أنا المتدين الصح.........

شيل الدين من الدنيا هتتحول في ثوانى لغابة
بس ازاي الناس هتقرب لو شايفينوا كئابة
عارف ليه بيجلنا امل ودايما بيروح كالعادة
فاكرين الطريق الصح مفيهوش سعادة

ايوه إكره أي غلط ومتكرهش الغلطان
كان ممكن تبقي انت مكانه، تكون في التوبة طمعان
او تايه ومحدش دله الصح طريقه إزاي
ادعيله ربنا يهديه، ويغير عمره الجاي!

ده شعر كان فى حلقات الطرق الصح للداعيه معز مسعود وحبيت انى ابدأ بيه الموضوع والبرنامج بجد هايل وهوحاليا موجود فى قسم الخطب والمحاضرات

اول شىء احب اتكلم فيه موضوع المتدين الصح..............

لماذا نلصق في اذهان الناس دائما ان التدين = التطرف والتخلف.. واذا قلنا ان هذه عينات من بشر يعيشون بيننا بالفعل فأين النماذج الاخرى .. لماذا يقدم المجتمع دائما على أنه متدينون/متخلفون او متحررون/ محترمون !!
اين نموذج المتدين الذي يعيش بين الناس بشكل بسيط ومتسامح ويطبق تعاليم الدين الصحيحة، فيرعى اهله وجيرانه ولا يسئ إلى أحد ويتفوق في دراسته ... الخ
هل التدين يتعارض مع التمتع بالحباة؟؟
هل هناك تدين مزيف ؟

كيف تولد هذا الفهم الخاطيء عن المتدين ؟

و كيف رسم المجتمع صورة مشوهة للمتدين ؟

و هل يتعارض التدين مع التمتع بالحياة ؟
يا ترى الدنيا بلا دين ؟؟؟ حتبقى عاملة إزاى ؟؟أكيد غابة ؟؟؟
يا ترى المتدين يعنى مفيش رومانسية ؟؟؟
يا ترى هو كئيب دايما ؟؟
إزاى نفهم دينا صح ؟؟؟
إزاى نعيش احلى حياة و ربنا راضى عنا ؟؟
إزاى إننا منبهرين بحضارة الغرب و ببعض عاداتهم مع انهم بيشتكوا منها ؟؟
وهناك ثلاثة أهداف للموضوع
1) أن نكف عن النظر الى الدين على أنه شيء كئيب.
2) أن نكف عن تقليد الغرب بل ننظر اليهم بالطريقة الصحيحة.
3) أن نفهم ان هناك لذة في التدين كثيرا من الناس لا يعلموها
الموضوع ليه أبعاد كتيره جدا هحاول على اد ما اقدر اتكلم فيها ومنها:
ليه الناس نظرتهم للدين على انه كأبه.......
ليه مخرجينا المحترمين بيطلعو المتدين على انه ارهابى او متدين مزيف الا من رحم ربى.......
ليه احنا بقينا كده؟؟؟؟؟؟؟؟؟وحال المسلمين اتغير 360درجه ؟ايه اللى جرالنا؟؟؟؟؟؟؟
ان شاء الله نحاول جميعا نصلح صوره المسلم المتدين الصح مع بعض
والموضوع مفتوح للمشاركه وللكلام بقيه...............

إجعل شعارك كل يوم

( إني أخاف إن عصيت ربي عذاب يوم عظيم )

ايوه إكره أي غلط ومتكرهش الغلطان
كان ممكن تبقي انت مكانه، تكون في التوبة طمعان
او تايه ومحدش دله الصح طريقه إزاي
ادعيله ربنا يهديه، ويغير عمره الجاي!

هايل كنزى عندك حق والله مشكوره..................

زائر

1) أن نكف عن النظر الى الدين على أنه شيء كئيب.
2) أن نكف عن تقليد الغرب بل ننظر اليهم بالطريقة الصحيحة.
3) أن نفهم ان هناك لذة في التدين كثيرا من الناس لا يعلمو
انا اعرف كثيرون متدينين ومتحررين في نفس الوقت
عمر الدين ما كان تقييد حريه ولا كأبه
والغرب فيهم كتير من تقاليدهم تتفق مع ديننا مثل اعتماد الشاب والفتاه علي نفسها من اول سن النضوج
احنا بنفضل حايفين علي ابنائنا حتي الزواج
عاوز اقول ان الدين الاسلامي جميل جدا وفيه من الحريات ما يكفي لسعادة المرء
موضوعك كبير اوي والكلام فيه لا ينتهي
بشكرك جدا ياكنزي علي ثقافتك ووعيك

شكرا ليك كنزى على موضوعك الجميل اوى ده
وبعد إذنك ممكن أقول رأيى
الموضوع ده جانبين
الجانب الأول متعلق بالشخص اللى عايز يكون متدين ..الشخص ده بيكون فى الغالب بدء يفهم إنه لازم يكون شخصيه كويسه كما أمره الله ورسوله فيقوم يعمل أيه .. يقرر إنه يكون متدين ومحترم ..ولكن
يغيب عن باله القدوه الحسنه..يعنى مش بياخد حد متدين ومحترم والناس بتحبه كقدوه ليه
يعنى غياب القدوه الحسنه اللى ممكن تخليه يفهم التدين بشكل سليم
أما الجانب التانى فده متعلق بالمجتمع ..المجتمع بقا ينظر للمتدين على إنه حد معقد أو إنطوائى أو حتى لا يتمتع بمتع الدنيا
مع إن ربنا أمرنا إننا نتمتع بما رزقنا ولكن بشرط أن لاننسى آخرتنا
والمشكله دى هى الأكبر ..لأن نظرة المجتمع للمتدين غالبا ما تكون بالشكل ده وده له أسبابه ..من أفلام ومسلسلات شوهت صورة التدين ومن نماذج متدينه تدين لايمت للدين بصله ولا للتدين بمعناه الحقيقى بأدنى علاقه
يبقى الخلاصه أيه بالنسبه لرأيى
أولا لابد من وجود مثل وقدوه حسنه عند التدين
ثانيا لابد من تغيير أفكار المجتمع عن المتدين وعدم تكوين رأى مسبق وعدم فرض حكم قبل أن تتعامل مع المتدين وتعرفه بنفسك
آسف ع الإطاله..تقبلى مرورى

مشكووووووووووووووووووورين بجد جدا
انا مبسوطه اوى من الردود بجد اسعدتنى ارائكم مستر محمد واوزو
من كلام مستر محمد انه العيب عيب تقاليد وعادات مجتمع وده طبعا تمام جدا بس المشكله هنا ازاى نغيرها وهى اصلا مش فى ديينا بس موجوده

واوزو ارائك دايما بتعجبنى وبردو قولت العيب فى المجتمع وكمان غياب القدوه

فعلا ادرتو توصلو لابعاد المشكله
السؤال هنا بقى
ازاى العادات تتغير وفعلا هى ممكن تتغيبر ولا ده مستحيل
وازاى نلاقى القدوه الحسنه وكمان ازاى نبقى احنا قدوه حسنه
وده اصلا صلب الموضوع
للموضوع بقيه..............

or=red]]و احب اتكلم فى اول حاجه ممكن تأثر على الدين ككل وهى التليفزيون لانه اسهل وسيله
وهناقش ازاى السينما بتعرض المتدينين

بحكم متابعتى الجيدة للسينما المصرية بمختلف مراحلها حاولت أن افكر فى موقف المتدين فى السينما المصرية

والحقيقة النتيجة كانت لا تسر عدو ولاحبيب .. فالمتدين دائما فى السينما المصرية ذو لحية طويلة وتكشيرة كبيرة على جبينه ويمسك بمسبحة لمجرد اللعب بها دون اى تسبيح وهو ظالم او حرامى او صاحب شركة توظيف اموال او صاحب مساكن شعبية تغش فى مواد البناء او بائع للوهم وهو جحود , عصبى جدا لا يشاركه احد فى الرأى وهو صاحب الرأى الاوحد الصواب , زير نساء بعض الاحيان وهو قاتل وهو ايضا سياسى لا يفقه شىء فى السياسة سوى البحث عن حكم اسلامى صارم وهو يحرم كل شىء ويصدر الاحكام الدينية من خياله وهو محامى للجماعات الاسلامية والارهابية وهو طماع وامير جماعة ارهابية وهو ايضا طالب بسيط دخل الخلايا الاسلامية المتشددة والارهابية ويقتل المشاهير ويذبح الاطفال ويفجر الاماكن العامة دون وعى حيث أن على عينه غشاوة .

كل هذه صفات المتدين فى السينما المصرية والدراما المصرية عموماً .. وان كنت لا تثق فى كلامى لك امثلة بسيطة

الكاتب وحيد حامد آثر تشوية المتدين فى السينما المصرية .. تكاد تقريبا لا تشاهد فيلم من تأليفه الا وتجد هجوماً على المتدين .. فبعد خلافاته مع منتصر الزيات " محامى الجماعات الاسلامية الشهير واحد كبار قادتها " قام وحيد حامد بكتابة فيلم طيور الظلام والذى كتب فيه عن شخصية منتصر الزيات فى دور رياض الخولى المحامى الخصوصى للجماعات الاسلامية المتشددة .. ونشبت الخلافات مرة اخرى بين منتصر الزيات ووحيد حامد حتى انتهى المطاف بصلحٍ هادىء .. وعاد مرة اخرى وحيد حامد الى المتدين فى فيلم الارهاب والكباب فهو احمد عقل الرجل المتدين الذى يترك عمله ليصلى طوال الوقت ولا يقوم بمهام عمله ويتشدد فى كل شىء .. حتى فى افلامه القديمة بعض الشىء مثل فيلم كشف المستور الذى فيه عايدة عبد العزيز المتدينة والتى تقيم مكانا للندوات الدينية فى منزلها هى التى تكفر كل الناس وهى التى تأخذ نقود من اشخاص مجهولة من دول خارجية .. وهو صاحب الجملة المشهورة على لسان نبيلة عبيد فى فيلم كشف المستور " الدين دين القلب يا روحى " .. ويتكرر نفس الموال فى فيلمه الجديد " عمارة يعقوبيان " التى كتب له السيناريو والحوار والذى يرسم فيه " محمد امام " فى دور الطالب المقهور المظلوم المنضم الى جماعة ارهابية اسلامية يقول زعيمها انه لا يريدها علمانية وانما نريدها اسلامية .

عادل امام والذى آثر دائما الهجوم على المتدين فى الواقع وفى الاعمال الفنية .. فى فيلمه " كراكون فى الشارع " كان المتدين هو " عدوى غيث " صاحب شركة تبنى مساكن شعبية يعطى لكل ساكن كيس من التمر حتى يأخذ النقود ويهرب خارج البلاد .. وفى فيلم الارهابى جسد عادل امام فكر لينين الرملى عن المتدين وهو الارهابى الغبى الذى يرمى باحكام الكفر على كل الخارجين عن طوعه وهو صاحب الجملة الشهيرة على لسان احمد راتب امير الجماعة فى فيلم الارهابى " مهدورٌ دمه " والتى يقولها وهو يغمس يده فى اللحوم ليكمل طعامه .. وبالطبع خرج عادل امام فى الهجوم على المتدين الى خارج الاعمال الفنية وذلك لهجومه الشديد على المعتزلة ياسمين الخيام وعلى الداعية عمرو خالد وغيرهم .

سعد عرفه وهو والد المخرج شريف عرفه .. مخرج بدأ فى الستينات والسبيعينات وكانت له افلام كثيرة لم تخرج من الرقابة نظراً لهجومه الشديد على المتدين او نظراً لتهديدات من جماعات اسلامية متشددة بأنها ستحرق دور العرض التى يعرض فيها افلامه .. وقد كانت البداية بفيلمه " غرباء " وهذا الفيلم احد اهم الاعمال التى منعت والتى لها صدى كبير حيث ظهر فى وقت كان الصراع الدينى بين المجموعات والطوائف الدينية على اشده ولكن لم يخرج الفيلم للنور
واحد مشاكل الفيلم ذلك الحوار والنقاش الدينى الذى كان بين الابطال وخصوصا سعاد حسنى وشكرى سرحان" اخوها المتشدد جدا والذى لا يعمل " والفيلم عرض فى عام 1973 وتعرض للجماعات الدينية التى كانت خارجة عن المألوف وقتها والتى كانت مثال للتطرف الدينى ثم عاد سعد عرفه مرة اخرى بفيلمه " الملائكة لا تسكن الارض " والفيلم يقترب كثيرا من فيلمه غرباء وايضا لم يخرج للنور
والفيلم هنا لم يخرج للنور نظرا للكثير من التهديدات التى وصلت للأمن مهددة بحرق صالات العرض التى ستعرض هذا الفيلم .. والمتدين فى هذا الفيلم هو ممدوح عبد العليم الذى علمه والده الصلاة فى الجامع وتعاليم دينه ولكنه عندما اصبح شاباً وجد نفسه منطويا للدرجة التى تجعله يخجل من أن يرى جارته التى يحبها " بوسى " وهى تلبس مايوه البحر على شاطىء الاسكندرية امام كل الناس !!

والقائمة مازالت مكتظة بأسماء افلام وصانعى السينما فى مصر الذين آثروا الهجوم على المتدين ووصفه بأنه منبوذ ومكفر لغيره وفاجر وماجن وقاتل وارهابى ..

سؤال اخير ..

لماذا حزن الجميع وتضايق من رسم الغرب لسيدنا محمد " صلى الله عليه وسلم " وهو رمز الاسلام يحمل قنبلة على رأسه ونحن من نصدر لهم هذا الفكر والشكل اساساً فى اعلام والدراما والسينما العربية ؟؟!!!!!!!!!!!!!!!!!!

السلام عليكم ورحمة الله
بحيييكي علي طرح الموضوع دة
وبجد كلامك جميل اوي بس ياتري حد هيسمعلة
احنا في دنيتنا دي كل واحد بيقول يلا نفسي وبعدين الباقي
الدنيا بقت وحشة واللي فيها بيوحشوها اكتر
لو كل انسان حب الخير لغيرة زي ما بيحبة لنفسة بجد الدنيا هيتصلح حالها
_ وحكاية التدين الصح محدش بقي يعمل بيها دلوقتي اللي بيربي دقنة وبيبقي متدين بيستخدمها غلط
وعينة بتبقي علي الرايح والجاي . اكيد مش كلهم واحد بس الاكترية بجد
اسفة لو طولت.. بس فعلا للحديث بقية
وربنا يكرمنا ويبعدنا عن اي شر ونعمل بالكلام دة
ايوه إكره أي غلط ومتكرهش الغلطان
كان ممكن تبقي انت مكانه، تكون في التوبة طمعان
او تايه ومحدش دله الصح طريقه إزاي
ادعيله ربنا يهديه، ويغير عمره الجاي!

تقبلي مروري

موضوعك جميل يا كنزى ومهم جدا
مع ان اكترنا بيستهتر بيه
وفعلا الدين فى نظر غالبيه الناس كئابه
1) أن نكف عن النظر الى الدين على أنه شيء كئيب.

دا اقل حاجه لما يبقى القران شغال مثلا
فى كاسيت او راديو او فى اى حته
اول شىء يتبادر الى الذهن انه فيه شخص توفى
اة اى حدث مؤلم وخلاص
وصورة المتدين فى مجتمعنا
زى ماانتى ذكرتى بس مش عارفه اقول
فعلا هيا دى صورة المتدين الصح او لا
لان التدين عمرة ما كان باللبس او بالمظهر
ميرسى يا كنزى على موضوعك الهايل
والى المزيد من التقدم

لا يا بسبس طولى براحتك
ولا يهمك صح فعلا الملتحين فيهم كتير مش تمام
لدرجه انى احيانا بخاف منهم وفيهم ناس كتير اساءو للبقيه
زى بالضبط المنتقبات وبردو نفس الكلام
اساءو للبقيه
وده موضوع حلو اوى ممكن نتكلم فيه
شكرا يا قمر

شهد صح فعلا ان لو سمعنا القران بنقول اول حاجه انه حد اتوفى
هل القران بقىللاحزان فقط
مع ان سماعه فيه راحه نفسيه جميله جدا
وده بردو موضوع حلو ممكن نناقشه

انا مش حابه اطرح موضوع تانى جديد
الا لما نخلص كلام فى موضوع المتدين فى السنيما المصريه
مع ان الكلام اعتقد عمره ما هيخلص
مستنيه ارئكم لانها مهمه جدا

احييكى كنزى على الموضوع الجامد ده
وطبعا المتدين
لاهو ارهابى
ولا هو كئيب
ولا ............
ولكن
هو انسان ذات نفس لوامه
بيحاول يرضى ربه
وبيستمتع بالدنيا والدين معا
يستمتع بالدنيا من غير ما يغضب ربه وبالدين بالا يقصر فى حق ربه
وهؤلاء هم الفائزون
اللهم آتنا فى الدنيا حسنه وفى الاخره حسنه وقنا عذاب النار

أين هى المرجعيه الاسلامية التى من الممكن أن نرجع اليها...

وهل اصبح الاسلام دينا على الاوراق فقط ...أين هم المسلمين

انا لا اراهم......... فعامة المسلمين ضلوا الطريق فمنهم المنافق والعميل والخائن والكافر

وحتى الملتزمين تشوهت عقيدتهم ولا اجدهم ينفذون من الاسلام سوى اللحية والقميص القصير

حتى الاحزاب الاسلاميه تجرى فقط وراء مصالحها كالاخوان المسلمين وتنظيم القاعده وحتى السلف

والامه اصابها الوهن والضعف وغابت المرجعيه بل وغاب المثل والقدوه

والبلدان الاسلاميه كلها تتنافس فى تقديم الولاء لأميريكا واسرائيل....

حتى الاحزاب الاسلاميه التى تصل الى السلطه اجدها تفعل ما يفعله غيرها من تقديم الولاء

والبحث عن المصلحه الخاصه فقط

وانا هنا اسئل

اين المسلمين واين المخلصين الذين يخلصون لله والذين يخافون على هذه الامه وعندهم غيره حقيقيه

على الاسلام وعلى حال الاسلام الذى لا يسر أحد سوى أعدائنا

ولن اطيل بالرغم من كثرة ما اريد ان اقول وأرجو ان تكون الفكره وضحت

يا ترى الدنيا بلا دين ؟؟؟ حتبقى عاملة إزاى ؟؟أكيد غابة ؟؟؟
صح طبعا الدنيا فيها دين وعملين كده امال من غيرو هنعمل ايه وهتبقى اوحش من الغابه. الغابه ممكن يحصل اى حاجه او حد يتولها وتبقى حاجه خير لكن من غير دين مش هيبقى فى خير حتى لو حصل ايه
وربنا يتبت اقدمنا على ديننا
ومعلش انى طولت بس موضوعك جميل اوى وبجد شدنى
وربنا يوفقك فى موضوعاتك

» حلقات برنامج (الطريق الصح)للداعيه معز مسعود