اوعى القطر يا عم الحاج

في تسعينيات القرن الماضي تفتق ذهن المسئولين عن العمل في مصر بمشروع جديد كان الهدف المعلن منه هو تشغيل الخريجين والقضاء على البطالة.. والفكرة
العامة كانت هي تشغيل الخريجين في كل شئ وأ شئ وكان مشكلة البطالة هي في عدم توفر فرص العمل وفقط..

المهم ان المشروع كان يتلخص في منح كل خريج سيارة صغيرة بثلاث عجلات (طبعا بالتقسيط + الفوائد المضاعفة)، وعلى الخريج ان يستغل هذه السيارة في اي مشروع يدر ربح.. يبيع عيش، يسرح بأنابيب بوتجاز، يبيع ساندوتشات كبده .. المهم يسدد الأقساط!

طبعا المشروع أثبت فشله الذريع .. لكن المسئولين لم يدركوا المشكلة.

فأعادوا الكرة مرة آخرى بمشروع يدور في نفس فلك الحل الأحادي بما اسموه مشروعات بنك ناصر الإجتماعي أو بنك التنمية المعرفش ايه...

واخيرا مشروع القطر اللي بيدوس على الناس

مع احترامي الشديد للفكرة، وللإعلان اللطيف لكن هل المشكلة هي ان مفيش وظايف .. بس؟!

مشكلة البطالة لها شقين لا ينفصل احدهما عن الاخر:

1- عدم توافر وظائف تستوعب الخريجين

2- عدم حاجة سوق العمل للخريجين

يعني الموضوع بيكمل بعضه، مفيش وظايف عشان السوق مش محتاج خريجين كليات نظرية بالآلاف كل سنة، نقوم نعمل ايه .. نقول لخريجين التجارة والاداب والحقوق .. الخ .. تعالوا اشتغل عمال في مصانع!

طبعا الشغل مش عيب، واي مهنة مادامت شريفة يبقى مفيش كسوف منها، والحكومة بتقول ان المصانع محتاجة 400 الف عامل ومش لاقيين وان بعد حملة الاعلانات دي اتقدم 30 الف واحد بس!!

يعني العواطلية ولاد اللذينة مش راضين يقوموا من ع القهاوي ويشتغلوا وياخدوا خمسمييييييييت جنيه في الشهر!

طب مادام الحكاية كده والبلد عايزة عمال منصلح التعليم بقى ونراعي التعليم اللي بيخرج عمال في الاصل اللي هو التعليم الفني والصناعي ونقلل الاهتمام شوية بالكليات النظرية اللي مبتجبش همها، والا نخلي البني آدم يدرس يجي 17 سنة ويطلع عينه ويدفع اهله فلوس اد وزنه تلاتين اربعين مرة وف الاخر يشتغل عامل!

عندك حق والله يا حسن
بس عجبنى القطر اللى بيدوس على الناس ده هههههههههههههههههههههه

sultan hasssan كتب:: طب مادام الحكاية كده والبلد عايزة عمال منصلح التعليم بقى ونراعي التعليم اللي بيخرج عمال في الاصل اللي هو التعليم الفني والصناعي ونقلل الاهتمام شوية بالكليات النظرية اللي مبتجبش همها، والا نخلي البني آدم يدرس يجي 17 سنة ويطلع عينه ويدفع اهله فلوس اد وزنه تلاتين اربعين مرة وف الاخر يشتغل عامل!

إنت جبت الخلاصه فى الجزء ده

عندك حق والله ياحسن

بس نقول لمين ونعيد لمين

انا مدرس واقولهالك بالفم الملياااااااااااااااان

التعليم خربااااااااااااااان ياصاحبى والله

الواحد كان داخل المهنه وكله حماس إنه يطلع أجيال كويسه ويرضى ربنا ويراعى ضميره

بس اللى فوقك عايزك تخليها كوسه

لأن ببساطه العمليه التعليميه كلها كوسه

فانت لما تيجى تعمل الصح

تبقى بالنسبه ليهم بتعمل الغلط

بس انا وراهم ومش هسكت غير لما أتفصل من الوظيفه خالص

شكرا ليك على موضوعك وتقبل مرورى

هي دي بلدنا يالة

واوعى القطر يا عم الحج

واهو العيد جاي والخروف بيدبح بعشرين جنية

والمعزة خماشر

والبط والفراخ " الجوز جنحة ببريزة " واهو كلة يرزق

تسلم ايدك يا سلطان

وانا لله وانا الية راجعون

ميمو

كعاده مواضيعك يا سلطان حسن

كلها بتناقش مواضيع خطيره فى مصر

بجد كلامك كله صح

بس نفسى فى يوم من الايام اللاقى بلدنا دى احسن بلد فى العالم

تقولى ازاى اقولك معرفش

بس اهم شئ نعدل من نفسنا احنا الاول

واحنا هانكون ان شا الله احسن

احييكى فى النهايه على مواضيعك الممتازه

» لعبه القطر الموت نداله صح
» الحاج متولي00000
» مساء الانوار بليل ....صبح صبح يا عم الحاج بالنهار
» كرسى الاعتراف (المجرووووووووووووووووح ) اوعى وشك
» اوعى تفكر تتجوز!!!!!!!!!!!!!!