احنا ليه بنقول كده

لو إنت مصري.. بجد وبحق وحقيق أكيد في يوم من الأيام ركبت.. مترو.. أتوبيس.. ميكروباص..
ولو ركبت.. حاجة من دول فأكيد مشيت في الشارع-
ولو مشيت.. في الشارع فأكيد سمعت أصوات الكلاكسات والزحمة والهيصة..
ولو سمعت.. الأصوات دي فأكيد سمعت الناس وهي بتتكلم..
ولو سمعت.. الناس وهي بتتكلم فأكيد سمعت الشباب الحلوين اللي زيك كده وهم برضه بيتكلموا"
- "لأ وشفت لما البطل طلع ".............." زعيم العصابة
ده بيحصل يعني كده في السريع، وحتى يعبروا عن إعجابهم بالفيلم.. واخد بالك
"لأ طبعا أنا هاطلع أشرف من "........." وهاجي معاك
"هع هع هع تصدق إنت إن أمك هي اللي "....." بجد"

بقى عادي خالص إنك تكون ماشي مع والدتك أو أختك وتلاقي واحد بيهزر -آه والله بيهزر- مع صاحبه فيروح شاتمه بوالدته.. ويا ريت شتائم عادية -ده إذا كان فيه شتائم عادية أصلا

اللي يجنن إنك تلاقي الأخ المشتوم بيضحك جدا وفي منتهى السعادة.. وبعدين مايسكتش بقى سيادتك.. لأ.. تلاقيه رد على صاحبه ده ويقوم شاتمه برضه شتيمة أكثر قبحا متعلقة بالأم

شيء يدعو للـ"......." الصراحة

وبعد ما كانت الألفاظ دي بيتم تداولها على نطاق سري وبشويش وبخجل..
يعني في ركن في الشارع..
أو في آخر حتة في الجامعة..
أو على بوابة المدرسة..
أو في قعدة على القهوة..
أو حتى في أوضة مغلقة..

ماعادش فيه الكلام ده..
دلوقت ممكن تسمع الألفاظ الـ"........" دي في كل حتة إنت ماشي فيها.. وفي أي وقت صبح أو ليل..

وكمان الأمر مش مقتصر على شريحة واحدة من الشباب ممكن تقول عليهم مثلا مثلا.. مش متعلمين أو حتى عايشين في مكان مش راقي..

ده يمكن الشباب المتعلم المتنور الحلو هو اللي بيقول الألفاظ دي أكتر من الشباب الأمي

وياريت الأمر واقف عند إن الشباب –الذكور اللي بشنبات- هم اللي بيقولوا الألفاظ الـ"......" دي

والسؤال هنا..
وده من إيه ده؟

احنا متفقين إن لكل جيل لغته الخاصة به
بس هي لازم اللغة دي تكون فيها ألفاظ "........." ولا مؤاخذة؟
ولو كنت من الشباب اللي بيستخدم الألفاظ دي..

خلينا نسألك السؤال الإجباري بتاع مذيعات التليفزيون..

"إيه شعورك وإنت بتقول الألفاظ دي؟"

وإيه اللي بيخليك تقولها؟
ويا ترى بتشعر بالخجل بعد ما تتلفظ به.. ولا ده حصل أول مرة.. وخلاص بقى؟
وليه بترضى إن حد من أصحابك يقول لك كده؟
وياترى إنتم شايفين إن دي مشكلة أصلا تستحق نتكلم عنها..؟
ولا خليك إيزي يا عزيزي..
والعملية في العادي يعني..
ومافيش حد بيكون قاصد إن يشتم أهل زميله.. كله هزار يعني؟
موضوع عجبنى وحبيت اشوف رايكم فيه

تصدق بالله
انا سمعت واحد بيقول لصحبه سورى يعنى يا حيوان
والله استغربت
اصلى من زمان ما سمعتش حد بيشتم كده
دى بقت شتيمه مؤدبه
والله احنا بقينا فى مهزرها
لا والمصيبه ان المدرسين اللى هما المفروض قدوه
بيقولو للاطفال الالفاظ دى
عارف هو كل الى احنا فيها بيتلخص فى جمله واحده
قالها الفاروق رضى الله عنه
نحن قوم اعزنا الله بالاسلام فاذا ابتغينا العزه بغيره ازلنا الل
موضوع مهم جدا ومحتاج مناقشه

تصدق بالله
انا سمعت واحد بيقول لصحبه سورى يعنى يا حيوان
والله استغربت
اصلى من زمان ما سمعتش حد بيشتم كده
دى بقت شتيمه مؤدبه
والله احنا بقينا فى مهزله
لا والمصيبه ان المدرسين اللى هما المفروض قدوه
بيقولو للاطفال الالفاظ دى
عارف هو كل الى احنا فيها بيتلخص فى جمله واحده
قالها الفاروق رضى الله عنه
نحن قوم اعزنا الله بالاسلام فاذا ابتغينا العزه بغيره ازلنا الل
موضوع مهم جدا ومحتاج مناقشه

زائر

قال الرسول صلي الله عليه وسلم في حديث ما معناه
انه منع العبد من سب ابيه وامه
فقيل له كيف يسب الرء ابيه وامه
قال يسب رفيقه فيسبه بابيه وامه
اعتقد ان حديث رسولنا كافي علي ردي علي موضوعك ياميدو
تسلم ايدك موضوع جميل

والله بجد الموضوع ده بيؤرقنى تماما

ولا تتصور مدى حزنى وانا بسمع الشباب بيقول الالفاظ دى

والمشكله انه عادى مش حاسس انه بيعمل حاجه غلط

وبحس انه لو مشتمش كده يبقى مش رجل مثلا ولا ايه

مره كنت راكبه باص وبعدين واحد بيقول لصاحبه اذيك يا ابن crazy

وممته كانت قاعده راح قال لا مؤاخذه يا حاجه وقعدوا يضحكوا

بجد مش عارفه انا ايه اللى وصلناله ده

ده حتى فى الافلام كمان مسلمناش م الموضوع ده

ربنا يهدى شباب المسلمين اجمعين

ده كله بسبب البعد عن الدين ولسه

بشكرك ع الموضوع المهم ده يا ميدو

اختك

فجر

بجد اختيارك موفق فعلا ميدو
وفعلا دى خلاص بقت سمة مميزة بس مش كل الشباب بيعملوا
او بيوفقوا على كده
وربنا يحمينا يارب ونقدر نغير حاجة من الانتشار للعادة دى ونقللها
وانا عن نفسى مش ممكن اسمح بحد يقولى حاجة زى كده او انا نفسى ائولها
مشكوور ميدو وربنا يوفقك .........منى

موضوعك رائع يا ميدو
بجد بقت الالفاظ دى جزء من هزار الشباب بينهم وبين بعض
بيبقوا عايزين يعملوا جو وخلاص فبيشتموا
والشتيمه طبعا تيجى فى الاهل
ومفكرين بقى انه ده كله هزار , ومش حاطين فى اعتبارهم اللى فى البيت دول
ليه يسببولهم شتيمه او كده , ما لهومش دعوه المهم يتبسطوا
شكرااااااااااااااااا يا ميدو

واللةهو الموضوع جميل
على فكره اصلا الشتيمة الشباب بيقولها علطول بالاخص اصحابة
ومش اى شتيمة بالام او بالاب
حتى الاطفال بيشتمو الشتايم دى
واللة اقول ربنا يشفى
شكرا ليك يا ميدو على موضوعك الجميل

واللةهو الموضوع جميل
على فكره اصلا الشتيمة الشباب بيقولها علطول بالاخص اصحابة
ومش اى شتيمة بالام او بالاب
حتى الاطفال بيشتمو الشتايم دى
واللة اقول ربنا يشفى
شكرا ليك يا ميدو على موضوعك الجميل

والله يا ميدو دي حاجة غريبة جدا

بس الجديد بقي ان في بنات بيشتموا

بعض بنفس الالفاظ"....." دي

وبردو مش عارف ليه سبحان الله

والله يا ميدو موضوعك
فعلا مشكلة حقيقية من ضمن المشاكل الا انتشرت مؤخرا
بس على فكرة موش كل الشباب كدة
هما اكتريتهم بس
انما الشباب الا بيصلى ويعرف ربنا ومتربى وعندوا اخلاق
عمروا ما هيفكر يشتم الشتايم دى لانوا عارف انوا
زى ما هيشتم اهل غيروا
اهلوا هيتشتموا
واى راجل انا بقول راجل مش عيل
اى راجل معتقدش انوا يرضى ان امه او والدوا او اختوا يتشتموا
مشكور ميدو

اولا ازيك يا ميدو عامل ايه يارب تكون بخير
تانيا موضوع كويس جدا
كنزى قالت حد بيقول لحد يا حيوان وهو ساكت
ياريت كده يا كنزى كده اهون يعنى لما يتشتم هو
غير لما حد ي شتم اهلك وانت ساكت
فين رجولتك يعنى المفروض لو حد غلط فى اهلك تاكله بسنانكم
مش تضحك وتهزر وترد الشتنه والانيل بقه
ان لو حد قال لشاب ده ده بيشتم اهلك يقولك
عادى مانا كمان بشتمه باهله عادى يعنى
بيحسسنى انها حاجه كويسه مش عارفه بجد الشباب تفكرهم
ايه والله اوقات كتير اوى بتحصر على كلمه شباب وكمله رجوله بس
عرفت ان الرجوله موجوده بس بقت نادره زى حاجات كتير مبقت نادره
مشكورميدو ويار يت كل شاب يعرف ان لو هو سامح ان كرامته
تتهان ميسمحش لحد ان كلاامته اهله او ان هما يجوا فى هزار هايف بينه وبين اصحابه
اكيد يستحقوا مننا الكلمه الحلوه فى حقهم مش نخالى اصحابنا يغلطوا فيهم
مشكور سورى للاطاله

مشكورين اخواتى الاعزاء على مرورك

كنزى

مستر محمد

فجر

منى

دودى

سوزى

كراكيب

روبى

ساندى

مشكورين على مروركم

موضوعك عندك حق انك تطرحه علينا لانه موضوع مهم جداااااااا مش موضوع مشكلة ومصيبة كمان
الناس اللى بتشتم دى لما كانوا يلاقوا بنات ماشين مكنوش بيشتموا بيقولوا عيب لكن دلوقتى منتهى قلة الادب
وفعلا زى ما بتقول طبقة الشباب المتعلمة واللى حالتهم المادية ميسورة والمفروض انهم ناس راقية هما اللى
بيشتموا بالالفاظ دى دلوقتى اكتر من غيرهم مش عارفة بصراحة المشكلة فى ايه بالظبط وايه السبب فى اللى
شبابنا وصله دلوقتى لاء هى اسباب مش سبب واحد ربنا يهدى شباب وبنات المسلمين جميعا اللهم امين

بجد بجد موضوع فى الصميم
بس دة كله ليه
لان احنا بعدنا عن دينا

موضوعك جميل يا ميدو
وهو فعلا مشكلة كبيرة وكتيرة
مبقاش في خجل ولا اخلاق
حتي الرجولة قربت تتعدم
ربنا يهدينا ويهدي المسلمين جميعا
مشكور ياميد علي مجهودك
تقبل مروري

جزاك الله خيرا

مشكورين نانسى ورؤوف وبسبوس على مروركم

» هل فعلا احنا نستحق الحيااااااااة..........؟؟
» احنا اسفين يا مصر
» احنا جيل هايف ؟؟ ولا مظلوم ؟؟
» احنا جيل هااااااااايف ........... ولا مظلوووووم؟؟؟
» هل فعلا احنا اتغيرنا ولا ايه ؟؟