قول مزاجك ايه ؟

مزاجى زى الفل
لانى باحب قد وصلت الى قلبى ..........وبالحب قد عرفت الله.
الدهر يومان ذا أمن وذا خطر . . والعيش عيشان ذا صفو وذا كدر

أما ترى البحر تعلو فوقه جيف . . . وتستقر بأقصى قاعه الدرر

وفي السماء نجوم لا عداد لها . . وليس يكسف إلا الشمس والقمر

زائر

خاطرتك جميله ياجمال
كل سنه وانت طيب
انا مزاجي النهارده وبعد ما البح واللحمه والزيارات خاصت
اني اقول لواحد واحد وواحده واحده من اضائنا الكرام اني بحبكم جدا وكل سنه وانتم بخير وسلام
وبدعي للمسلمين في كل الاراضي المحتله ان ربنا ينصرنا علي القوم الكافرين
وبعي لبناتنا اللي بيزاكروا واولادنا كمان
ربنا يوفقهم ويرجعوا للمنتدي متفوقين

وانت طيب مستر

زائر

زائر

جميله الصوره اوي ياكنزي ومعبره
النهارده مزاجي كويس اوي
جالي دور برد وعديت منه والحمد لله
ولما فوقت من المرض لقيت ناس كتير اوي بتسال
وحسيت اني في منتهي السعاده بسؤال الحبايب
وحسيت ان الدنيا بخير وان الطيبه في قلوب امه محمد
وراح المرض مع الحب الكبير اللي شوفته في عيون الزوار
ورسايل الاصدقاء
مبسوط وحبيت انقل انبساطي ليكم

الف حمد لله على سلامه حضرتك يا مستر
ويارب تقضل مسوط دايما

موضوعك متميز فعلا يا مستر
تسلم ايديــــــــــــــــــــــــــــــــــك
وانا الحمد لله دلوقتى مزاجى
كويس على غير العاده
قول مزاجك ايه ؟ - صفحة 2 112758664775baea310dc

قول مزاجك ايه ؟ - صفحة 2 112758664775baea310dc

[/color]

موضوعك متميز فعلا يا مستر
تسلم ايديــــــــــــــــــــــــــــــــــك
وانا الحمد لله دلوقتى مزاجى
كويس على غير العاده
قول مزاجك ايه ؟ - صفحة 2 112758664775baea310dc

[/color]

زائر

بشكرك جدا ياكنزي علي تثبيت الموضوع

التوبيك كان لازم يثبت من زمانانا بعتزر على التاخيريا مستربس حضرتك عارف ليه طبعا

انا مزاجي مش مظبوط النهاردة مش عارفة لية
يعني متنرفزة كدة
وكمان من الصبح عوزة ادخل المنتدي ومش عارفة
فا اتعكننت اكتر
بس الحمد لله في ناس سعدتني وغيرت الباسورد
ودخلت تاني
:{PL:

زائر

نورتي الموضوع يابسبوسه
ازاي بس العضوه المثاليه للمنتدي متعرفش تدخل
الحمد لله انك حليتي المشكله
يارب د ايما معانا ومنوره بيتك
انا مزاجي الحمد لله كويس وسعيد بحب الناس
وبقولك يابسبوسه خلي دايما ربنا في بالك
مش هتحسي بضيق ابدا

ربنا يخليك يامستر
ونعم بالله طبعا
بس بجد بحس اني بستخسر علي نفسي اكون
مبسوطة والدنيا برضو دايما بتعاندني
بس هنقول اية,,, الحمد لله علي كل شيئ
وكويس ان مزاجك سعيد ويارب دايما
:{PL:

ايه مالك بس يا قمر
اولا بعتزر لانى عارفه انى مقصره معاكى
وثانيا لما الدنيا تعاندك عنديها
رخمه هى بقى
هقولك
اتصلى بيا فى البرنامج
وانا احللك المشكله
مساتيه مكالمتك

زائر

السلام عليكم
انا النهارده مزاجي زي العاده الحمد لله العاده عندي دايما اني راضي
فرحان اوي بدخول بسبوسه وتشريفها الموضوع وفرحان كمان بنشاط كنزي واهتمامها بمشاكل اخواتها
وجايب كلام اعتقد ان اللي يفهمه صح عمره ما هيشيل الهم
ها سامعه يابسبوسه
قبل ما يتخلق الإنسان
رب الكون خلق لنا معادله
كل اللي بيحصل في حياتنا
من بدايتها لحد مماتنا
ميت مليون مليون عمليه
مش متساويه كده في معاييرها
بس أخرها
بتطلع قيمه ( ؟ )
نفس القيمه بتطلع ثابته لكل الناس
أيوه بقولك كل الناس

رب الكون أول ما خلقنا
خلق العدل وخلق الظلم
خلق الجهل وخلق العلم
ميه ونار
ليل ونهار
وخلق لجل ده كله ميزان
علشان عدل بني الإنسان

نرجع بقه للحسبه إياها
وأنا قلت إني أديكو مثال
في مثال (1)
أحمد عنده 10 عيال
و15 ضيق الحال
لكن حب الناس 20
أما الصحه كانت 50
بس العلم يدوبك 5
غير الحزن كمان 20
يبقى المجموع يطلع كام ؟؟
نيجي نشوف في مثال (2)
خالد عنده فلوس 60
ومرض برضه كمان 20
صفر عيال
وكمان صفر لراحه البال
أما العلم فكان 20
يبقى المجموع يطلع كام ؟؟

أنا مش عارف أصلي النسبه
لكن بس أنا بدي مثال

شوف في حياتنا فيه كام حسبه
وكام مليون مليون عمليه
جرب كده مره ترتبها
وإكتب حسبتي كده وإحسبها
هتلاقي قيمه هتطلع ثابته لكل الناس
المبسوط فيها والمحتاس
غني وفقير
عمده غفير
عالم جاهل
ناجح فاشل
اللي تلاقي في عنده زياده
يبقى أكيد هتلاقي النقص
بس إياك تتعب مـ الفحص

أما بقه بالنسبه لحالتي
لما حسبت الحسبه بتاعتي
قمت فرحت
رغم بإني رفيقي راح
لكن عندي حب الناس
راحاة البال
عندي عيال
بر لإهلي وحظ قليل
صحه وعلم
وحمل تقيل
لكن في الآخر مبسوط
ورضيت بيها زي ماهيه
وعشان تفضل فيها مبسوط
إعتبر الدنيا معديه
بتعدينا البر التاني
بر الناس كلها تتمنى
لو توصل له
بر الآخره – بر الجنه__________________

ومَنْ يَتَقِ الله يَجْعَل لَه مَخْرَجَا
ويَرْزقُه مِنْ حَيثُ لا يَحْتَسِب
ومَنْ يَتَوَكَل عَلى الله فَهُو حَسْبُه
إنَ الله بَالِغٌ أمرِه
قَدْ جَعَلَ الله لِكٌلِ شَيء قَدَرَا

صَدَقَ الله العَظيم

انا برضو كنت مضايقة لنهاردة وعاوزة اقعد دايما لوحدي
اهلي بقوا يشتكوا مني بس مش عالافة لية
بس بعد كلامك يامستر بجد عيني دمعت علي الكلام الجميل دة
انا راضية والله يامستر بس تعبت بجد من كتر المشاكل اللي حوالية والحزن اللي
جوايا.. وبرضو بقول الحمد لله علي نعمتة لان عارفة اني احسن من ناس كتير اوي
متشكرة لاهتمامك انت وكنزي ومتقلقوش يومين وهيعدوا وهرجع تاني ان شاء الله زي الاول

زائر

انا بتشرف انك يابسبوسه دخلتي الموضوعه ده بالذات علشان انا عارف كويس ان مزاجك
متقلب
عاوز اقولك ياست الكل ان مش قي اي انسان في الدنيا سعيد سعاده مفرطه
وان الناس كلها مش انتي وبس بيحثون عي السعاده
وانا بحثت وجيبت ليكي موضوع عن السعاده لعله يعجبك وتعرفي منه انك
طبيعيه ميه في المايه
انا زعلت اوي لما قولتي في كلامك انك مستخسره السعاده قي نفسك
ربنا يابسبوسه يملي حياتك فرح وسرور ويوفقك في اهم خطوه في حياتك

السعادة

يبحث كل منا عن السعادة ....فلا يجدها ولن يجدها

يظنها في المال فيجد في طلبه وما هي إلا سنوات حتى يعتاد وجود المال بين يديه وينسى أنه نعمة

يفتقدها الكثيرون فيزهد به رغم تعلقه به ويبدأ لبيحث عن السعادة في باب آخر ...

فيظنه في الحب والزواج فيحب ويتزوج ورغم دفء الحب وأهميته في مسيرة الحياة إلا أنه يعود ليشعر أنه ينقصه شيء ...

فيطلبه في الولد ويحصل عليه ويعتاد كذلك على وجوده ويبقى يلهث بحثا عن السعادة المنشودة وهو يظن أن لها مفتاحا لا يملكه ...

فإن مرض ظن أن السعادة في الصحة ....وإن سافر أحد أحبائه أعتقد ان السعادة كلها كانت معه وقد غادرته للأبد بمغادرة هذا الحبيب ...فترى الأم حزينة على فراق أولادها لأنها تظن أن وجودهم هو سعادتها المنشودة ..
وترى المغترب يسب الغربة ويلقي على كاهلها مسؤولية أحزانه وتعاسته ويظن أن سعادته لابد في عودته لترابه والعيش تحت سمائه ...

أما الطالب فاللعنة على الإمتحانات كم تسلبه هناءه وسعادته ....

والعاشق ....كل أحزان العالم ستزول لو وافق أهل حبيبته على زواجه منها ...
ووووووووو...

ولكن كل هذا بعيد كل البعد عن الصحة ....
فحتى لو عاد الأولاد لأمهم وضمتهم تحت جناحيها ...

ولوانتهى المطاف بالغريب بأن يعود إلى موطنه ...
وانتهى نظام الإمتحانات وصار النجاح تحصيلا حاصلا ...

ولو شفي المريض والعاشق الولهان .....
لن تنتهي آلام المعذبين ولن تتوقف أنات العاشقين ولادموع المشتاقين ...

فكل هؤلاء هم بحاجة لأمر آخر ....بحاجة للشعور بالقرب من الله تعالى ...بالرضى عن مكانتهم عند خالقهم ....هنا فقط قد نشعر بالسعادة والرضى ....
بل هناك قول لاأدري هل هو حديث أو قول مأثور يقول : " في القلب شعث لايملؤه إلا الله "
نعم قلوبنا تشتاق إلى بارئها ....تشتاق للجنة ....وتضيق بالذنوب والمعاصي ....

فمن فهم هذا المعنى فاز واقترب وشعر بمعنى السعادة وطعمها ....

ومن تاه في زحمة الحياة المادية وملذاتها ورغباتها فلن يعرف طعم السعادة وسيبقى يلهث وراءها بغير جدوى .....

مزاجى مخنوقة وحزينة وهموت من الهم وربنا يعلم ان المنتدى هو الا بيخرجنى من الا انا فية شويا

الف شكر يا مستر على الكلام الجامده ده وعلى الرد على بسبس حبيبه قلبى
والله فى اقرب فرصه هكلمك
طبعا كلام المستر اثر فيكى
على فكره هى مش مشكلتك لوحدك
بس هى الدنيا كده
يوم كده ويوم كده
ولازم نعيشها
فالاحسن ندور على السعاده فى كل ثانيه عايشنها
وانتى يا روبى
ايه مالك بس
اقرئى الكلام اللى المستر كاتبه كده
ويا ريت ويا ريت تبقى تكتبى ايه اللى بيخليكى فى مود الحزن ده

السلام عليكم ورحمة الله .... بصوا بقوا مشكلة النهاردة مشكلة كبيرة مع الطلبة عموما
تعملوا اية لما المعيد بنفسة يعمل سيكشن مراجعة ويقولكم علي حجات ملغية وتدخلوا الامتحان تتفاجأوة ان اللي لغاه كلة وانتو طبعا مزكرتهوش تلاقوة في الامتحان .. طب بالله عليكم دة في صالح مين؟؟؟؟؟؟؟؟؟؟
ومين المستفاد بجد من ان الطالب يفضل بذاكر ويتعب وفي الاخر الدفعة كلها تشبل المدة
ياجماعة الموقف دة حصل النهاردة مع ناس غاليين عندي ويخصوني لما يكلموني والياس مليهم
والزهق من الدنيا.. ياريت الاقي حد يشاركني في الموضوع ويرد عليا
في صالح مييييييين كل اللي بيحصل فيييييييينا ؟؟؟؟؟؟؟؟؟؟؟؟؟؟؟؟

انتي وانا وكلنا عارفين فى صالح مين يا بسبوسة
يلا مش بادينا غير
حسبنا الله ونعم الوكيل
طب تعملي اية بقى لما يدخل الدكتوراللجنه(المظلة) بنفسة ويقوم 20طالب من وسط 4000
ويقول دول بس اللي هينجحوا
الباقي يروح او يقعد براحته
بس انا هنجح دول بس
ربنا على الظالم

ميمو

زائر

اتنم بتتكلموا علي اصطف غالي عندنا وهوا اسطف الدكاتره والمعيدين والمدرسين
انا اللي بسمعه ده مش متوقعه ابدا
وحتي ده لو حصل من دكتور او معيد خارج
لابد من الوقوف علي الموضع دون السكوت فيه عميد للكليه ومسؤلين كبار جدا ممكن نوصل ليهم شكوانا بس انا عندي شعور ان اللي بيوصل المعلومه بيبالغ فيها جدا ياريت نتحري الدقه
وبعدين نوجه الاتهانات[justify]

استاذ محمد انا قلت ان اللي قالي الكلام دة ناس يخصوني ومن قبلهم السنة اللي فاتت
حصلت في اكاديمية خاصة يعني مش اول مرة
طيب هيستفادوا اية لما ينزلوا الدفعة كلها
دول كدة بيعقدوا الطلبة... بجد حرام نذاكر ونتعب وفي الاخر يطلع سراب
حسبي الله ونعم الوكيل بجد
وكمان يا مستر الاسطف اللي بتقول عليهم دول بقوا جزارين مش دكاترة
وكمان دي اكاديمية خاصة وبيحصل كدة اومال في الكليات الحكومة اية اللي بيحصل
يامستر الدنيا اتغيرت بكل اللي فيها