ادخل واسأل من تحب

[ طبعا احنا معظمنا نعرف بعض من زمان وفيه حاجت ممكن نكون عاوزين نسال حد مننا فيها فكل واحد فينا هيختار عضو ا ويسالوا اي سؤال ومن غير احراج ومطلوب من اللي هيتسأل انه يجاوب وبكل صراحه وبعدين يختار هو حد ويسالو هي لعيه شوفنا زيها كتير بس ظريفه وبتحسسنا اننا مع بعض ياريت الكل يشارك اتفقنا ؟
انا مش هبدأ انا هسيب اللي يبدأ اول واحد يدخل هو اللي يختار حد ويسألو

مممممممممممممممممممم

ليه كده يا جو انت كده زنقتنا او زنقت نفسك
مش عارفه اسال مين وايه بس مافيش حد ادامى غيرك
وانا كمان عشان بشجع اللعبه او الموضوع ده هابتادى معاك انت شخصيا صاحب الفكره
هسالك واقولك
تعمل ايه لو
لا خلاص انا رجعت فى كلامى وهاسيب الاسئله لبقيت اخواتنا
وهاسالك انت على الايميل احسن

لا انا مش الكلام ده انا عامل المزكره عشان نحس اننا كلنا مع بعض ونشارك بعض ممكن كل واحد فينا يسال التاني عالايميل لا يا ستي مش لاعب اللي عاوز يسال يسال هنا عشان الكل يشوف

انا هسال يا عاشق وهبدا بيك معلش بقه عايزة اسالك انت امتى بتكون راضى عن نفسك اوى وبتحس انك مرتاح ؟؟؟

الاول اذيك يا دودو عامله ايه يا كميل انا ياستي مش من النوع اللي بيرضي عن نفسه او يعاملها كويس طبعا ده بيني وبينها انام في التعامل مع الناس مبسمحش لاي انسان في الدنيا مهما كان انو يمسحها او يحاول يجرها تمام بالنسبه لامتي بكون راضي عن نفسي فانا عمرت مبكون راضي عن نفسي غير وانا بين ادين ربنا اقسم بالله مابحس اني بني ادم غير وانا بصلي انا لا شيخ ولا حاجه انا مقصر جدا ومهمل جدا جدا في الناحيه دي بس دي الحاجه الوحيده اللي لما اعملها بحس اني راضي عن نفسي ومرتاح

انا بقي هسال مين ؟ مين ؟ انا عاوز اسال ناس كتير اوي اوي بس هبدا بمين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اه سندريللا اختي الجميله الحبوبه اللي كلنا نعرفها طبعا واللي اويانا في المنتدي بتاعها ومجمعانا واللي ناس كتير متعرفش عنها حاجات كتير عشان كده عاوزها ترغي شويه وتحكي عنها وتعرف الناس مين سندريللا من جوا ؟

وعلي فكره ياشباب ممكن اللي يدخل ومايلاقيش نفسه اتسال يسال اي حد مش لازم نمشي بالترتيب اوك؟

انا متابعه بس هاستنى سندريلا لما تدخل وترد عالسؤال اوكى

عاشق انت وقعت تحت ايدي ربنا يكون في عونك هههههههههههههه

كنت هسألك انت بتقول ان انت دموعك غالية عليك أو بقت غالية عليك ممكن أعرف ايه السبب اللي خالها غالية عليك ده لو ما كنتش غالية عليط بعدين بقت غالية عليك

وكمان هسألك سؤال صعب شويتين

انت قولتلي انك مش هتحب واحده بعد اللي كنت بتحبها انا هسألك ايه اللي حصلها--مع إني تقريبا عرفت--وقعدت قد ايه غاية ما تغلبت عن فكرة بعدها عنك أو عدم وجودها جمبك

انا عارف إن السؤال ده صعب عليك جدا بس برده عارف إنك بشخصيتك أو جرأتك مش هتخاف تجواب أو تتردد علشان كده بعد ماكنت مش هسؤلهولك قولت هسأله

ممممممممممممممممممممممم من هى سندريلا سوال صعب اووووووووى سندريلا بنوته مهما كبرت بتحس انها لسه صعنونه بتحب روح الطفوله والمرح فيها رغم انها عدت المرحله دى بكتير بحب الناس مش بحب ازعل حد منى بحب الصداقه بحب اشوف حب الناس ليا بحب الدين والتدين نفسى ابقى ام واسم كلمه ماما يمكن دى امنيتى عنيده اوى ومخى صعيدى بس احيانا بحس الضعف ومش بحب ان الناس تحسه بتحب الوحده اوى بتحب تعد مع نفسها مكنش من طبعا كده بس بقت كده ونفسها ترجع تحب الحياه بس للاسفه بقت بتحب النت وحب الناس ليها ومش بتحب تتعامل مع بشر يمكن بقت كده لانها شافت مواقف خلتها تتعقد من الناس ممممممممممم مش عارفه صعب اوى ان حد يتكلم عن نفسه بس يعنى اديكم عرفتوا حاجه مشكور يا يوسف

مممممممممم سوال موجه ل دودو ونهال ويوسف وببيمو مين هى سندريلا ؟ عاوزه اعرف كل واحد شايف سندريلا ايه ؟

حبيبتى بتحرجنا ؟؟؟؟؟

هاقولك ياقمرى انا شايفه سندريلا ايه تبقى طفله صغيره بالرغم من ان مخها كبير اوى سندريلا تبقى شمسى وقمرى اللى منورالى حياتى كلها لما شمسى تغيب بيظهر قمرى ولما قمرى يغيب بتظهر شمسى شيفاها الانسانه اللى عمرى ماتخيل انى ممكن اقابلها فى حياتى كلها حنينه اوى ورقيقه اوى اوى وبتحب الناس من قلبها بجد وانا بقول الكلام ده وانا متأكده انك حاساه وحاسه بيا بـــــحـــــــــــــــبـــكـــ

برده هاقول مش هاسأل غير لما كل اللى سندريلا سألتهم يردو عليها

والله انتو تحف

مممممممممممممم السندريلا ممممممممممم

انا عارف اني مش هعرف أوصفها زي ما بتعمل نهال أو أكتب شعر زي ما بيعمل عاشق أو أحكي عنها زي ما بتعمل دودو

لكني هحاول أحكي عنها واتكلم عنها زي ما بتمسلي

السندريلا طفل صغير حبوب الكل بيحبه أو مفيش حد عرفه كويس إلا وحبه وانا أبصم على كده بالعشرة المهم الطفل ده اجمل وأطيب طفل شفته في حياتي

السندريلا ملاك طيب جدا عنده مقدرة غير طبيعية إنه يوصل لقلوب البشر بس مشكلته إنه جه في زمن مينفعش فيه الملاك

السندريلا أعز أخت اللي طول عمري كنت بتمنى إن ربنا يرزقني بيها طول عمري يعني أخت سنها قريب من سني وتفهمني من غير ماتكلم

السندريلا أبرء طفل شفته,,أجمل ملاك كلمته,,ألطف كائن قابلته

السندريلا لحقتني في وقت كنت كاره فيه للحياة خلتني أحس إن الدنيا لسه بخير بشخصيتها وإسرارها على كل الصعاب والماسي اللي وجهتها

السندريلا ........... شخص يصعب وصفه بالكلام أو حتى بالشعر أو بأي طريقة أخرى

لإنها السندريلا السندريلا

--اسف جدا لو كنت طولت عليكم بس بجد يا جماعه ده أقل حاجه أكتبها انا كان نفسي اكتب كمان وكمان ومهما كتبت مش هوفيها فضلها عليا اللي هي متعرفوش--

وفي الاخر مقدرش أقول حاجه للسندريلا غير شكرا يا أغلى أخت وأعز صديقة

ربنا يوفقك في دنيتك واخرتك ويحفظك لينا ويرزقك من رزقه سبحانه ويخليكي لينا ويصبرك على أي حاجه صعبه واجهتيها ويا رب يا رب متواجهيش صعوبات تاني ويخليكي ليا يا أغلى وأعز وأجمل وألطف أخت

السلام عليكم

انا فى البدايه بسلم على جو وسلام خاص لسندريلا ولحبايب جو وسندريلا
وتانى حاجه انا هاسمح لنفسى بعد ازنكم وبعد ازن سندريلا انى اقول رايي المتواضع عنك يا قمر بالرغم انى فى الحقيقه وبكل اسف معرفكيش معرفه شخصيه
بس بجد بعد اللفته الجميله اللى سمعتها منك وعنك من حبايبك واخواتك انا كان ليا الشرف انى اكتبلك كلمه
وكمان بقولك ماشاء الله عليكى انى فعلا انسانه جميله وطيبه وروحك طيبه وبجد الكل بيتكلم عنك بالخير وانا حبيتك فى الله يا اختى الجميله الرقيقه
وعايزه اقولك حاجه من خلال الكلام اللى قريته وفهمته ان فى حياتك حاجه او حاجات الاول بقولك ربنا معاكى ويعينك على اللى انتى فيه وكل المؤمنين
بس بجد احب اقولك ان كفايا عليكى تعيشى بحب الناس وحب اخواتك دول وبالخير اللى انتى بتعمليه وبتساعدى بيه اى حد هى ديه قمه الحب وقمه العطاء وكمان ياريت تكون قمه الرضا بالنسبالك وديه وجه نظرى
واخيرا احب اكرر ان كان ليا الشرف انى اكتبلك ولو كلمه بسيطه
واخيرا احب اشكرك على اختيارك ليوسف مشرف للقسم ده بجد قسم هايل وانا بهنيكى على اختيارك وبهنى يوسف عليه واحب افكره بس انى قولتله انه قسم هاينولاعجاب ناس كتير
انا متبعاكم ومنتظره منكم كل جديد

انا هرد علي بيمو الاول عشان رائي في سندريللا عاوز مزكرات اتكلم فيها اولا يابيموا يا صا حبي يا غلس ده مبدأيا قبل اي كلام السؤال الاول انا دموعي غاليه اوي وعزيزه اوي من وانا لسه عيل صغير حتي لما كنت اتضرب وانا صغير مكنتش بعيط وكان ابويا الله يرحمه بيتخنق مني اوي بسبب الموضوع ده وانا طبعا مكنتش بضرب غير لما اكون عامل مصيبه كبيره وانا كانت مصايبي كتير بس ابويا كان حنين اوي الله يرحمه وانا كنت بستحمل ومعيطش ابدا بس لما كنت باجي انام واختلي بنفسي كنت اعيط اوي وتصعب عليا نفسي وكنت صغير وبعمل كده من غير وعي طبعا فمن صغري وانا دموعي غاليه اوي وكانت مصيبه بالنسبالي ان حد يشوفني ببكي واول مره ابكي علنا ادام الناس كلها من غير ماشغل بالي مين شايفني وشايف ضغفي هي يوم ماتوفي ابويا ربنا يرحمه يارب برحمته يومها عارف لما تكون حابس اسد سعران وفتحتله الباب دموعي كانت كده بالظبط انا فضلت شهر ابكي برغم من اني مش من النوع اللي بيعتمد علي حد بس حسيت اني اتكسرت اوي وان مبقاش ليا ضهر مش عارف ليه حسيت بالاحساس ده بس هو احساس وحش اوي اوي اوي
ده بالنسبه لاولا يارخم
بالنسبه للسؤال التاني يابن الناس مش عارف انت بتتكلم في الموضوع ده ليه انا مقولتش بحبك لحد قبل كده واتحدي نساء العالم كلهم تيجي واحده منهم تقولي انت قولتلي بحبك في يوم من الايام انما ندي الله يرحمها اللي قتلني بعد موتها انها قالتلي مليون بحبك وانا كنت قاسي قوي معاها ومفرحتهاش بيها وعشان كده لما راحت مني حسيت بلوم صعب اوي ليا وحسيت اني بحبها مش عارف ليه اصحابي القريبين اوي مني قالولي اني حبيت حبها ليا واحساسي ده ناتج من احساسي بالذنب ناحيتها ومازال احساسي ده موجود لانها كانت انسانه رقيقه اوي وحساسه اوي وجميله اوي واستحملت مني ساخفات كتيره ربنا يرحمها ويرحم ابويا واموات المسلمين يارب وانا ليا كلام تاني معاك يا عم بيموا

ثانيا بئه بالنسبه لسندريللا اختي الجميله انا مش عارف اقول عنها ايه مع اني معرفتهاش غير من خلال كلماتها ومن خلال المنتدي بس بجد سعيد اوي اوي اوي اوي اوي اوي بيها وبمعرفتي ليها لاني شايف فيها انسانه محترمه جدا ودي اول حاجه لازم اقولها ليها وشايف كمان فيها انسانه رقيقه حساسه وجدعه بمعني كلمة جدعه بحس انها اختي بجد مش عارف اقول ايه بس لو فضلت اتكلم للصبح مش هلاقي كلام ينجدني من الورطه اللي هي حاطتني فيها دي بس انا مش هقولها غير شكرا اني عرفتك يلا سندريللا انا بشكر ربنا ثم الظروف اللي عرفتنا ببعض وبشكرك جدا انك عملتي المنتدي ده واديتيني الفرصه اني اتكلم واحس اني وسط اخواتي اللي بحبهم وبيحبوني حتي من غير مانشوف بعض شكرا

اولا لازم اشكرا حببتى اللى حبتها اوى ومش برد ليها الكلام انتى من الناس اللى حبتهم بس الصؤاحه حبيتك من نهال وعاشق واتمنى انى بجد اتعرف عليكى اكتر وبشكرك انك وجهتى ليا كلام بجد بجد انا فى قمه سعادتى وفعلا انا الايام دى مش تمام بس لما بدخل المنتدى بنسى الدنيا كلها ويوسف يعنى هقولك حاجه علانى كده انا كل الولاد اللى فى المنتدى اخواتى بس انت يوسف اخو سندريلا ياريت تفهما انت بقى وبجد بتمنالك السعاده ويارب افرح بيك بقى شكلها هتبقى امنيتى ربنا يسعدك يااااااااااااااااااااااااااااااارب

دودو طبعا الواحيد اللى مش ردت على سوالى ممممممم ماشى يا دودو كونت محتاجه انك تردى عليا بجد يمكن انتى كونت هتكشفى كل حاجه فى شخصيتى بس ما علينا عاوزه اسئل دودو تانى ويارب تجاوب ايه اوحش حاجه فى سندريلا؟ عاوزه اسئل نهال حببتى ايه الحاجه اللى مش بتحبيها فيا او عاوزانى اغيرها ؟ اسئل بيمو تفتكر شخصيه سندريلا ضعيفه؟

اسئل عاشقه بتفضلى الحب ولا الصدقه فى الزمن بتاعنا ...سامحينى انتى اللى سئلتك سوال بعيد عنى لنك مش عرتفينى اوى وكمان عاوزه اعرف عاشقه اكتر ؟

اسئل عا شق سامحنى يا اخويا على السوال ..ليه قفل قلبك بالمفتاح فى سبب ولا مستنى النصيب ؟

عاوزه اس ئل اسئله لكذا عضو بس للاسف مش بشوف ناس كتير على القسم ده ياريت اللى بيدخل يقول مث لا انا هنا انا هو علشان اعرف اسئل

يااااااااااااااااااااااه يا سندريللا اصعب سؤال ممكن اجاوب عليه بس انا هقول حاجه بسيطه يمكن اعرف اهرب من الجواب ده انا بنصح كل اصحابي انهم مايقولوش كلمة بحبك غير لما يكونوا أدها أدها اوي واللي مش أد الكلمه دي مايقولهاش وملوش الحق انوا يحسها ولا يفرح بيها وانا مش أدها يا سنديريللا

انا متشكره ليكى جدا يا اميرتى يا قمر يا سندريلا على كلامك ده وكمان بشكر اطيب وارق انسانه عرفتها نهال كتير ومن الواضح انها كلمتك عنى كويس وده المتوقع من انسانه زيها وبجد والله انا بحبكم جدا وربنا اللى عالم باللى جوايا ليكم انا ماليش اخوات بنات وصحباتى قليلين لكن وربنا اللىاعلم انى بعتبركم اخواتى بجد وبتمنىاعمل لاى حد منكم اى حاجه تسعده وتفرحه

وبالنسبه لسؤالك يا سندريلا فاسؤالك صعب ومش صعب
اولا من ناحيه الحب والصداقه فى المفهوم الطبيعى ليهم طبعا الاتنين ليهم معنى واهميه كبيره جدا
ثنيا بقى لو تقصدى الحب او الصداقه فى قاموس الحب فاطبعا هاقول الحب اذا وجد فاهو هايجمع كل حاجه حلوه من حب واحتواء وصداقه واكتر كمان
بس للاسف اذا توفر الحب من طرف واحد بس يبقى قمه الحب ان الطرف اللى بيحب يبقى على الصداقه اكتر
واحيانا بتكون الصداقه كافيه انها تقوم بادوار كتير
ممكن تحسى من كلامى انى بحور بس انا عشان ابعد عنك الحيره هاقولك وجه نظرى المتواضعه
ان الصدق هو اللى بيخلينى اقول كده وهو سبب وجه نظرى فى الرد
عشان لو الحب صادق يبقى مش هاقول اى تعليق ويوم ماالحب الصادق ده يواجه صد او يكون من طرف واحد يبقى مش بيخسر صداقه الطرف التانى وانه يفضل جمبه صديق واخ يشيل معاه همه وحزنه ويشاركه اوقاته الحلوه والوحشه ويساعده يتغلب على محنه
اسفه لو كنت مخترتش حاجه من الاتنين لانى مقدرش اقولك اختار الحب واهمل الصداقه او اختار الصداقه واعيش من غير حب
بس اللى اقدر اقوله ومتاكده منه انى
بحبك والله العظيم يا سندريلا جدااااااااااا

انا عايزه اسمح لنفسى اسال سؤال وبتمنى ان سؤالى يكون يستاهل انه يكون سؤال
وهاوجه لعاشق ولسندريلا ونهال وديمو بصفه خاصه بجد احب اسمع رايهم فيا
وبصفه عامه احب اسمع تعليق بقيت اصدقائىواخواتى اللى يحب منهم يقول راى او نفض فيا انا هاكون سعيده بكده وانا بقولها انى مش بزعل من النقد مهما كان

ايه ده كله اولا ياسندريلا انتى عارفه الحاجه اللى مش بحبها فيكى وياريت فعلا تتغير وهى انك مش بتحبى تحكيلى عن الحاجه اللى مزعلاكى او مضايقاكى انا عارفه ومتأكده انك مش بتحبى تضايقينى بس صدقينى انا بتضايق اكتر لما يكون فى حاجه تعباكى ومش تحكيلى عنها لان ده بيحسسنى انى من اقرب الناس ليكى فعلا وماينفعش اعرف عنك الحلو بس والا مابقاش جديره بالاخوه والصداقه اللى بنا وكمان انا مستعده اوى وكفيله انى اشيل معاكى حمل اى حاجه فى حياتك ياسندريلا وبرده ماينفعش يبقى كل اللى حواليكى عارفين الحاجه دى وانا ماعرفهاش ةعشان خاطرى لازم تشيلى الفكره الغريبه دى من دماغك

ازيك ياعاشقه انا هاقول رأيى فيكى بصراحه انا فعلا معرفكيش غير من وقت قريب بس لله الحمد انا حبيتك فى الله وبعدين لما اتكلمت معاكى لقيتك انسانه فى منتهى الرقه والطيبه وانسانه صادقه ومشاعرك جميله اوى وبجد كنت بتكلم معاكى اول مره كأنى اعرفك من زمان اوى وكأنك صاحبتى اللى اعرفها كويس بجد انا بشكر عاشق عشان هو السبب فى اننا نعرف بعض

متشكره ليكى يا نهال جدا على كلامك ده

وانتى كمان اكيد عارفه انا بحبك اد ايه لانى حبيتك بدون ماكلمك او اعرف عنك حاجه
وانا كمان بشكرك معاكى جو وكمان على انه كان وسيط بينى وبين سندريلا حبيبتى قلبي فى بدايه التعارف
وشكر خاص لسندريلا انها هى السبب الاول والاخيرفى تعارفنا كلنا فى المنتدى الجميل ده
بشكرك جدا يا نهال وربنا يديم اللى بينا يارب

» ادخل ادخل انت بس
» ادخل واعرف نفسك
» ادخل العياده
» ادخل واعرف عمر قلبك
» ادخل بس ف الاول