الاسلام فى عيون السينما

من المعروف ان الغرب لديه فكره سيئه جدا عن الاسلام وعند سماع كلمه اسلام او مسلم يتراود الى ذهنهم على الفور كلمة الارهاب وكان الارهاب كلمه مرادفه للاسلام
وانا من رايى ان اول مساعد على هذا هو السينما المحليه !!!!!!!!
مفيش مشهد يطلع فيه شاب بيصلى واطلق لحيته الا وطلعوه على انه شاب غير طبيعى \ متشدد وافكاره عدوانيه غير سليمه aggressiveزى ما بيقولوا
وبعد كده يرجعوا يصححوا فكره الاسلام طب ليه ؟؟؟؟؟؟
ممكن شاب يكون متدين وكويس وسوى نفسي غير ما بتظهره السينما والتليفزيون
مش مفغروض انها بتعكس الواقع بخيره وشره
يبقى لازم تكون مرايا حقيقه تعكس حقيقه المجتمع
والحقيقه ان الارهاب الحقيقى قادم من الخارج وله مميزاته الخاصه به التى عن كريقها يغرون الشباب بفعل اى شىء حتى ولو كان يتعارض مع مبادىء دينهم
فهم يستغلون اغراض الشباب لتحقيق اغراضهم الدنيئه لتدمير السلام والمسلمين

ياترى رايكم ايه فى موضوع السينما والاسلام ؟؟؟

زائر

موضوع جدير بالاحترام اختي فجر
فعلا الاعلام بيصور الاسلام انه تعصب اعمي
مع ان ديننا سمح
الغرب كلهم بياكدوا كده خايفين من قوة الاسلام
عاوزين تفرقه دايما بين الشعوب المسلمه
ليس لدينا الا ان نقول ربنا يقوي الاسلام
موضوعك غايه في الجمال تسلم ايدك يافجر عليه
ودايما الي الامام

احنا لو هنتكلم عن الاعلام فهمنقول ده بيحصل اصلا
فى الواقع اى حد مربى لحيته ده اخوان وارهابى ويروح وراء الشمس
حتى لو مربيها كده وده بيحصل فعلا وشفته مع ناس من العياله
يعنى ده بيحصل فى الواقع هو صح المفروض ان الاعلام مش يسوء الصوره اكتر
بس تعملى ايه تخلف بعيد عنك هما اصلا الشعب مش يهمهم فى حاجه
يبقه حلو وحش يعيش يموت ياكل يجوع مش فارقه معاهم
المهم انهم بينصبوا ويكوشوا فى جيوبهم وبس غير كده وايه يعنى الشعب شكرا فجر
رغم انى اتكلمت بعيد عن موضوعك

اكيد كلامك صح طبعا
السينما بتصور الشخص الملتزم بدينه المتدين والحافظ على صلاته بانه دايما شخص ارهابى
المتدين حاجه والارهابى حاجه تانيه خالص
وفيه شيوخ كتير مربيين ذقونهم وطالع لهم علامة صلاه وبنحبه جدا عشان ارائهم معتدله وتفكيرهم واخلاقهم جميله
شكرا ليكى يافجر على موضوعك

الاول عايزه اقولك وحشتينى اووووووووووووووى وحبك وارتباطك بالمنتدى اقوى سبب خلانى ارجع المنتدى تانى
ااما بقى موضوع السنيما فهى موجود فيها المثالين بس طبعا زى مانتى عارفه هما مش بيشوفوا غير المثال السىء ولما يصدقوا يمسكوا فيه والمثال الكويس ولا كأنه موجود من الاصل يلا بقى هانعمل ايه ربنا ينصرنا وينصر الاسلام
:}{{:

مستر محمد

بشكرك جدا على رايك الصائب وفعلا الغرب محتاجين التفرقه

الغرب اكتر ناس عارفين يعنى ايه اسلام ويعنى ايه قوه المسلمين لو اتحدوا بشكرك على تعليقك اللى بيشعرنى بالفخر

ساندى حبيبة قلبى

بالعكس حبيبتى انتى اتكلمتى فى صميم الموضوع صحيح ان فعلا المجتمع بيعتبر المتدين ارهابى

بس ده شىء غير صحيح ومن وجهة نظر ناس معينه

لكن الاعلام بيظهر كما لو كان هذا الصواب

يعنى تزييف للواقع

هم مبيجبوش الناس واخده فكره وحشه ده هم جايبين المسلمين اصلا وحشين

بشكرك حبيبتى على ردك الجميل

ويكا

بشكرك على رايك الجميل وعندك حق احنا بنشوف امثله بعيونا عن ناس متدينه وفى قمه السماحه وكلنا حابينهم

بس يا ليت الامر حب وكره انه سياسات عدائيه

اختكم

فجر

نهال

مش عارفه اقولك ايه بجد غير انك منوره منوره منوره

منوره موضوعى والدنيا كلها انا فرحانه اوى انك موجوده معانا تانى ويارب تفضلى معانا على طووووووووووووووول يا حبيبتى

بشكرك على ردك الجميل وهى دى بلدنا

بجد فرحانه بيكى اوى اوى

اختك وحبيبتك

فجر

ياريت لو تسمحولى انى اشارك معاكواا

الموضوع ده كبير ويمكن بدايته زى ماالاخت فجر قالت ان مفيش ولا فيلم بيطلع من عندنا وفيه واحد بيصلى الا ويكون ارهابى
بس الموضع بردوا اتنقل ليهم مش من السينما بتاعتنا بالعكس من السينما بتاعتهم هياخصوصا ان اللوبى الصهيونى متشعب فى المجتمع الامريكى ومتشعب اكتر فى السينما الامريكيه الاكثر متابعه حول العالم
وهما مش بيطلعوا فيلم صريح يشتموا فيه الاسلام او العرب بس هما بيجوا يعملوا حشو كده يعنى مثلا فيلم يتصور فى تركيا والبطل اللى الناس متعاطفه معاه يتعذب فى تركيا وهيا دوله مسلمه اولا واخيرا المشكله بقى يجيبوا مشهد التعذيب وفى الخلفيه صوت الادان يحصل ارتباط شرطى بين صوت الادان مشهد التعذيب لما المشاهد يوصل انه لما يسمع صوت الادان لوحده يفتكر عمليه التعذيب
وغيرها من الافلام الكتير او يجيبوا فيلم اجنبى اتنين بيتكلموا مع بعض ييجى واحد لابس عقال يبص عليهم يرمى ودنه يحط صابعه فى ومناخيره اهى اى اذيه والسلام فيرتبط مشهد العقال عند الناس بتصرفات يكرهها الجمهور يعنى مش بعملوا فيلم شتيه 100% بس اهو يحطوا مشهد او اتنين وحشين فالناس تتعاطف معاهم وتكرهنا احنا اكتر واكتر

وشكرا

انت اتكلمت فى نقطه مهمه جدا يا حسن

وفعلا انت بتتكلم صح جدااااااااااا

الارهاب ماهم الا القرده والخنازير بافعالهم الشياطينيه

مش صعب عليهم انهم يدفعوا للشباب لكى يقوموا بافعال الارهاب تحت اسم الاسلام

والاجانب ليهم مخطط واضح جول تشويه صورة الاسلام

وعشان نواكب العصر لازم نعمل زيهم

والا يحرمونا من المم

شكرا على مشاركتك يا حسن

اختك

فجر

أولا : بهنيك يا فجر على الموضع الرائع والنقاش الجميل ...

ثانياً : أن عندى كلام كتير عن الموضوع ده لانه خطير جدا ...

بعد الحادي عشر من سبتمبر بدأ الحديث حول الإسلام والمسلمين، ودخل في الحديث حكايات

حول الإرهاب والأصولية والتشدد...واختلطت الألفاظ والمعاني ـ عن قصد أو دون ذلك ـ فارتبط

مفهوم الإرهاب بالإسلام ، والتشدد بل والتخلف للمسلمين مرادفا ، وتم تصنيفهم كأعداء

للمجتمعات الديمقراطية. كل هذه المفاهيم المخلوطة والمغلوطة تم استغلالها أحيانا من الإعلام

لتسويق مبيعاته، وأحيانا من السياسيين لإرضاء جماعات ضغط معينة أو ناخبين.

وتبارى بعض الساسة في إلقاء الاتهامات الجماعية للمجتمع الإسلامي . وفي بعض الأحيان

لم يفرق الإعلام والساسة بين عادات وتقاليد بعض المسلمين والموروث الديني لكل المسلمين.

أثناء تداخل كل هذه المفاهيم أصبح "الإرهاب" ـ كلمة أو لفظ ـ إرهابا لكل من ينتسب للمجتمع

الإسلامي!!!!!!!!!!!!!!!!!!

. وتحت غطاء مسمى "الإرهاب" تغيرت الدنيا والمفاهيم والقوانين.

هناك مشكلة خوف المواطن الغربي من الإسلام الذي لا يعرف عنه شيء وبالتالي تصبح لديه

مشكلة في التعامل مع المسلمين .. وبالتالي تضيف تصريحات الساسة المعادية للإسلام إلى زيادة

الخوف والتعصب ـ من ـ وضد الإسلام والمسلمين...

الحــــــــــــــــــــــــــــــــــــــل :

توصيـــل فكــــرة الاسلام الصحيحه للمجتمع الغربي عن طريق كافة الوسائل ...

وقد قام بهذاحتى قبل هجمات الحادى عشر (( مصطفى العقاد ))) هل تتذكرونه ؟؟

هل تتذكرون فيلم عمر المختار وفبلم الرسالة .. لا تتصوروا تأثير هذه الافلام في الغرب ..
الاسلام فى عيون السينما 73616519um5

[/center]

شكرا ليكى يا فجر على الموضوع الرائع
فعلا موضوع مهم جدا
انا معاكوا ان السينما بتصور صوره الاسلام
زى ما قلتى يا فجر كل لما يجيبوا حد ملتزم يبقى علطول ارهابى
بس انا ليه راى تانى والله اعلم
انا شايفه ان ده نوع من انواع التقليد الاعمى للغرب
بنقلدهم فى لبسهم وطباعهم واخلاقهم وحياتهم وبالاخص فى السينما والتليفزيون
وصل بينا التقليد اننا نقتبس رايهم عننا وعن الاسلام زى ما بيتكلموا عننا
بقينا بنتكلم عن نفسنا بصوره عمياء
لدرجه ان الناس كمان بقوا بيتريقوا على الشخص المتدين وكانه هو الغلط وهم اللى صح
دى وجهه نظرى واسفه للاطاله

دلوقتى اى شاب تلقيه مربى لحيته ومتدين يقوله عليه ارهابى او طبع منظمه كذا او او فاهمه طبعا .. وانا بقول الكلام ده عن حاجه شفتها بعنيه
انما بقى السنما كلها غلط فى غلط .. وكمان بيقللو من قيه الاسلام .. لانهم بيوصلو غلط
هما مش فالحين غير فى الافلام الاكشن والكوميدى
انما عن الاسلام هتلقيهم كلهم غلط .. يعنى انا كنت بتفرج على فيلم اسلامى هو قديم شويه
لقيت فى وسط الفيلم رقاصه وحاجات غريبه كده
طب هما كده بيوصللنا اسلام وعلم .. ولا بيفرجونا على رقصات ولا ايه بالضبط ؟؟
السينما كلها غلط فى غلط ... مش بيبصو غير للفلوس وبس .. انما يوصلو اسلام لأ طبعا
معلش فجر على الاطاله
بس موضوعك فعلا محتاج للنقاش
تسلم ايدك اختى الغاليه

الاسلام فى عيون السينما 760459

ميدو بجد مش عارفه اقولك ايه

ردك جميل جدا وخطير

قال حاجات كتير مهمه انها تتقال

والمشكله كمان ان مش الغرب بس

للاسف دلوقتى بعض العرب تاثروا بهذه الفكره

واصبحوا يخشون الملتحيين والمنتقبات

يعنى التاثير اثر بالسلب علينا احنا كمان

بدل ما ندافع عننا بقينا بنقلدهم وننظر بعيونهم

بشكرك يا ميدو

والحلول اللى انت اضيفتها غايه فى الاهميه

ممكن عن طريق الافلام الاعلام بوجه عام

واحنا ممكن نغير

والكتب

كل حاجه

بشكرك مره تانيه

اختك

فجر

دودى انا بحترم وجهة نظرك جدا

وليه منقولش انها بدل من التريقه ممكن نقول تعليمات

ممكن نقول ان الاسلام متحارب

والاعلام له دور خطير

بشكرك على مشاركتك يا جميل

اختك

فجر

اكرم فرحت بردك اوى

ومفيش اطاله ولا حاجه متقولش كده

انت عندك حق فى كلامك

السينما ممكن نستخدمها بشكل كويس جدا لصالح المجتمع

مش السينما وبس الاعلام والكتب اللقاءات

احنا كمان ممكن نغير

والفيلم اللى انت شوفته ده بجد شىء مؤسف للاسلام

وامثاله زى مثلا كتاب الاغانى للاصفهانى اللى مثل بغداد عاصمه الخلافه السلاميه على انها مركز للمجون والخلاعه

وكمان هارون الرشيد اللى وصفوه بحبه الشدي للنساء ورابعه العدويه

كل دى معلومات خاطئه تخص الاسلام

حسبى ربى

بشكرك يا اكرم على مشاركتك

اختك
فجر

» احلى عيون ؟؟؟؟؟ عيون حبيبي ؟؟؟؟؟؟؟؟؟؟؟؟
» صالات السينما في المنازل
» عيون مين دى؟
» عيون بس جميله اوى..
» الى اجمل عيون فى الكون ..؟؟؟