ملاك ولا بشر

لما تكون مخنوق من نفسك
تعبان من الدنيا مخنوق حتي من جنسك
عاوز تتكلم مش قادر
خايف تقول اية جواك اية اللي فى ذهنك
بسحرها ولطفها وادبها تلاقي نفسك مامنها حتى على قلبك
اللي يجننك انها مش حد شايفة ولا لامسك
دي حتى مش حبيبتك
كلمتها ....صارحتها بألمي وكل احزاني قلتها
من غير لية لقيت كل كلامي المستخبي طلعلها
مندمتش حكيت لها
دي كفايا طيبة قلبها
من راحتي بعد الكلام معاها
قلت يا بخته اللي تحبه وهو يحبها
عارفة اللي جوايا وحساني
حتى لو مكنتش شيفاني
شايلة هموم وجراح ياما
بس اللي زيها قلبه مش اناني
قمة سعادتها مش مال ولا جاه
دي بتفرح اوي مع فرح اي انسان تاني
قولو انتو بقى دي ملاك ولا بشر
لو ملاك تبقى الملايكة قلبها علينا انفطر
ولو بشر يبقى اطمن
لو جواك هم كلمها
والله معاها هتعيش على القمر
كلامي دا شكر ليها
وبردو مش كفايا عليها
لو كانت ترضيها الهدايا ؟
ابيع العمر وبثمنه اغلى هديه اشتريها
بس انا عارف ان هناها
فى ابتسامه او دعوة ليها هدعيها