سيجـارة تايهـة

زائر

سيجارة تايهة
وببصّلك
وما بين شفايفي بحط جسمك
والهموم اللي تزعل ميت بلد..
وافتح عليكي من نيران الكون لهب
على أدّ جسمك والتعب
راسك بتولع
نفسي تولع زيها راس المنافق
وقبل منُّه أبو لهب
*******

دخان يشعلل جوا منِّي مِيِتْ عجب
على حال مهبِّب زيّ حالي
واللي يِشْبِهْ شلِّتي
واضرب كمان كفِّين عجب
واشفط شياطك بالعجب
وأبصّلك برضه بعجب
واتمنى منك حاجة تطفي حرقتي
بس اللي عارفُه انك كده
مالكيش في شيئ إلا اللي كان بيفكني
من قهر نفسي والهموم
مالكيش في شيئ غير تبقي تايهة
زيِّ ما بِتْتَّوِّهِي
مليون ولد
*******
انا برضه عارف إني عارف قدرتك
بس اعمل ايه
بضحك على نفسي بهبل
وبصدقك.. لو يوم تقولي هاروّقك
وهانَسِّي عينك رسمتك
وباصدَّق الواد اللي قال
إنك قوية وتقدري
إنك تنسِّيني الألم
دانا لما بشفط حرقتك
باتعب أوي
باتعب أوي
باتعب أوي بس بهدووووووء
*******
يمكن عشان بتأخري جوه صدور التعبانين
إن الحطب يصبح عليهم نار جحيم
يمكن عشان لو فقت يوم
مش راح الاقي في البلد
إنسان غبي إلا أنا
علشان باصدق كدبهم
إِطَّمِنِي
أحسن لي إني أصدقك
هارجع بسرعة أحنّلك
تايهة وبتوّه في الفضا
كل اللي كان بيبوس قدم
لسجارة تايهة زيهم
*******
طولت انا؟
هاسكت بقي

[/b][/center]

ما شاء الله عليك بجد تسلم ايدك................جميلة جدا

زائر

نورتي وشرفتي الموضوع اختي الغاليه موني
سعدت بمرورك الشريف
شكرا ليكي

دى مش سيجاره دى صوباع ديناميت الله عليك يا مستر

متميز دائما يا مستر

بجد تسلم ايدك

زائر

شكرا ليك رؤوف علي مرورك ورايك
بشكرك ميدو علي مرورك الكريم
نورت الموضوع ياغالي

انا برضه عارف إني عارف قدرتك
بس اعمل ايه
بضحك على نفسي بهبل
وبصدقك.. لو يوم تقولي هاروّقك
وهانَسِّي عينك رسمتك
وباصدَّق الواد اللي قال
إنك قوية وتقدري
إنك تنسِّيني الألم
دانا لما بشفط حرقتك
باتعب أوي
باتعب أوي
باتعب أوي بس بهدووووووء

بالعكس مش طولت دى جميله جدا جدا
ومه ذلك اعتقد ان السيجاره عن كتير من الناس اهم من الاكل والشرب

زائر

السيجاره دليل في موضوعي ياكنزي علي الضعف
هوا قوه جوانا بتهدم فينا
مره وطعمها علقم
ربنا يساعدنا علي التخلص نها
بشكرك يااغلي الخوات علي مرورك الكريم
ورايك المحترم بيسعدني دايما