أهرام أخبار جمهورية

أهرام أخبار جمهورية
دول صحف الحكومة الغربية
زيهم زي القناة الأولي والتانية المصرية
لا هما تبعنا ولا احنا تبعهم
دول عايشن فى عالم بتاعهم
لاسمعنا يوم منهم عن عبارة غرقت
ولا سمعنا عن فساد الحكومة الفلانيه
ولاحتى يوم ما قالوا بسم الله وذبحوا الدستور
وعملوا بيوت الغلابة زي اشاره المرور
أهرام أخبار جمهورية
حكومة طيبه ومش مفترية
أهرام أخبار جمهورية
الحزب الوطني دا حزب ألا غلبيه
والحديد دلوقتى بكذا آلف وثلاثمائة
أهرام أخبار جمهورية
الفضائية الأولى وأختها المصرية
إبراهيم عيسى واصحابه دول امريكانيه
بيتكلموا عن الحكومة وبطريقه مؤذيه
مع انه الحكومة بتاعتنا زي زوزو الماظيه
اللي لابسه تاج الفتاه المثالية
وأهرام أخبار جمهورية
ضحكوا علينا باسم الدايمقراطيه
وخلاص البلد راحت فى شو ربه ميه
ولا شوربه مرقه الدجاج ع الملوخية
واوعى تتكلم يا ابن اللذينه آنت وهيه
هى دى خطه الحكومة الالكترونيه
وأهرام أخبار جمهورية
المعارضة دا ناس مفترية
بتا خد فلوس من البلد الفلانيه
عشان تعمل آسفين بين الشعب
وحكومته صاحبه الطلعه البهية
أهرام أخبار جمهورية
شوف الاسامى الشعبية
أهرام يعنى رموز الوطنية
أخبار أخبارها دايما رسملنا الفرحه
مع أنها مش حقيقة
جمهورية يعنى انا وانت وهى
عايشين فى أزهى عصور الملوخية
أهـــرام أخبــــــار جمهورية
فتنه طائفية دى مش حقيقة
فتــوى بالكـــــيلو للافنديه
على مــكاتـــــبهم مترميه
ادفع تاخد فتوى من اتنين موظفين
رواتبهم اكتر من ربعمايه
أما الفتوى الحقيقة
مش هتيجى على هوا ألبيه
أبو حكومة الكترونيه
أهرام أخبار جمهورية
م الاخر اسمع يا عبيط آنت وهيه
الفساد م الاخر ميه ميه
والحكومة قاعدة قاعدة
على قلوبكم زى الرزية
لامعارضه هتعمل حاجه
ولا اعتصام العمال يفرق فى حاجه
واخــــــــــــــبـــــــــار
واهــــــــــــــــــــــرام
وجــــــــمـــــــهوريـــــة
مش كدابين دول بيشوفوا شغلهم ميه ميه
بيضحكوا ع الشعب مثلاً
طيب وفيها آيه ماهى دى الرشوه الاعلاميه
أهرام أخبار جمهورية
دول اجمل تمثيليه
فوق بقى يابنى انت وهيه
واعرف انك فى بلد الصحف القوميه
اللى الحياه فيها بهيه وزاهيه
وسلملى على زوزو الماظيه
يابن الذينه انت وهيه
واهرام واخبار وجمهوريه