الصحف الدانماركيه تتحدى المسلمون من جديد

الى كل مسلم ومسلمه
فى تحدى جديد للامه الاسلاميه اعادت صحف الدانمارك اليوم الاربعاء 13/2/2008 نشر الصور الكاريكاتيريه المسيئه للرسول والاسلام
هذا الخبر نقلا عن قناه الجزيره القطريه والعديد من الصحف العربيه والعالميه
واللينك ه فى الخبر من على موقع قناه الجزيره http://www.aljazeera.net/NR/exeres/0A7CFDAD-D48C-4939-BAEF-395C197A376F.htm

سؤال بقى واجعنى اوى
الناس اللى خرجت من يومين تلاته عشان تحتفل بانتصار مصر العظيم فى كره القدم\هتعمل ايه مع الصحف دى
وحاجه تانيه
الجماعه بتوع حريه الصحافه هتبقى ظروفهم ايه فى الموضوع ده

يعنى ياريت الاهتمام بالموضوع ده
خصوصا اننا داخلين على الفلانتين وى طبعا مناسبه عظيمه
انا عايز بقى كل واحد بيحب واحده او كل واحده بتحب واحد تديله هديه معتبره كده ده عيد يعنى ومش اى عيد كمان ده الفلانتين بذاته

بس ياريت بقى نعمل عيد حب خاص بينا ويكون النهارده ونحاول انن فى اليوم ده نعمل حاجه للرسول بتاعنا اللى بقى ملطشه ومش هقول للى يسوى واللى مايسواش لان مفيش مخلوق يسوى او حتى يقارب مقام النبى بتاعنا

بقولكوا انا مش عارف اكتب حاجه لان الموضوع ده منرفزنى اوى وانا بترعش دلوقتى من البرد اوعوا تفتكروا حاجه تانيه لانى زيكوا مش هزيد عنكوا حاجه مفيش فايدى حاجه انى اعملها
بس بيخطر على بالى كلام ابو طالب لابرهه الحبشى لما ابرهه اخد منه الغنم بتاعته لما ابو طالب قاله (اننى رب الغنم وانا احميها .. بينما للبيت رب يحميه) وعشان كده هقولها بس بطريقه تانيه ان للنبى رب يحميه ..انما احنا منستاهلش اننا نكون لا من امه النبى ولا من اى امه تانيه احنا نستاهل نبقى حيوانات

كلام جامد اوى يا حسن

احنا منستهلش بس لازم نحاول ولازم نكون ادها ونستاهل ان احنا نكون من امه محمد عليه افضل الصلاه والسلام

النبى احق من الكل بالاحتفال بالحب

النبى احق ان احنا نحبه

واجبنا ان احنا نقف امام اى كاف معتدى

اختك

فجر

ياريت يا جماعه تشاركوا فى الموضوع ده لانه موضوع مهم جداااااااااااا

وانا سايباه هنا لاهميته الشديده جداااااااا

اختكم

فجر

حسن ..فعلا موضوع خطير جدا .

أنا ردي هيكون بنفس ردى على موضوع فجر ((( الاسلام فى عيون السينما)))

بعد الحادي عشر من سبتمبر بدأ الحديث حول الإسلام والمسلمين، ودخل في الحديث حكايات

حول الإرهاب والأصولية والتشدد...واختلطت الألفاظ والمعاني ـ عن قصد أو دون ذلك ـ فارتبط

مفهوم الإرهاب بالإسلام ، والتشدد بل والتخلف للمسلمين مرادفا ، وتم تصنيفهم كأعداء

للمجتمعات الديمقراطية. كل هذه المفاهيم المخلوطة والمغلوطة تم استغلالها أحيانا من الإعلام

لتسويق مبيعاته، وأحيانا من السياسيين لإرضاء جماعات ضغط معينة أو ناخبين.

وتبارى بعض الساسة في إلقاء الاتهامات الجماعية للمجتمع الإسلامي . وفي بعض الأحيان

لم يفرق الإعلام والساسة بين عادات وتقاليد بعض المسلمين والموروث الديني لكل المسلمين.

أثناء تداخل كل هذه المفاهيم أصبح "الإرهاب" ـ كلمة أو لفظ ـ إرهابا لكل من ينتسب للمجتمع

الإسلامي!!!!!!!!!!!!!!!!!!

. وتحت غطاء مسمى "الإرهاب" تغيرت الدنيا والمفاهيم والقوانين.

هناك مشكلة خوف المواطن الغربي من الإسلام الذي لا يعرف عنه شيء وبالتالي تصبح لديه

مشكلة في التعامل مع المسلمين .. وبالتالي تضيف تصريحات الساسة المعادية للإسلام إلى زيادة

الخوف والتعصب ـ من ـ وضد الإسلام والمسلمين...

الحــــــــــــــــــــــــــــــــــــــل :

توصيـــل فكــــرة الاسلام الصحيحه للمجتمع الغربي عن طريق كافة الوسائل ...

وقد قام بهذاحتى قبل هجمات الحادى عشر (( مصطفى العقاد ))) هل تتذكرونه ؟؟

هل تتذكرون فيلم عمر المختار وفبلم الرسالة .. لا تتصوروا تأثير هذه الافلام في الغرب ..

الصحف الدانماركيه تتحدى المسلمون من جديد 73616519um5

الصحف الدانماركيه تتحدى المسلمون من جديد 73616519um5

[/center][/color][/center]

انا مش عارفه اقول ايه
مش عارفه من خنقتى
و لا عارفه اسلم عليك
ولا عارفه ارد على الموضوع
حسبى الله ونعم الوكيل
ربنا ينتقم منهم

هوا طبعا الوضوع او القضية دى خطيرة بما اكثر ما تعنيه الكلمة والمفروض طبعا وسائل الإعلام والصحف الى كانت طايرة بالمنتخب والاحتفال بالفوز بالبطولة وزى طبعا لما الصحف بتكون واقفة كتير مع فلان وعلان وتهاجم اللعب كذا وتقف بجانب اللعب كذا والناس دى كلها بشر فما بالك من الى بينتقض ده هوا الرسول صلى الله عليه وسلم
لازم من وقفه فعلا تستاهل الحب الكبير الى المفروض يكون للشافع للمسلمين اجمعين يا جماعه حاولو تفوقو من الى انتم فيه وياريت الى مش مشترك معانا يقول للباقى وعايزين فعلا توعية جيده منكم لبقية الزملاء الى فى المنتدى

شكرا على الموضوع المهم يا حسن
فعلا موضوع خطير لان الشعب الدنماركى والشعوب الاجنبيه كلها
بتستهزء بينا وبالاسلام وبرموزه كلها
وللاسف احنا سايبينهم وعاطينهم الفرصه لكده
لاننا لا بنرد ولا بناخد حتى خطوه ايجابيه
احنا بس بنهتم بالفلانتين والحجات الهايفه دى لكن موضوع زى ده ماحدش يتحرك ليه
اقل حاجه ممكن حد يعملها (((المقاطعه)))
وعلى فكره المقاطعه كانت عملت شغل جامد لما نفذناها قبل كده
بس للاسف شكلهم كدا صعبوا علينا فرجعنا تانى
انا اسفه على الاطاله بس فعلا الموضوع مستفز

ازيك ياحسن موضوعك مهم جدااااااااااااااااااااااااااااا صحيح الناس اللى خرجت تحتفل بفوز المنتخب المصرى دى هاتعمل ايه فى الموضوع ده لو كانوا دريانين اصلا باللى بيحصل امتى هانقدر ناخد ولو مجرد موقف حقيقى فى اللى بيحصل ده والاعجب من كده ان فى مخرج كبير عامل فيلم بيشتم فيه على القرأن الكريم كلام ربنا
ازاى ده يحصل انا مش قادره اتصور يعنى ماجاتش على الرسول صلى الله عليه وسلم بس لا ده كمان الاستهزاء وصل لكلام ربنا استغفر الله العظيم ربنا يقدرنا اننا نقدر حتى نعبر عن مشاعرنا من ناحيه اللى بيحصل ده
ربنا يرحمنا برحمته اللى وسعت لكل شىء

زائر

موضوعك ياحسن اثار فيا الحقد والغل
علي اعداء ديننا
وده جانب من المقاطعه للمنتجات الدنماركيه
يارب اكون قدمت اي افاده للموضوع الاكثر من رائع
بشكرك ياحسن
علي حبك واهتمامك بامور نبينا عليه الصلاة والسلام

<TABLE cellSpacing=0 cellPadding=0 width=550 border=0>
<tr><td>

</TD></TR>
<tr><td>
</TD></TR>
<tr><td>ساهم معنا في الدفاع عن عرض نبينا صلى الله عليه وسلم بنشرك لهذه الحمله
حتى يتم الإعتذار رسميا من قبل الحكومه الدنماركيه لما بدر منهم في حق
رسولنا صلى الله عليه وسلم ..

بعض البانرات المؤيده لنصرة نبينا محمد عليه افضل الصلاة واتم التسليم .
</TD></TR>
<tr><td></TD></TR>
<tr><td>

</TD></TR>
<tr><td>

</TD></TR>
<tr><td></TD></TR></TABLE>

صورة توضح المنتجات الدنماريكه .. للتعرف اليها ومقاطتها

شكرا لمجهودك يا استاذ محمد
بجد احنا محتاجين نعرف الحجات دى اوى علشان نقاطعها

اولا السلام عليكم ثانيا ان الله لايغير ما بقوم حتى يغير ما بانفسهم
يعنى لولا اننا فرطنا فى حاجات كتير كانت تعتبر اصول فى دينا ما كانوش وصلت بيهم الوقاحه لسب اشرف الخلق انما احنا عملنا زى اللى معاه جوهره وحاططها جوا برافان عشان يحافظ عليها والبرافان جوا مبنى جواه اكبر وسائل الامن لحمايتة الجوهر ديه فى البدايه يحس بالامان لشده نظام الامن فيستغنى عن حارس امن وبعدين يلاقى ان مفيش حد فكر انه يسرق فيمشى الاصتف كله و واحده واحده تلاقى الجوهره من غير حتى البرافان ومره واحده مش يلاقى الجوهره ويستعجب اوى ويقول يا سبحان الله الجوهر اتسرقت معرفش ليه
اهو مع احترامى ليكم احنا كده فى البدايه قولنا الاختلاط فى التعليم عشان مسيره العلم وبكل بجاحه ادعينا ان لو الرسول صلى الله عليه وسلم لو كان موجود كان اول واحد اباح الاقتراح
بتئتئو على كلامى ليه انا سمعتها بودانى فى برنامج عالدش
وبعد شويه بعد ما كان الحجاب طويل بقا اسبانى سبحان الله مع ان الحجاب ملهوش دعوه اسبانى ولا فيومى حتى انما عملنا اسبانى والمانى وقريب هيبقا فى ايطالى بمطورين
وبعدين ابتدت حوادث الاغتصاب والابشع ان الاخ يغتصب اخته والاب يغتصب بنته ونعمل زى النعام ونحط راسنا فى التراب ونقول نعمل ايه بلا خيبه اه والله بلا خيبه
لما نكون اول ناس نوجه ضربه لدينا يبقا مش من حقنا حتى نزعل من الغرب لما يوجهولنا اهانه
انا عرفه انكم ممكن مش توافقونى على رايى لكن حاول تشوفو ولو مره الحقيقه
حد يقولى لما النبى عليه الصلاه والسلام اتسب مره قبل كده عملنا ايه
هه
انا هقولكم الازهر عمل ايه
استنا شيخ الازهر المحترم لحد ما خد من السيد المحترم اذن واعلنو ان فى مظاهره وخرجت البنات فعلا وكان المقصود من ده ودى كانت صدمتى مجرد توضيح للاعلام اننا اهو واحنا الازهر زعلانين يا حرام من اللى عملو كده وبعد ما صورو شيخنا وهو بيشجب وبيعترض وكان ساعتها هيجيلو القلب واحنا قولنا يا خبر الراجل جالو صحوه فجاه كده سبحان الله
اول ما التليفزيون روح مشوه الطلبه بزمتكم مش نتكسف
وادى النبى بيتسب تانى ولعلمكم مش هتكون اخر مره طول ما احنا جبنا وبنقول ما باليد حيله هيحصل اكتر من كده
وافتكرو اننا فى يوم هنقف ادامه (النبى عليه الصلاه والسلام) وهيسالنا ويا ويلنا من سؤاله دافعتو عنى ازاى ولا بايه يا ريتكم تقولولى هنقول ايه .........هنقول ايه يا حسن هنقول كان ما باليد حيله اصلنا خوفنا لا يمنعو عنا المم
حسبى الله ونعم والوكيل..........اللهم ارزق المسلمين صحوه تجمع شتاتهم واعنهم على اعداءهم ...................امين

السلام عليكم
ازاي مش بايدك حاجة
لا كلنا بادينا
عارف هنعمل اية

1.فين المقاطعة
2 فين الصلاة يا جماعة
لازن نحافظ علي صلاة النوافل
علشان اما الرسول يجي تسالك عملت اية علشان اشفعلك
تقلة صليت سنتك يا رسول
3 الدعاء
مش عملين نتحفل بالفلانتين هو دة الي احنا فلحين فية صح
يا جماعة لازم نصحوا
مستنين اية علشان نصحا

محدش يقول مش بابيدي حاجة
....جزاك الله خير

شكرا اخى سلطان لموضوعك اللى ايقظنا من ثباتنا الطويل
يجب ان نتكاتف جميعا لنصرة النى صلى الله عليه وسلم
ان ننصره باحياء سنته
باعلاء دينا الحنيف
بمقاطعة المنتجات الدنماركيه
بالعوده الى الاسلام الحقيقى اللى علمه لينا رسولنا الكريم
عليه افضل الصلاة واتم التسليم بنشر الين الاسلامى
وتوعية غير المسلمين بتعاليمه وسماحته
على شبكة الانتر نت
وهناك العديد من الطرق اللى ممكن ننصر بها دينا ورسولنا
المهم البدايه والا نركن لنزغات الشيطان
اللهم لاتجعل حظنا من الدين قولنا
اللهم انصر الاسلام فى كل مكان
اللهم اصلح احوال المسلمين
يارب العالمين
بشكرك مره تانيه اخى / سلطان
وجزاك الله خيرا

ردود افعال غايه فى الروعه

وعايزين ننفذ يا جماعه على اد ما نقدر

اختكم

فجر

منهم لله وربنا هو المنتقم الجبار شكرا على موضوعك

السلام عليكم ورحمة اله وبركاته مبدئيا متأسف جدا لتأخري لرد عالموضوع

ثانيا وقبل كل شئ احب اقول للكل ان الموضوع فعععععععععلا زي ما قال السلطان حسن الموضوع يا شباب موضوع تحدي موضوع اختبار لينا كأنهم بيقولوا ورونا اخركم بقة مش انتم عاملين فيها رجالة وهتقدروا تقفوا قدمنا احنا مرناش اخر ورونا بقة اخركم

بجد انا بغلي فين الشعب فين الامة ال75مليون اللي راحوا يتنططوا زي المجانين فين جامعة دول الي مكنش فيها مكان لقطة تمشي انا مش بلوم على ده انابس بسأل راحوا فين مش عيب اننا نفرح ونطلع ونهيص ونلعب بس العيب قوووووووووووووووووووووووووووووووووووي اننا لما يبقى مطلوب منا اننا نقف وقفة رجالة لما نبقى رجالة بجد يبقى عيب بغبااااااااااااااااااء اننا منبقاش قد الموقف واننا نفشل في التحدي

تعرفوا لو فاكرين قصة الحرب على الانددلس على ما اظن لما بعتوا جاسوس لقى شاب بيعيط عشان جاب تسع رميات من عشرة بعدها بمدة بعتوا جاسوس تاني لقى شاب بيعيط عشان حبيبته سابته قال لهم في ما معناه دلوقت بس هنقدر عليهم

انا برايي الشخصي المتواضع ان اللي بيحصل دلوقتي نفس اللي حصل قبل كده اللي بيحصل دلوقتي برضه جس نبض زي اللي حصل قبل كده عملوها من فترة لقونا لثه واقفين قدامهم وبنقاوم فخافوا ورجعوا في كلامهم واديهم بيعملوها تاني مستنين ردة فعلنا

فيا ريت يا شباب نوريهم اننا هنفضل ندافع عن قيمنا وعن دينا وعن نبينا طول عمرنا مهما تطلب الامر يا ريت نعرفهم اننا اقوى مما يتصوروا يا ريت نتوحد ونرتبط مع بعض ولبعض واظن ان اتحدنا وراء مصر اهيف بكتير جداااااااااااااااااااا من اتحدنا لدينا وامتنا

من اتحدنا لنبينا

اسف على الاطالة

معلش يا شباب بس مكنتش قريت ردودكم فبجد احب اشكر المستر جدا جدا جدا على انه حطلنا المنتجات اللي مفروض نقاطعها هنا

وبشكر كل اللي كتب طريقة او اكتر وانا متفق معاكم فعلا

وربنا معانا ويوفقنا ولازم ياجدعااااااااااااااااان الرسالة توصل للكل

قال الفاروق رضى الله عنه
نحن قوم اعزنا الله بالاسلام فاذا ابتغينا العزه بغيره ازلنا الله
ده هو اللى بيحصلنا
حسبى الله ونعم الوكيل

بجد يا جماعه بشكر اهتمامكم بالموضوع ده

وبشكر كل اللى تفاعل معانا
وبخص بالشكر الاخت فجر

وياريت يا جماعه ننفذ اى اقتراح اقترحه اى اخ من الاخوه اللى ردوا عالموضع ده

» لماذا احبط المسلمون
» جديد جديد على محطة جديد
» ده بجد المفاجأه يا مشكل و بطل تتحدى الوحوش يا غالي هههه
» انا عضو جديد
» عضو جديد