حاجه لازم نتعود نعملها

الابتسامه
مش عارف اقول ايه عنها بجد كنت ناوي ادور واجيبلكم كلام الفلاسفه عن الابتسامه واثارها الكبيره اوي في نفوس الناس بس محبتش اخلي كل المواضيع علميه وتقيله عشان كده انا هتكلم ببساطه واختصار
كلنا اكيد بنحس بابتسامة اي شخص لينا أد ايه بنكون سعداء بيها اوي وأد ايه بتقربنا من الشخص ده حتي لو منعرفوش بس المهم تكون ابتسامه صافيه نقيه من القلب
لان الباتسامه اللي من القلب بتوصل للقلب من غير وسيط
جربوا واحوكلي ابتسموا لكل الناسابتسم للبواب وانت نازل ابتسم لاي حد ومش هبل وطبعا الكلام ده مع البنات يكون بحزر عشان منروحش في داهيه هي هتبقي مشكله معاهم شويه عشان ضعاف النفوس عشان كده متفهمنيش غلطوتمشي توزعي ابتسامات خليكي انتي في نطاق الناس اللي تفهم ابتسامتك صح وتقدرها وانت كمان ماتستعبطش فيها وتمشي تبتسم للبنات علي البلاج فاهم طبعا ؟
انا مش بناقض نفسي والله بس فعلا يا شباب الابتسامه ليها مفعول في النفوس جميل اوي اوي اوي اوي ممكن بيها تتحل مشاكل كتير اوي وممكن بيها تهدي نفوس غاضبه
هقولكوا حاجه قرأته في كتاب لديل كارنجي

كان بينصح تلامذته بالابتسام كحل للمشاكل الاسريه وطبعا هم مش اطفال دول رجال اعمال وناس كبيره اوي وكان من بيبنهم واحد بيشتكي ان العلاقه بينه وبين مراته وصلت للنهايه ونصحه انه يتعود يبتسم طول ماهو معاها وادالوا الخطوات المه الراجل ده اول ماصحي من النوم بصلها وابتسم مع كلمه حلوه عالصبح وعالفطار عمل نفس الموضوع ومن يومها اتقلبت حياته واتجددت العلاقه بينه وبين مراته مش عاوز اطول عليكوا
بس كل اللي عاوز اقولوا اننا من كتر اللي جوانا بقينا ننسي حق ناس كتير اوي بحجة ان فينا اللي مكفينا الناس ملهاش ذنب اكتر من انها بتحبنا او ربنا خلقهم حته مننا او اصحابنا او حتي زمايلنا في الشغل اوجيرانا اوي ايا كان مهما كان اللي جواك ابتسم في وش الناس ابتسموانت بتسمعهم وانت ببتكلم معاهم وانت بتصبح عليهم متقولش السلام عليكم وانت ضارب بوزك شبرين هتفقد الهدف منها
ولو شغلك بيحتم عليك تتعامل مع الناس ابتسم في وشهم ومتتغاباش علي حد
كان فيه مثل صيني بيقول (لو لم تكن قادر علي الابتسامه فلا تفتح محل تجاري) تقريبا يعني المثل بيكون كده في معناه مش فاكره اوي
مش عارف اقو ايه اكتر من كده غير اننا فيعلا نسينا الابتسامه بس انا شايف انها حل للخروج من حالة الحزن اللي مجتمعين عليها كلها ممكن لما نتعود نبتسم في وش الناس نتعود نبتسم دايما وننسي الحزن والهم
وفي النهايه هقولكم ابتسموا دلوقتوا وانت بتعلقوا علي الموضوع ده عاوز احس بابتاسمتكم في التعليق

لا تعليـــــــــــــــــــــــق

كل دة موضوع طب والله ما انا قرياة . بس هه

ههههههههههههههههههههههههههههههه
ليه بس كده يا خالتي والله نا حاولت انجز بس سرحت اعمل ايه بس اقرايه عشان خاطري معلش

يا يوسف انا معلقتش ولكنى دخلت غصب عنى وقراتها تانى

بس عايزه اقولك انى مش بعترض على كلامك لكــــــــــــــــــــــــــــــــــــن
ابتسامه الشفايف من السهل انك تلاقيها وممكن الانسان يتصنعها بسهوله جدا
بس صعبه جدا على اللى جواه اهات واوجاع كتير انه يعملها
ولو عملها بيحس بانها مزيفه لدرجه انها بتقلب بالعكس لدرجه ان ممكن نكره الابتسامه قبل مانكره نفسنا
انا بتكلم عن نفسى عشان لو حسيت انى مذيفه لاى سبب من الاسباب ممكن اكره نفسى بسهوله عشان كده انا بحب اكون فى رضا مع نفسى الحمد لله
وانا بتكلم عن نفسى يا جماعه ومش عارفه حد ممكن يايدنى او لا

والله يايوسف انا من الحاجات اللى بتضايقنى فى نفسى حكايه الابتسام دى وكان جدى الله يرحمه بيموت فيا عشان كده على طول مبتسمه فى وشهم بس اجارك الله لما حد بيعصبنى ببقى ياساتر عليا ومتضحكش لو سمحت

لا يا عاشقه انا مش معاكي خااااااااااااااااااااااااااااااااالص مين قال انها هتكون مزيفه انا اشترطت ان تكون الابتسامه من القلب عشان توصل للقلب وانا معترض معاكي في النقطه دي لاني شخصيا بعملكده انا ببتسم في وش كل الناس وده الحمد لله انا بجنيه في حبهم ليا وبيقربني منهم جدا وربنا اللي عالم باللي جوايا وبحزني ومشاكلي بس انا بفصل لانهمملهمش ذنب في اللي انا فيه

عايزه اوضحلك اكتر يا يوسف عشان انت مش مقتنع بالزيف اللى افهمه فى كلامى

انا اللى اقصده مش الزيف اننا نبتسم لحد واحنا مزيفين ومش عايزين نبتسم ليه
لا
انا مقصدش كده
بالرغم انك تقصد اننا نبتسم للناس اللى يتهالوا مننا كده عشان هما ملهومش ذنب باللى جوانا وليهم حقوق علينا
انا معاك طبعا ومقصدش الزيف ده خالص
اانا عارفه ان قمه الحب والوجع فى نفس الوقت انك تبتسم وجواك الف دمعه والف اه
لكن انا اقصد ابتسامه الشفايف وانت جواك اوجاع كتتير داخاليا بالنسبه للى جوانا احنا وبينا وبين نفسنا
عشان كده قولتلك ممكن لما اللى جوانا يفوق طاقتنا ممكن يقلب بالعكس من ناحيه الابتسامه ونكرها
وهارجع واقول ان الكلام ده عن نفسى انا

يا جو من الناحيه ديه والله انا مش معترضه عشان انا كمان كده والله

محدش يعرف اوجاعى غيرى وكتير لما حد بيتكلم معايه شويه اكتر بيتصدم من حاجات كتير جوايا مش بيكونوا يتخيلوها بالرغم انى مش بحكى حاجه دا بيستشفوه من كلامى بس
لكن انا بايدك جدا من ناحيه اننا نحاول كلنا نبتسم على اد مانقدر
مش قادره اوصلك اوى وعشان كده انا هاخرج
ويمكن كلامى غريب عليك شويه عشان انا مخنوقه شويه
ياريت تدعولى كلكم

موضوع حلو اوى يا جو وجميل جدا وربنا يهديك ياعاشقة ويزيل همك ويصلحلك امور حياتك

» هل انت ذكي ام غبي ...لازم تتاكد...يعني لازم تدخل
» حاجه عن الولاد
» انا آخر حاجه كنت بحياتك
» حاجه تجنن بجد
» طالب درس كل حاجه