كلمات مسروقة من دفتر طفل

زائر

هذه كلمات مسروقه من دفتر طفل كتبها بعامية اللغه..ودهشة السؤال ؟!

السبــــت:

فتحت عيوني..أدور عن نور..أمروني
<غمض>..و...غمضت..بعدها ما شفت لا ابيض ولا اسود !

الأحــــد:

كنت بسمعهم يقولون:<يلعن أبوك!>,<يا حمار>,<يا حيوان>,
<يا ثور>,<يا بقرة>,<يا لوح>,<يا جدي>...
فتوقعت اني في حديقة حيوانات..فتحت عيوني علشان اشوف فين(الحيوانات)..
قالوا لي:"ماينفعش تشوف قلة أدب"..
سألتهم:طيب..في عصفور؟؟
صرخوا في وجهي:<اتخمد وغمض>

الاثنيــــن:

سمحوا لي اشوف التلفزيون..كنت لحالي منسجم مع أفلام كرتون.
.دخلت امي..وكان ابو عائلة ادمز(يبوس) أمهم..جريت امي ..غيرت القناة..
وصرخت بأعلى صوتها.."عيب عليك..قاعد تشوف قلة أدب..!!"
بصيت لها بكل براءه وانا متعجب من اللي عملته0:
"طيب هوا ايه اللي حصل؟؟أبوهم يبوس أمهم!.."
قالت لي وهي معصبه مرررررره(البوس..قلة حياء!!)

بعدها بأسبوع..شفت امي تسلم على ام الجيران و(تبوووووسها).
.قلت لها وانا كلي أسى"يا ماما..البوس قلة حياء!!.."

الثلاثـــاء:

كانوا بنات خالتي عندنا..وكنت الولد الوحيد اللي يلعب معهم.
.وأبويا كان يببحلق عيونه فيا مترح ما رحت ومترح ما جيت..
بعد ما راحوا..ناداني أبويا وقالي:"عيب الواحد يجلس مع بنات..قلة أدب..!"

بعدها بكم يوم..كان أبوي جالس مع عماتي.
.بصتله بطرف عيني(اقولكوا الحق حقدت عليه)..
وقلت له:"اللي يجلس مع بنات..قليل أدب!!"

الأربعــــاء:

كنت اسمعهم يقولون(صدام قوي)..وأعجبني...بعد الأزمه..قالوا(حرامي ومجرم)..
سألتهم:ازاي ؟؟!!..قالوا:"حرامي ومجرم..وبس..واسكت..!" .!!!

الخميــــس:

أبويا يقول <االتدخين> حرام .. واللي يدخن يدخل النار..
وفي يوم شفت ابوي جالس مع صديقه أبو حمد..وأبو حمد ماسك السيجاره بيده..
وقفت وسألت ابوي""طيب اللي يجلس مع اللي يدخنون..يدخل النار زيهم؟!!!"

الجمعــــة:

أسمعهم يقولون..ان اللي يطول في مكالمته يبقي بيحب

واللي يروح للسوق بيحب برضو..واللي يعرف انترنت نفس الموضوع...
وامي بتطول على التلفون,,وبتروح للسوق,,وتطقطق على الكمبيوتر..
رحت لأبوي وانا مصدووووم::"أبوووووي الحق..

أمي بتحب!!!!

للاسف هذي صور من المجتمع ..

لكن سؤالي ... !!!!!

لماذا لانوضح للطفل المقصد الأساسي من هذا المنع أو من كلمة (عيب) ؟!
حتى لا يعمم كل مايراه ويُطبّق عليه هذا الوصف ..
كمافي الصور السابقه! !

بالطبع هم لم يقصدوا ماقصده الطفل ولكن لأنهم لم يوضحوا له
ويفهموه لماذا عيب ولماذا حرام
اكيد هينظر لكل تصرف من زاوية مافهمه هو !!!!!!

فما الفائده اذاً من التربيه إذا لم نوضح هدفنا الأساس لأطفالنا ؟!!!!!!!!!!!

ايه رايكم؟
محمد العادلي

موضوع جامد جدا يامستر
وفى اسئلة كتير فعلا واحنا اطفال مكناش عارفين اجبتها
وعلشان الموضوع ده يتحل لازم ثقافتنا تتغير
ونعامل ابننا او بنتنا انهم من حقهم يناقشونا
ويعرفوا اسباب اعتراضنا على امور معينة
مش مجرد ان احنا نقول عيب وخلاص
ونعتبرهم انهم اطفال ومش بيفكروا فى سبب منعه او اعتراض الاباء على كثير من الامور
لازم ندرك ذكاء اطفالنا
ونشرح لهم مايحتاجون ان يفهموه بطريقة ممبسطة
يعنى زى ماقولت لازم تقافتنا وتفكيرنا تتغير
لان كل حاجة حوالينا بتتغير والطفل اسئلته بتزيد
وكلمة عيب علشان العيب فقط
اكيد مش هتنفع فى الزمن ده
وتخلى الطفل سلبى ولايقدر على تكوين شخصية وراى خاص بيه
وكمان هيشك فى كل الى حواليه
مشكوووووووور يامستر كالعادة على مواضيع حضرتك الهايلة...منى

كلام طفل ذو عقليه كبيره

رايى ان اسئله الاطفال احيانا بتكون مستفزه بس لازظم نرد عليهم

باى شىء

لازم نحسسهم بقيمتهم

ونشبع رغبتهم فى المعرفه

الطفل فى سنواته الاولى بيتعلم اكتر من اى وقت تانى

عشان كده بيفضل حفظ القران الكريم فى سن مبكره

لازم نحترم كلامه ونجاوبه مهما كان مجرد او محرج

لازم نصاحب ابننا ونحترم شعوره

والطفل ده كلامه عجبنى اوى

شرح الامور بكلامه بس طلع اعقل كلام واوقع كلام معرفناش احنا نعبر عنه بشكله الجميل هذا

بشكرك يا مستر على الموضوع المميز

انا قلت رايى Smile

اختك

فجر

انا كمان من راى منى وفجر
لازم الطفل لما يسال سؤال يحاول الاهل
يجاوبوا عليه حتى لو باى رد يقنعه طبعا على اد سنه

لسببين:-
الاول :- ان الطفل لازم يكون عنده روح الحوار والنقاش
علشان يكبر على كده
والثانى:- ان الطفل لما حد يقوله مثلا ما تعملش كدا
ويسال ليه وما يردوش عليه بيعند اكتر وبكده هيدخل فى دايره العند

زائر

مني
نضوج فكري غير عادي
رايك جميل ومحترم
فرحت بيه جدا وبمروك الايجابي
فجر
العقل والوعي الغير عادي
والراي الحر ايضا
كلهم متجمعين فيكي يااغلي الناس
مرورك اسعدني جدا شكرا ليكي يافجر
دودي
موافق علي اضافتك لراي فجر ومني
برضو رايك ممتاز وبحترمه دايما
شكرا للمرور الرائع يادودي

فين الطفل الذكى دة
هههههههههههه
بص موضوعك جميل جدا
وفعلا معظم الاباء بيحولوا يمنعوا الطفل دايما
عن الاخطاء باخطاء اكبر
المفروض عشان نعلمهم صح نعرفهم دة لية صح ودة لية غلط
مشكور مستر عادلى
يا غالى

زائر

بشكرك ياروبي علي مشاركتك الايجابيه
رايك جميل وعجبني جدا
بس الاطفال اللي من النوع ده كتير
هههههههههههههههههه
الطفل الحديث بقي فاهم كل ما يدور في البيت وكانه عاقل وواعي
بس الطفل ده ايه؟
ههههههههههههههههههههه
مجرم

فعلا يا جماعه الاطفال
معادوش زى زمان
يعنى لازم يعرفوا كل حاجه
وطبعا لازم لما نقول كلمه
عيب او غلط لطفل
طبعا لازم نعرفه ده غلط ليه
علشان نتاكد انه لما يقتنع انه غلط
مستحيل يعمله تانى
ميرسى ليك يا مستر محمد
مواضيع حضرتك دائما مميزه

زائر

متشكر لمرورك الجميل ياشهد
ونصايحك الهايله في المواضيع المطروحه
دمتي بحب وخير وسلام

اولا الموضوع يا مستر
اكتر من رائع
وجديد
واعتقد اول مره نناقش موضوع زيه
بحييك عليه
وبالنسبه للموضوع
هو كل شىء اتغير من حولينا وللسف مش حاسين
حتى التربيه هتختلف
ولازم الاب والام يبقو فلهمين ده كويس
والحكايه دى بتتعلق بسيكلوجيه الطفل شويه
وان كل مرحله من مراحل حياته
لازم الا تكون فاهمه طبيعتها وظروفها
وازاى هى تتعاما معاه فى سن الطفوله
والطفوله البكرهوالمتاخره والمراهقه
وهكذا
واللى بنشوفه ان المعامله هى هى مش بتتغير
ولان الطفل بيبقى عنده فضول وحب استطلاع فبحاول يكتشف كل حاجه حوليه
وعقله مش مدرك طبعا اذا كانت صح اوغلط
والاهل كل اللى بيعملوه انهم يقولو غلط وبس
بدون مناقشه ولا حتى يحاولو يقنعوه
فبتكون النتيجه
اما انه يجرب الحاجه دى
او انه يبعد عنها تمام
ويبعد عن كل حاجه
ويولد عنده احساس بالخوف من كل حاجه
والاطفال دالوقتى غير زمان خالص
طبعا الكلام علمى شويه
بس هو مبسط اوى على اد ما قدرت يعنى
واللى بيقرى فى علم نفس الاطفال اعتقد يعرف الكلام ده
وكمان
لازم الاب والام يكون عندهم درايه كامله بسيكولوجيه الطفل
الموضوع فعلا مهم جدا
لانه مستقبل جيل بحاله
اسفه على الاطاله
وبشكر المستر تانى على الموضوع الاكتر من رائع

زائر

رد نموزجي ياكنزي

وعلمي من الدرجه الاولي

فيه فوايد

انا نفسي والله ياكنزي استفدت من ردك جدا

ربنا يكملك بعقلك وعلمك

دايما منك الافاده يااغالي اخواتي

ليا الشرف والفخر انك من اصدقائي الغاليين جدا

تسلمي ياغاليه علي اجمل مرور

دمتي بخير يااختي الغاليه

ربنا يكرمك يا مستر يا رب
دانا ان ليه الشرف والله
حضرتك الخير والبركه
بس اصل الموضوع ده والله شاغلنى جدا
وهو اصلا من صميم دراستى
ومش موضوع سهل او بسيك علشان يمر مرور الكرام
وفيه نظريات كتيره جدا
بتفسر سيكلوجيه الطفل
وكيفيه التعامل معاه
بس اعتقد مش بتتنفذ اصلا
انا حابه ان الموضوع بدخل فيه اكبر عدد
لانه والله موضوع غايه فى الاهميه
وربنا يجزيك خير على كل مواضيعك

زائر

كويس ياكنزي

ان الموضوع من دراستك
يبقي كلامي صحيح
انك موسوعه علميه جميله
هنستفيد من معلوماتك اكيد
شرفتي الموضوع
بشكرك يااغالي كنزي
والف سلامه عليكي
ترجعي لينا بالف سلامه