ممكن تحب شخص عمرك ما شفته في حياتك...موضوع للنقاش

أخواني واخواتي..

هذا السؤال موجه للشباب والبنات...

هل ممكن انك تحب شخص عمرك ما شفته في حياتك....؟!!!

سؤال تبادر الى ذهني في هذه اللحظة...
وحيرني الجواب...
ولم استطلع الاجابة عليه لوحدي..
لذا رايت ان تشاركوني الجواب.....

فهل من الممكن ان تحب شخصا عمرك ما شفته في حياتك ....!!!

لربما عرفته من خلال شبكة الانترنت .. في احد المنتديات او كلمته مسنجر او في شات ...
اوتحدثت معه من خلال الهاتف..!!

هل من الممكن ان تكون المحادثات المسنجرية او الشاتية او الهاتفية كافية كي تعرف وتحب
شخص معين..!

ام انك ضد هذا النوع من الحب..
لانك تعتبره تسلية وقضاء وقت وتعبئة فراغ فقط ..
وهنااااك الكثيرين ممن يلعبون بمشاعر الاخرين...!!
:
:
ام انها هي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها..
:
:
ام انه لا داعي ان تتلاقي الاجساد والعيون..
كي نحب ..
لا داعي ان نكون قريبين من بعضنا البعض كي نحب..
فالحدود والمسافات لا تمنع قرب القلوب والارواح من بعضها البعض..
فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..

واننا نحبهم رغما عنا...
ودون سابق انذار منا..
ونتعلق بهم..
ونتعود عليهم..
فنلتصق بارواحهم..
التصاق الروح بالروح..
وتكون ارواحهم لارواحنا قرار..

:
:
:
اخي واختي ..
هل تؤيد او لا تؤيد هذا النوع من الحب..!!
وهل احببت شخصا لم تعرفه ولم تراه ابدا في حياتك...!

منقـــــــــــول

أخى أكرم

أولا يشرفنى أكون أول واحد يرد على موضوعك

انا هدخل فى الموضوع على طول

بس عشان أجاوبك هسأل كل اللى يدخل الموضوع سؤال بسيط

هل انتم بتحبو الرسول والصحابه والسلف الصالح ؟؟

طبعا كلنا هنقول آه

حلو أوى

طب سؤال تانى ياشباب

انتم شوفتوهم ؟؟شوفتوا الرسول والصحابه والسلف الصالح ؟؟

طبعا لأ

حلو أوى

يعنى حبيتوهم من غير ماتشوفوهم

طبعا الرسول والصحابه حاله تانيه خالص

بس ينطبق على الموضوع ده برضو .. ماهو كله حب

الحب ياااكرم مش مرتبط بإنك تشوف الشخص أو لأ

وبعدين فيه مننا اللى بيحب حد من مجرد كلام الناس عليه وذكرهم لمحاسنه

يعنى انا بحبك جدا فى الله والله

وولا عمرى شوفتك غير فى الصوره اللى كنت حاططها

يبقى ايه ده مش حب !!

لأ طبعا حب وحب حقيقى

أرجو أكون وصلت الفكره

شكرا ليك ياصاحبى

وتقبل مرورى

ام انها هي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها

اولا الفقره دى عجبتنى جدا جدا واعتقد ان فيها الخلاصه

بص يا اكرم من وجهه نظرى ان ممكن تحب حد من غير ما تشوفه بس مش الحب العاطفى

يعنى ممكن يعجبك حد او تتاثر بحد او كده زى ما هو حاصل فى المنتدى انا بحب ناس كتير جدا هنا من غير ما اشوفهم وبحد بعزهم زى اخواتى

اما الحب العاطفى اعتقد انه صعب جدا لان العين ليها دور كبير اوى فى موضوع الحب ده واعرف ناس كتير حست ان مش هو ده اللى انا حبيته

عشان تحب حد عاطفيا لازم تشوفه من جميع جوانبه وتتقبله على هذا وان كان غير كده فهى فلتات

بس بجد رد اوزو عجبنى جداجدا ومقنع تماما

ياريت نشوف مشاركتك فى الموضوع ده يا جميييييل

اه انا بحبك انت واوزو فى الله والله انا صحيح شفتك بس من قبل ما اشوفك والله بعزك زى اخويا بالضبط واكييد انت عارف Smile

اختك

فجر

اولا بحييك على الموضوع يا اكرم
ثانيا ممكن يحصل بس اكيد انك تشوف الشخص دة حاجة اكيد وليها عامل طبعا يعنى النت مجرد وسيلة للتعارف بيكملها بعد كدة ان الاتنين يشوفوا بعض
لكن اذا حب اخوى زى اللى ما بيننا كلنا هنا فى المنتدى فمش بتفرق اننا نشوف بعض ولا لاء عشان كدة كدة بنحب بعض لكن الحب العاطفى اكيد مختلف
مشكور

كونت انت سئلت سؤال زى دة يا اكرم وكونت قولتلك ان الحب ملوش مسميات الحب هو الحب وكمان ممكن تحب حب صادق جدا من غير ما تشوف الشكل لما بتحب بتحب الروح وفكر فى نفسك كده انت مش فيه ناس بتحبهم من غير ما تشوفهم وةجايز كمان اكتر من اللى انت شوفتهم المهم ان الحب يكون صادق

اولا انا مع اوزو فى كل حرف قاله وجازاه الله خير

ومن راى الشخصى ايه يااكرم فى حب عشان الحب بجد انت اتكلمت عليه فى مووووضوع جامد قولت فيه الخلاصه

يعنى بمعنى ان اللى يحب بالطريقه ديه يمكن يكون حب صادق فعلا عشان حب الروح والشخصيه وغصب عنه اتعبق بيه

وطبعا مش اىاتنيين بيشيتوا او على منتدى هايحبه بعض

يعنى بيحصل الففه وود بين الاشخاص لكن ممكن تلاقى شخص اتعلق بشخص واحد بس من بين كل الاشخاص التانيه والاعجاب يوصل لحب ويكون حب من غير مايشوفوا ويكون كل اللى حبه فيه هو لشخصه وللى لمسه فيه ودا اجمل حب ممكن اناالتمسه

وبالنسبه لسؤال هل انت حبيبت بالشكل ده ولا لا

فاانا بقول ايوه وكمان حب عصف بكل كيانى وقلب كل حياتى واستحوذ عليها كمان

بشكرك جدا الموضوع جميل اوى يااكرم جزاك الله خير

زائر

موضوع شيق كالعاده
واكيد معظمنا يمسه تفاصيله ومعناه
وانا من رايي ان لو الحب ده كان بعيد عن اي اغراض ونواياه طيبه
اكيد هوا حب حقيقي ولا غرابه في ذلك مطلقا
فلقد احببنا الله دون ان نراه
والحب دليل علي صفاء النفس ورضاها
مشكور اكرم موضوعك رائع وجريء
تقبل مروري

والله يا اكرم موضوع جامد
شوف بالنسبه للشات والكلام ده انا اساسا مش بحبه فا مش هقدر احكم عليه ولا اقول راىء فيه لانى مش جربته ولا عايزه اجربه
انما انك تحب حد من غير ما تشوفه فانا شايفه انه اه ممكن تبقى بتعزه وكمان بتحبه
بس لو وصل الحب ده للجواز وكده يعنى فاده بيبقى نصيب ومشاعرك محدش بيتحكم فيها ولاحتى انت
احنا هنا مثلا بنحب بعض من غير ما نشوف بعض
فا مش قضيه اذا انت شوفتهوه ولا لا
المهم انها حاجه بايد ربنا سبحانه وتعالى

وانت فين راليك يا اكرم

انا راى من راى اوزو موضوع هايل يا اكرم

السلام عليكم ورحمة الله
ازيك يا اكرم عامل اية ياغالي
يارب تكون بالف خير
بجد موضوعك هايل
بس انا من راي انا بصراحة مجربتوش
بس شفت ناس كتير حصل معاهم الموضوع دة فية اللي بيكمل وفية اللي
مش بيكون في نصيب بينهم
بس الحب اصلة احساس وبيكتمل بانك تقابلة وتتكلم معاه
يعني راي ممكن ارتاح لشخص واعجب بية اوي بس برضو لازم الاول اني اكمل
الاعجاب دة باني اشوفة ونتكلم
وممكن بعدها يحصل حب
وبحي احمد اوزوو علي راية جميل جدا وغير تفكيري شوية

مستنية رايك؟؟؟؟

موضوع هايل بصراحة وكل الردود حلوة جدااا و مقنعة بذات رد اوزو عجبنى جداااااا
وفعلا الانسان ممكن يحب شخص هو عمره ما شافو بس ده مش يبقا حب ده بيبقا تعوت
ان الشخص ده انا كنت بكلمو كل يوم ولما ميفتحش او اى اتجاه اخر مثلا بتحس انك نقصك حاجة وبلتالى تحس سعتها انك الشحض ده هو ده الى بتحبو ومش ينفع تستغنا عنوه بس ده مش حب حقيقى .... والله واعلم

موضوع جميل مشكور

اولا كل سنه وانت طيب يا اكرم والحقيقه موضوع انك ممكن تحب واحد تم تراه من قبل موضوع جيد احييك عليه وانا مع الاخ اللى رد وقالك احنا بنحب الرسول والصحابه على الرغم اننا لم نراهم واضيف الى ذلك انك ممكن تحب صفات معينه فى شخص لم تراه بل ممكن تتمنى ان تكون مثله زى مثلا واحد متفوق علميا او واحد ناجح فى حياته العمليه وهذا الشخص يكون قدوه لغيره واللى تلاقى ناس كثير تحبه من غير ما تراه
شريف

موضوع هليل يا اكرم
ومن ناحيه الشات فان علاقاته غير ناجحه بنسبه 99.9
وانا شخصيا عمرى ما جربت ادخل شات
ومن وجه نظرى انه للتسليه فقط وليس يمسه شىء من الجديه فى العلاقه بين اثنان

شكراا ليك
تقبل مرورى

ام انه لا داعي ان تتلاقي الاجساد والعيون..
كي نحب ..
لا داعي ان نكون قريبين من بعضنا البعض كي نحب..
فالحدود والمسافات لا تمنع قرب القلوب والارواح من بعضها البعض..
فالمشاعر والاحاسيس الجميلة الطيبة..
تلغي المسافات والحدود والابعاد الزمانية والمكانية..
وتلغي الوجود..

اخى / اكرم موضوعك جميل اوى وبصراحه اوزو كان رده جميل اوى مشكور اخى / ازوزولانك وفيت الموضوع بطريقه صحيحه وواقعيه واسلوب شيقمره تانيه شكرا لك يا اكرم وشكرا لك اوزو

:
ام انها هي الروح..
هي الروح من تحب ...
هي تتآلف مع روح اخرى تعرفت عليها فوجدت عندها الحب..
والامان والطمأنينة والسلام...
وكانت اقرب من روحها اليها..
:

اكرم سؤالك عجبنى جدا
حبيت اجاوب علية وشارك رايئ
انا اؤيد ان ممكن ان تحب شخص عمرك ما شوفتوا
لان انا اؤمن انا الارواح هى الا بتتلاقى
وانجذاب لافكار وشخصية معينة وممكن تحب شخص عن طريق
صوتوا بس دة ممكن
الرررررروح
صدقنى الحب موجود فى كل مكان وفى اى مكان
وجد فية البشر