قالوا عن قصه حب>>>>>>>>

هحكيلك عن قصة حب
كل ذكري فيها غالية
وكل لحظة تشهد عليها الليالي


كانت عايشة نفسها تلاقي الحياة
وفجاة دق الحب بابها وهية مش مستنياة
شافت الحبيب ملاك ورسمت جنتها معاة
ابتدت تعشق حياتها وتنسي كل عذاب واة


ابتدت متقولش ابدا لطوفان الحب لأة
وقلبها لما يشوفة يجري دقة وراها دقة
عاشت الحلم الجميل
اللي اخرة توب طويل
كان حلمها في يوم يشوفها يحسها
ويبادلها حبها
لو حزين العيون هتبوح لها
وهية هتعيش لة اللي باقي في عمرها


كانت تموت لو يعدي اليوم ومتشفهوش
بس لما كان يقرب تعمل ّال متعرفوش
خايفة شوقها يبان عليها
والحنين يفضح عنيها
وف سلامها وف كلامها
يحس لهفة عمرها ما بانت عليها


بس أقولك ع اللي كان
شكلة عمرة ما حس شوقها والحنان
وهية دلوقتي في نارة
عايشة في جراحة ومرارة


حرمت تفتح ف يوم للحب بابها
وهية راضية باللي باقي من حبيبها
ذكري حلوة ودمعة علي الخدود سايبها


ومهما يحصل مش هتندم انها حبت في يوم
لكنها هتداري شوقها زي القمر وسط الغيوم
وتبتسم بسمة اخيرة لو قلبها مليان هموم
وتودعة بشوق وحيرة وبعدها تتوة العيون