حوار بينى وبين سقف أوضتى.......

السلام عليكم
انا كل يوم قبل مانام بيجي السقف بتاع اوضتي يوجع دماغي ويعد يرغي معايا فقلت اعرض عليكم اللي بيتقال بيني وبينو من اللي ينفع يتقال ( الكلام العام يعني مش اللي يخصني )
المهم كل الحوارات دي بتحصل جوايا في خيالي يعني ممكن تلاقوني قمت اتخانقت معاه وضربته ماتستغربوش .
بسم الله نبدأ
========================
الساعة 6.30 الصبح داخله انام في أمان الله فإذا بهذا الصوت المزعج بيندهلي (سقف يعني) وصوتة عامل زي صوت الرونوتس اللي في فيلم ترانسفورمرز
المهم هو ده اللي حصل
السقف : انت ياعم انت .... انت هتنام ولا ايه ؟
أنا : والله كلك نظر الساعة داخلة على 7 يعني وعندي انا شغل بكرة ولا ايه .
السقف: الكلام ده مايلزمنيش قوم فز خلينا نتكلم شوية انا زهقان .
أنا: يعني علشان انت زهقان تقرف اللي جابوني يعني وتقلق منامي
السقف : قوم بالعقل بدل ماخلكش تعرف تنام ....
المهم استسلمت ليه في الآخر ورحت مفوق شوية وقعدت أرغي معاه وعرضت عليه اني أكتب اللي بيحصل بينا على القهوه
أنا : بقولك يا سقف ... الا انت مالكش اسم غير سقف ده ؟؟؟ يعني مثلا ابوك العمود وامك الحيطة مسموكش اسم تانى وخلك سقف وزي بقيت اخواتك؟ طب بيفرقو بنكم ازاي ؟؟؟
السقف : انت عبيط في ودانك يبني ... انت ناسي اساسا اني مش موجود واني جماد ........... الله يرحم عقلك ده انا كنت فاكرك بتفهم .
انا: لأ لأ بلاش غلط انت عارف اني انا زكي جدا ولا هننسى
السقف : ننسى ايه ؟ انت ماسك عليا زله ؟
أنا : بلاش فضايح علشان انا هاكتب الحديث اللي بيني وبينك كل يوم علىالمنتدى

السقف : يانهارك اسود انت اتهبلت تقولوهم عليا ..... وكمان ناقص تقول بقى اني متفق معاك في الرؤا والأفكار واني ضد الحكومة والدولة واتمسك !!!! لا ياعم انا ماليش دعوه انا عايز اروح لامي ....
انا : اهلا احنا هنتجابن من اولها ... وبعدين انت جماد يعني مش هيأثر فيك .... وبعدين بأمانة كدة انا عايز أغير من اسلوب كتابتي وانت الوسيلة لتحقيق الغاية
ومتحبكهاش أوي بقى .....
وقعدت اكتر من نص ساعة اقنع فيه لحد ماقالي
السقف : بص ياعم انت اكتب بس لو الموضوع دخل فيه بوليس وقمل دولة .. يييييييههه اديك هتغلطني من اولها قصدي يعني امن دولة انا ماليش دعوة ومش هاتشوفني تانى
انا : ماشي ياباشا ... ياسقف انت ياسقف ياناصع البياض عريض طويل ومساحتك شاسعة ........ ممكن بقى انام ولا ايه رأيك
السقف: ممكن بس ممكن برضو اصحيك في أي وقت انت عارفني .....
انا : الله ام طولك ياروح .... ماشي ياعملي الاسود

زائر

ههههههههههههههههجميله ياكنزي موضوع السقف ده

تسلمى كنزى

يويو

يا حول الله يا رب
الحقوا يا جماعه
كنزى اتجننت
يا عينى عليكى يا كنزى

ههههههههههههههههههههههههه

قمل الدوله هههههههههههههههههههه

والله عسل

اختك

فجر

مشكوووووووووووووووووور يويو شهد انا مجنونه من زمــــــــــــــــــــــــــان فجر ميرسى يا قمر بس خدى بالك من قمل الدوله

هههههههههههه تصدقى جميلة وجديدة وانا ساعات مش بلقى حد اتكلم معاة
هبقى احكى مع السق بتاعى

ماشى يا قمر
اهو بينفع فى اوقات كتير

هههههههههههههههههههههههههههههههههههههههههههه
ربنا يخلهولك
هههههههههههههههههههههههههههههههههههههههههههه

ههههههههههه
واضح انك مفاهمة انتى والسقف موضوع لذيذ يا قمر

يظهر ان شهد عمدها حق ربنا يشفيكى يا كنزى

هههههههههههههههههههههههههه نامي في اوضة تانية ..........اختك موني

» الفرق بين اكل البنات وبين اكل الولاد
» الفرق بين الصداقه بين النساء وبين الرجال
» **=-.....حوار بيني وبين الموت..........
» حوار بين جورج قرداحى ...وبين الست أطاطا
» حوار مظبوووووووط