الكاريزما (الجاذبيه الشخصيه)

حضور الذهن والاجابات الواضحه والحوار الشيق الغنى صفات ضروريه لابراز انوثه وجمال المرأه حتى لو كانت تفتقد العديد من مقاييس الجمال المتعارف عليها (وانا شخصيا شايفه انها هامه للنسان كانسان بغض النظر عن كونه مرأه او رجل)

وبأسلوب بسيط مع تدريب مستمر يمكنك الوصول الى الكاريزما فهى صفات مكتسبه وليست وراثيه
يلا مع بعض نعرف هانعمل ايه:

- اشغل وقت فراغك بحل الكلمات المتقاطعه فهى ليست مضيعه للوقت بالعكس تساعد على تنشيط الذاكره وشحن الذهن بالعديد من الكلمات والمعلومات التى تفيد فى الحوار مع الاخرين.
- سجل صوتك على شريط كاسيت واعيد سماعه وتعديله عده مرات حتى تصل الى نبره ومخارج الفاظ سليمه.
- قراءه الصحف والمجلات التى تتناول امور حياتيه بشكل عام بكل مايدور من حولك بدءا من السياسه والاقتصاد حتى صفحه الوفيات .
- اختار كل يوم موضوع يهمك واكتب فيه على الاقل 25 جمله .
- لا تترد اثناء مشاهده التلفاز فى اكتساب بعض التعليقات خفيفه الظل من الافلام او الاعلانات لتستعين بها فى المواقف المماثله .
- سماع الموسيقى اثناء القراءه او وانت نائم (موسيقى هاديه مش اغانى ) فهى تزيد من تنشيط الحس السمعى والقدره على التركيز.
- احرص ان يكون لك لغه تعبيريه خاصه بك تميزك وتجعل الجميع يرددها او يستخدمها مثلك .
- اقرأ لطفلك قصصا خياليه ومغامرات فكاهيه (احنا طبعا نقراها لاى طفل فى العيله عشان ماتتلككوش وتقوقلو لما نتجوز ونخلف ) لانها تساعدك على اثراء لغتك التعبيريه الخاصه .
- الابتسامه والوجه البشوش يجعلك انسان متفائل وغير مرفوض من المجتمع .

اذا اتبعت هذه الخطوات السهله والبسيطه بجديه سوف تكتسب الكاريزما فى فتره قصيره لاتزيد على شهرين وسوف تصبح اكثر جاذبيه.
وادعولى

الله عليكي يانهال جميل اوي بجد ربنا يوفقك يارب ويكرمك واشوفك كده وانتي بتحكي اجمل قصص لولادك ولا اقولك انتي مش بتعرفي تقري هاتهوملي وانا اقرالهم واحكيلهم حواديت عن ابو رجل مسلوخه والوغد والاشرار واشباح منصف الليل والحاجات الجميله دي كلها ومتخافيش مش هتسمعي صوتهم في البيت خالص ولا هيدوشوكي عشان طول الوقت هيستخبوا تحت السرير ريبنا يوفقك يا قمر

هههههههههههه بجد موضوع جميل

==ونصيحة بيني وبينك إبعدي ولادك عن جو تماما

لحسن هتلاقيهم إما انتحروا أو ماتوا بالسكتة القلبية اسئليني انا مجرب:pale:

==
بس الموضوع جميل بجد

ماشاء الله عليكى يا قمر موضوع جميل جدا ربنا يوفقك ............ضى القمر

ربنا يوفقك يا حببتى كلام حلو اوى مشكوره وابعدى عن يوسف ههههههههههههههههه

كلام جميل وكلام معقول مقدرش اقول حاجة عنه .لكن!!!!!!!!!!!!!!!!!!!!!

الله عليكى يا نهال موضوع حلو اوى وياريت الواحد يعمل بية
شكر على الموضوع يا قمر

[img]

[/img]

ايه يا نانى الكلام الجميل ده شكراااااااااا ليكى يا قمر ... "هديــــــــــــــــــــر"

بجد تسلم ايدك على الموضوع الجميل ده لان بجد انا واحد من الناس كنت بسخر من الى بتلاقيه بيحل كلمات متقاطعه كنت اقوله انت (هايف)

لا فعلا كلام جميل وكلام معقول مقدرش اقول حاجه عنه ...احم بس بصراحه اصل ان الواحد يعمل الحاجات دى كل يوم حاجه صعبه جدا خصوصا اذاكان الملل صديقه زى العبد لله

موضوع جامد يا نهال ربنا يخليكي لينا

» الشخصيه المحبوبه
» الشخصيه المغناطيسيه
» اختبار الشخصيه في 4 اسئله
» انت من مواليد ايه؟؟؟ مع الشخصيه بالصور
» ادخل وقول رئيك فى الصوره الشخصيه للعضو اللى قبلك