

مش هضعف يوم واسلم لو هتحدي الزمن
وانا قلبي مرة سلم هبيعه من غير تمن
هبيعه من غير تمن
مش هقبل اني اكون صورة لماضي فات
في عنيكي يوم اهون علشان الذكريات

الله على كلماتك الرائعه

تقبل خالص تقديرى واحترامى

جميله بجد روعه ربنا يوفقك يا عاشق

جميله اووووووووى وكلامتها رائعه ربنا يوفقك

تسلم ايديك يايوسف بجد جميله جدا ومعناها اجمل

اااااااااااااااااااااااااالله عليك يا جو

تسلم ايدك بجد
طبعا انت عارف اد ايه انا بحب القصيده ديه
بجد احساسك فيها عالى جدا وبجد متمكن وجميل فى اسلوبك واحساسك والفاظك وتبيراتك
وانااسفه انى اتاخرت عليك فى ردى بس انتعارف المشكله
بس انا دخلت وقراتها اول ماكتبتها
بجد ربنا يحميك ويبارك فيك يارب ويرضى عنك

مش عارفة اقوال اية بجد يا جو قصيدة فى منتها الروعة

والله انتوا اللي روعه كلكوا بلا استثناء

ربنا يوفقك فعلا كلام جميل اوى والحته اللى كاتبها بيمو دى حلوه اوى

البتاعه دي عمرها حوالي 11 سنه رغم اني كاتبها في سن صغير الا انها بتتحقق قدام عنيا بكل حرف فيها بشوفها قدامي صوت وصوره حيه وكانها كانت عرافه فتحت البللوره وغششتني كلماتها

عشان اشوفها بتحصل لاغلي انسان علي قلبي ومش هقول اسمه طبعا

تححححححححححححفه
عجبني اوي دي
وانت يا قلبي كفايه
مشيت وراك كتير
وكانت النهايه
اني اعيش اسير
مش مالك الاختيار
مش لاقي نفسي فيا
مش عارف مين صديقي
محبوس فيكي يا دنيا
مش عارف فين طريقي
ومنين انا هقدر امشي واكمل المشوار
لكـــــــــــــــــــــــــــــــــــــــــن
مش هضعف يوم واسلم
لو هتحدي الزمن
وانا قلبي مرة سلم
هبيعه من غير تمن
هبيعه من غير تمن
مش هقبل اني اكون
صورة لماضي فات

حسيتها اوي
ربنا يكرمك يا جو
ويوفقك ويكتبلك الخير في طريقك
بجد احاسيسك روعه
ربنا يحميك