عاوزة تنتقمى من اخوكى لو غايزك......للبنات

أخواتى البنات أنا النهارده جايه وجايبه معايا

شويه دروس لأى بنت مقهوره
وعايزةتنتقم من

أخوها وترفع
ضغطه
وربنا معانا ومعاكم
ويقوينا على فعل الخير


**لو فى مباره فى التلفزيون**
لو فى مباراه والأخ متحمس أقطعى الحماس ده
ازاى
أناأقولك

استنى لحد ما يندمج اوى مع المباراه

وهتعرفى أنه أندمج لما تلاقى عنيه مفتوحين على
الأاااخر ومش هامه حد يعنى ممكن تجيبى صاروخ تفجريه
جنبه ولا يلتفت



هنا بقى قومى بشغلك

روحى جيبى قطعه قماش وبخاخ التنظيف واقفى عند التلفزيون وامسحى الشاشه
واذا قال ابعدى
قوليله أنامش فاضيالك أنا بنضف وبمسح

وبعدين روحى جيبى المكنسه واكنسى المكان اللى
هوفيه وحاولى كل شويه تكنسى قدام التلفزيون

يعنى لا صوت ولا صوره
وغطى عليه ولا يهمك
ولوقال ابعدى وحسيتى أنه هايحدفك بحاجه

قولى يعنى اسيب البيت كده والضيوف جايه فى الطريق
وبعدكده اعملى أنك نسيتى الكيك فى الفرن
ودوسى على رجليه واجرىوماتبصيش وراكى



*عند النوم*
لما تحسى أنه دخل فى النوم وسمعتيه بيشخر

هاتى اى طفل يقابلك ابن اختك او اخوكى الصغيرين
ابن الجيران اننشاله ابن البواب

ودخليه يلعب فى غرفته فوق راسه

وقوليله الأطفال احباب الله




اوتعالى وهوفى سابع نومه وارجفيه
الرجفه اللى يصحى مايحسش

بنفسه الا وهو قاعد
وبكل برود قولى (عايزين نخرج)



ولوشفتيه مش رايق ومالوش خلق

اوعى تخافى هى دى فرصتك

بس خلى بالك من حركات اديه
وحضرى مفتاح غرفتك علشان هاتحتاجيه

واضحكى على شكله وعلى جلسته
وعلى ملابسه

واذا قال ابعدى علشان أنا مش رايق
زودى العيار حبتين

ولو حسيتى باى غدر
استعملى مفتاح غرفتك واقفلى على نفسك



*وقت المعركه*
ولو طقت فى دماغك وحبيتى انك تقومى

بمعركه انتى وهو
لازم تجهزى نفسك من كل ناحيه

1/اللبس:لازم تلبسى ترنك علشان يسهل الجرى
2/الشوشه لازم تلميها وتعملى حفله ايشاربات فى راسك
وانتبهى ولا خصله تنزل من شعرك

واليوم ده ياريت تكونى حاطه حنه على راسك
علشان مايتجرئش يلمس شعرك

3/مفتاح الغرفه لأن الأحتياط واجب



1ذا بدئت المعركه اوعى تبينى انك خايفه

وأول ما ايده تطول
اوعى تستسلمى واديله

طراااااااااااااااااخ
بالبوكس فى عينه علشان مايشفش ادامه
وحطى رجلك ادامه



وعلى طووووووووول
لغرفتك اللى مجهزه مفتاحه قبل كده

بس نصيحه اقعدى يومين لايشوفك ولا تشوفيه

لأنه عاوز ينتقم لكرامته
وممكن يوريكى النجوم فى عز الضهر




بس خلاص كده
جربوا وقلولى

ههههههههههههه اصل الاخوات احيانا بيبقوا غلسين
اهو كلوا هزار

انا لله وانا اليه راجعون ايه يا روبى انتى مستغنية عننا اووووووووى كدة
لا بصى انا هقولك فكرة احلى انا عن نفسى عملتها فى اخويا اصل احنا عملين زى توم وجيرى
وطبعا انا جيرى انا مرة حططتله شطة فى الفوطة وليكى انك تتخيلى حالته ايه بعدها
هههههههههههههههههههههههههه مش قادرة امسك نفسى من الضحك كل اما افتكر منظره
ايه باخد حقى هو بيتعامل بايديه وانا بشغل دماغى اصلى مش بسيب حقى ابداااااااا
ولما اجى اصحيه بحطله تلج فى قفاه افترى بقى او اغرقه بمية ساقعة
لالالالالالالالالا ده انا بعمل عمايل سودة عيزة مجلدات عشان اكتبها كلها
يالهوتى بطلى رغى شوية كل ده رغى ايه يا بنتى بالعة راديون

ماشى ياروبى امسكوها ....................خلاص المسامح كريم هيا مش هاتعمل كده تانى............مشكوره على موضوعك روبى
احمد البوشى

ههههههههههههههه


هو كدا هيضربنى هيضربنى


بس احسن عشان يعرفوا ان احنا برده مش هنسكت عن حقنا


تسلمى يا روبى


يويو