كلمني القمر

اصلك من القمر قربت ؟
بعد ما فكرت واحترت ؟
طيب بنوره عمرك اتأسرت ؟
..........
انا بقى القمر نزلى
وف اجمل وقت كلمني
وشوشني وعلى نفسي طمني
اقولك ايه لا اية .......؟
...........
يا ريتك زيي كلمته
وفى عز الليل كنت صاحي وسمعته
..........
دا مش بس كلمني
دا بكلامه علمني
..........
ايوة علمني ان النور عطا من الشمس
مش لازم يتاخد منها باللمس
كفاية اوي انه منها يتحس
وان الحق صوته عالي حتى لو كان همس
..........
علمني القمر معني الخير
وان الكلام معاه سر ف بير
وان الحب معناه فعلا كبير
...........
معاه كل شيءجوانا عن الكره فارق
ولا قولت ولا قال ولا حاجة غير الفرح شارق
جرب تلاقي نفسك وسط الاحبه غارق
بلاش تسمع كلام نفسك وتستسهل كلمة هفارق
.........
تقولي اية لو قلتلك قمري انا بشر
حسيته وحسني يوم جمعني بيه القدر
صاحبي هو وهيفضل دايما ولو موتي اصبح خبر
..........
اتمناله كل الهنا
والدنيا تحققلة كل المنى
ويطيب قلبه اللي اشتكى بكى
بدعيله ف منامي وكل صلى
يتملى قلبه غني
ما هوا اصله خد كفايته من الضنى
.......
دعيت ربي لينا كلنا
قلبه يبقى قلب تاني مع قلبنا
لاجل نحس بالخير وفضل ربنا
.......
مبقللش من حبكم وجمالكم الظاهر
بس على تقدير معزته مش قادر
وكفايا اني دلوقتي قادر
اخلي احساسي بالقلم حاضر
........
تشوفوه بعنيكم وتقدروه
اوعدوني الود بينا تزودوه
وميبقاش فينا اخ شايل من اخوه