لماذا البنات يفضلن الشب الوسيم

بسم الله الرحمن الرحيم

موضوع اعجبني واريد ان اناقشه معكم....
من الطبيعي أن يحرص الشاب أن تكون الفتاة التي يتقدم لخطبتها على قدر
كبير من الجمال ولكن ......
وفي السنوات الآخيرة زادت عمليات التجميل للرجال في الوطن العربي بعد ما كانت عادة للنساء......

الغريب خصوصاً في السنوات الأخيرة حرص الفتاة أن يكون خطيبها يملك
من الوسامة الشيئ الكثير... ويكون حليق أملس ولو يكون يشبه نانسي يكون افضل
بغض النظر عن رجولته وشهامته لدرجة أن بعض الفتيات تختار شاباً
وسيما لايملك من مقومات...الرجولة شيئ ولد ماما لا يعرف في الحياة ادنى شيء
ويستعمل مكياج الشفاه ....!!!
ومنهن من يفضلنه شاب مكتمل الرجولة ولكنه ليس وسيماً !!!هذه حقيقة اصبحنا نراها
صحيح أن الجمال للمرأة فقط ولكن يبدو أن الرجل بات ينافس المرأة في الجمال ؟

مارأي الأخوة والأخوات ... سؤال مطروح للنقاش ارجو التفاعل ...........

لو الكلام اللي انت بتقوليه ده صح مش هقول غير حسبي الله نعم والوكيل ولا حول ولا قوة الا بالله العلي العظيم من زمااااااااااااااااااااااان اوي والانثي عموما بتدور علي الشريك اللي يحميها مش اللي ينافسها ويشاركها في المرايا الراجل بمعني الواضح والصريح لكلمة راجل ابويا وابوكي الراجل المصري الجدي الراجل مش ابن ماما ابو لبانه ولو زوق البنات فسد ووصل للدرجادي فانا ممتنع عن الجواز ولكن تبقي كلمة يجب ان اقولها تبقي المؤأه المصريه رغم وجود الشواذ اللي بتتكلمي عنهم رايها في الرجل معروف واختيارها للراجل اللي يحتويها متقدرش تتنازل عنه مع الاختلاف في اللي بتختار الوسيم وده ميقللش من رجولته او اللي تختار الغني او العاقل او ايا كانت مواصفاتها ولكن تبقي صفت الرجوله صفه لايمكن الاستغناء عنها ده راي وانا واثق فيه ربنا يوفق الجميع ومشكوره لطرح الموضوع الشاءك ده

الجمال فى الولاد مش مطلبوب بمعنى اوضح انا لو اتقدملى واحد مش هبص لجماله لا هبص للرجوله لو هو راجل بمعنى الكلمه يبقى انا كسبت احلى زوج انا برد على ان البنت بتختار الولد الوسيم اما بقى لو اتكلمتى على اللى انتى بتقوليه فهقولك عندك حق الولاد الايام دى بتعمل فى نفسها حاجات متخلفه بس مش عارفه ليه كل ده والله لما بشوف ولد بلبانه ودلوع ماما ولبس زى البنات بستحقره ومش يتسمى راجل اصلا بجد ربنا يهدى الشباب كلهم والبنات برده مشكوره با قمر

بصى لكل كلامك ده هما 3 كلمات اقدر ارض عليكى بيهم

الجمااااااااااااااااال جماااااااااااااااال الروووووووووووووووووووووح

انا مع ملكة الجمال جمال الروح

الاول انا برحب بيك وبقلك حمدل علي سلامتك وايه اخبارك ويارب تكوني بخير امه بخصوص موضوعك فا معليش في البنات وله في الاولد الجمال مش هوه الاساس في حا جات كتير اهو لف ماره وانت اكيد فهماني

الحمدلله طبعا رايى اخوتنا البنات ربنا يكرمهم ممتاز وهو ده كلام الناس العاقله ده اللى اقدر اقوله بس فيه حته عجبتنى جدا فى كلامك ولد ماما لا يعرف اى شئ فى الحياه غير استعمال مكياج الشفاه ههههههههههههههه مقطع مالوش حل هههههههههه بس هانقول ايه غير ربنا يرحمنا اللهم امين ومشكوره على موضوعك الجميل

لا لا لا ده انا الموضوع ده بيستفزنى جدا

انتى عارفه اكتر حاجه تضايقنى انى الاقى ولد شبه البنات

بجد لما اخويا يعمل اى تصرف كده اقوله استرجل يا زيتنا متبقاش مايع عايزاك تكون راجل

انا الشكل مبيفرقش معايا فى الولاد طبعا يعنى الجمال مش مهم بس برده مش لحد القباحه يعنى طالما الشكل مقبول خلاص

عمر ما جمال الراجل بيتقاس بشكله ابدا فى حاجت تانيه كتييييييييير اهم

والشكل مش هو اللى هيكون بيت الموضوع موضوغ شخصيه

اما اللى بيحصل ده دلوقتى فهو تهريج زى ما اتعودنا

وانا لو مثلا مخطوبه وخطيبى قالى اعمل عمليه تجميل مش بعيد اقلعله الدبله ههههههههههههه

شكرا ليكى ع الموضوع النقاشى ده

اختك

فجر

بص ياستى

رسولنا صلى الله عليه وسلم نصح الشباب لما حد فيهم يقبل على الزواج وقال

فاظفر بذات الدين تربت يداك

يعنى مقلش خد اللى شكلها حلو أو الأموره

قال إظفر بذات الدين

طب إذا كان الرسول أوضحلنا إن النساء اللى يصلحو للزواج مش اللى شكلهم حلو وخلاص

فما بالنا بالرجال

يعنى الشكل مش أهم حاجه فى المرأه لما نيجى نتجوزها

هيبقى مهم عند الرجاله يعنى ؟؟!!

مشكوووووره على طرحك للموضوع ده

هو طبعا الشكل مش كل حاجة اهم حاجة الجوهر واهم حاجة ان البنت تكون متقبلة الشااب دة على فكرة ساعات بنت ترتبط بشاب يكون كشكل مش امور خالص بس فى عينيها احلى ولد فى الدنيا كلها ودة مش بيحصل الا فى حالة واحدة اذا حصل قبول للشخص نفسه وشكرا على موضوعك يا قمر

الجمال جمال الروح مش بالشكل المهم الشخصيه نفسها .....ربنا يوفقك

لماذا البنات يفضلن الشب الوسيم Athkar-14

الموضع ده للبنات بس هيا اللى تعرف تجاوب السؤال ده

اقول ايه تانى هما قالو كل حاجه وكلمهم صح الجمال جمال الروح مش جمال الشكل لو البنات اختارت بالشكل يبقا ماحدش هيتجوز خالص

ان الله يحب الجمال

زائر

موضوع جمال الشكل بقول ان الرجل لايعيبه شكله

اللي يعيب الرجل انه يبقي طول وعرض ومش بيشتغل ده

من اعبر عيوب الرجل

لكن الشكل اعتقد انه مش موجود كتير في بلادنا المصريه

من هم يضعون الروج وخلافه من مظاهر التجميل

وان عندنا من شبابنا من هم جديرون

بكلمه رجل

ولعن الله من تشبه من الرجال بالنساء

مشكوره اختي علي طرحك للموضوع

الله اعلم ده على حسب الشخصية بس الجمال حلو فى كل شىء ...........منى

هو طبعا مش مهم الشكل .. بس بردو يكون وسيم او مبتسم انا بحب الشخصية المبتسمة جدااااااا
بس الشكل مش مهم .. اهم حاجة يكون بيضحكككككككك

موضوع جميل مشكور لماذا البنات يفضلن الشب الوسيم 128101

» الرجل الوسيم
» بتحبي الغني ولا الوسيم ولا العاقل ادخلي واعرفي
» كيف تعامل البنات؟
» مهم للولاد قبل البنات
» صور لتوقيع البنات!!!