اسوء ما فى شخصيتك

السلام عليكم حبايبى كل أعضاء المنتدى
أنا حبيت اطرح موضوع ممكن يخلينا نحاول نعمل حاجه صح لانفسنا وهو انى كل عضو يقول اسوء حاجه فى شخصيتة واكتر حاجة بتضايقة فى شخصيتة ومش لاقيلها حل بس نفسة يغيرها
وانا هبتدى بنفسى
وطبعا اسوء حاجه فى شخصيتى ونفسى أغيرها ومش عارف هى تعصبى الشديد للكورة وأهلاويتى اللى مش لاقيلها حل لدرجة ان يوم الاهلى لما اتهزم فى نهائى دورى ابطال افريقيا انا فعلا ضغطى على وتعبت جدا معناويا لفترة كبيرة جدا غير طبعا حرقة الدم اللى تسوى مليون جنية لو الاهلى اتعادل ولا حتى صفقة من صفقات اللاعيبة طارت من بين ايدين النادى وانا بدعى ربنا سبحانة وتعالى يخلصنى من الخصلة اللى زى الزفت دى
وربنا يهدينى ويهديكم

[img:8644]http://forums.yallagroup.net/style_emoticons/krinkel/chair[1].gif[/img:8644]

منقــــــــــــــــــــــول

هههههههههههههه
اوكيشن
تسيح بقى وكده
بالنسبه ليك طبعا موضوع مش سهل بجد والله مش بهزر
لا لازم تحاول تهدىء نفسك وتكون شويه هادىء
لان لو حصلك حاجه سورى فى الكلمه
محدش هيعبرك وفيه ناس فعلا ببتأذى جامد من الكره وبلاش
اقولك علشان مش اخضك بس بجد لازم تأخد بالك
بالنسبه ليا انا طبعا العصبيه بس انا واخده بالى وقولت انى دايما بحاول اعالجها
المشكله الكبيره بقى انى بثق فى الناس ثقه مش هقول عمياء
بس كتير اوى بتأذى لانى مش بحط فى اعتبارى ان اللى قدامى ممكن يكون بيكدب
وبأخد الكلام على انه حقيقه اصحابى نبهونى لحاجه زى دى
بس انا مش عارفه اتغير اصلا مع انى حصلى مشاكل كتير
مش عارفه بقى اعمل ايه
كمان حاجه تانيه بضايقنى فى شخصيتى انى دموعى قريبه اوى
وبعتبرها حاجه صعبه ونفسى اتخلص منها
وكفايه كده تسيح النهارده
شكرا كتير على موضوعك

انا حاولت يا كنزى والله

انى اهدى من اعصابى شويه

لكن اعمل ايه

يالا بقى مش مهم

خلينا فيكى انتى

اما بالنسبه للثقه اللى فى الناس

دى مش حاجه وحشه

لا

بالعكس ده شئ جميل وياريت كلنا يكون فى بينا ثقه متبادله كتير

ولو زى مانت بتقولى ان اصحابك

بيخونو الثقه دى

فدا مش ذنبك

هما كده دا طبعهم

انتى افترضتى النيه السليمه

وهما خانوكى يبقى مش ليكى يد

واللى يخون الثقه مش تحزنى عليه ابدا
ثانيا بالنسبه للدموع

الدموع لما تنزل

ثبت طبيا انها بتطهر العين من

الميكروبات

يعنى انتو يابنات عيونكم سليمه ميه الميه

الدور والباقى علينا احنا الشباب والرجاله

نادرا ما تذرف عين الشخص ودا

اكبر غلط

وبعدين انت لما بتقعدى مع نفسك

وتفتكرى عملتى ايه

ظلمت ده

وكدبت على ده

ودموعك بتنزل دا ان دل

فإنما يدل على قلبك الطاهر

النقى اللى مش يحب ان حد يكون زعلان منه

ودى والله صفات جميله

مشكوره على المرور

اتمنى اكون افدتك

موضوع جميل اوى
وهقولك يا سيدى اوحش حاجه فيه انى عصبيه بس بقيت احاول ابطلها
وحاجه تانيه كمان انى بفكر كتييييييييييير طول منا مضايقه بفكر
وميرسى على الموضوع اوى

اولا :- بهنيك على الموضوع يا مجروح
ثانيا:- طبعا احسن حاجه فى الدنيا ان الواحد يكون اهلاوى
انا كمان اهلاويه اووووووووووووووووووووووووووووى
بس حاول تهدى نفسك شويه
شجع وكل حاجه بس ما تخاليهوش ياثر على اعصابك للدرجه دى
يعنى لالالالالالالالالالالالاقدر الله لو الاهلى بعيد الشر خسر
دور على حاجه تحب تعملها او روح لاصحابك يعنى

اما عن نفسى
1- فانا عصبيه جدااااااااااااااااااااااااااااااا
واعتقد انه بقى الطبيعى بتاع الناس كلها
لدرجه انى بقيت احس انه مش عيب فى الشخصيه بقى العادى
2-وكمان قلوقه اوى ممكن اقلق بسرعه بس مش بظهر قلقى لحد
3-وحاجه كمان انى صريحه لدرجه تخض وده ممكن يسببلى زعل كتير من الناس
يعنى لما بشوف حاجه ما بعرفش اسكت حتى لو كان هياثر على علاقتى باى حد المهم انى اقول اللى فى قلبى
وده بيبوظلى الدنيا

نور

العصبيه مش مطلوبه

لكن كمان الاتزان النفسى مطلوب وبشده

وانتى بتحاولى تبطليها

وموش هاتقدرى

قربى من ربنا علشان ربنا

سبحانه يكون جنبك لان العصبيه عاده سيئه

ومن الشيطان

لان الشيطان بيستغل الانسان لما بيكون عصبى

ثانيا التفكير

دا شئ كويس

وخصوصا وانتى مضايقه

لان انسان لما بيكون مضايق

مش بيعرف يفكر

عموما ربنا يهدينا ويهديكى

يا دودى

العصبيه شئ

طبيعى جدا عند الناس موش زى مانتى بتقولى

والقلق

دى صفه فى كل انسان

فيا انا شخصيا

بقلق بسرعه بس الحمد لله

بقيت مش بقلق دلوقتى

لانى افتكرت الحديث اللى بيقول

التمس خيك سبعين عذرا

فإن لم تجد له عذر من السبعين

فالتمس له عذر

تمام

والصراحه

والله ياريت انا اكون صريح

بس طبعا الصراحه فى مواقف

مش بتكون مطلوبه اوى

يعنى لو حسيت انى ممكن ازعل حد منى

بلاش اصارحه

ولو لازم انبهه ليها يبقى بطريقه كويسه

يعنى لو هو جاب تيشيرت جديد

بس من النوع اللى هو ردئ

انا مش اخضه واقوله لا دا وحش

لا انا انبهه بس بطريقه لطيفه

يعنى اقوله اه التيشيرت ده جميل

بس لو انت شوفت التيشيرت بتاع احمد مثلا

دا تيشيرت حكايه

دا جميل جدا

وثقى كل الثقه انه هايحاول يقلد احمد

وانا نهيته عن اللى هو كان مش عاجبنى

بس بطريقه من غير ماتزعله

ولا ؟؟؟؟؟؟؟؟؟؟؟؟؟؟؟

وربنا يهدينا ويهديكى

ويهدى جميع المسلمين

اه فعلا والله فدتنى جدا
شكرا على تعليقك وردك
بس بردو حاسه انه فيه نق على البنات
مش سايبينا فى حالنا

يا كنزى

دا الرسول مش سلم الكلام

والاكاذيب هاتسلمى منها

انتى

وبعدين ماهو كلنا كمان بيحصل من ورانا نق

مش بيضرنا

بالعكس المفروض تشكريهم

وهاقولك قصه حصلت مع على بن ابى طالب

بلغ على ان رجلا قد اغتابه بالامس

فذهب لذلك الرجل وسأله

هل اغتبتنى؟؟؟؟؟؟؟؟؟؟

قال الرجل لعلى ... نعم اغتبتك بالامس

تتخيلى رد فعلى على كان ايه

.
.
.
.
.
.
.

راح بيتهم وجاب قصعه من تمر

واهداها للرجل لانه اغتابه

وسئله الصحابه عن ذلك

قال على يوم القيامه اخذ حقى منه

يبقى انتى المفروض تفرحى مش تزعلى

ولا ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

زائر

السلام عليكم
موضوعك هايل يامجروح بجد
انا بقي ياسيدي الفاضل عندي اكبر مشكله اني
موسوس شويتين وبلذات في شغلي
بدقق جدا لدرجة ان المنتج اوقات بيتكلف اكتر من تمنه الحقيقي في الاسواق
مهم عندي نظافته وجودته
حتي التغليف ببقي موسوس فيه كتير جدا
اوقات الوساوس بتخرج بره الشغل برضو بس مش كتير
شكرا يامحمد علي اجمل موضوع
كل ضيوف موضوعك عصبيين
احمد ربنا ان شهد لسه مدخلتش الموضوع
بتكسر موبايلها لما تتعصب
معلش ياشهد سيحتلك
لما اخرج بسرعه احسن ما انضرب
عصبيين قوي
ههههههههههههههههههه

تقبل مروري واحترامي

يص بقى يا مجروح أحب الاول أقولك متزعلش من موضوع رووووووش أنا كنت بهزر معاك أما بالنسبة لاوحش حاجة فى شخصيتى هو ان صعب جدا جدا جدا اقناعى مهما كان مين اللى بيقنعنى و مهما كان ا لموضوع اللى بنتكلم فية وبالنسبه لجرحك أحب أقولك من باعك بيعه وحتى لو روحك فيه وأحنا دائما معاك لحد ما تداوى جرحك أيد بايد مش أحنا أسرة واحدة والا ليك رأى تانى أخوك بودى

مستر محمد

والله فرحتى مش تتقدر بتمن

شرفتنى يا مستر

ندخل بقى على اوحش حاجه فى حضرتك

الوسواس

الوساوس يا مستر ليها نوعين

وسواس فى الخير ووسواس فى الشر

اما بالنسبه للوسواس فى الشغل

فدا طبيعى جدا من رجل اعمال

عايز مصنعه يكون الافضل

ودا من ايمانك الشديد وخوفك بتطلع

المنتج بخساره عليك انت شخصيا

ودا من شدة حبك فى الناس وحبك لعمل الخير حتى لو كان هايكلفك

وثق تمام الثقه

ان ربنا سبحانه وتعالى ها يجازيك كل خير

ان شاء الله

اما الوساوس اللى بره الشغل

فـ معلش انا مش فهمت حضرتك

عموما الوسواس لو كان عند حضرتك

يخص احد الموظفين فى انه بيسرب اسرار الشغل بره

فـ لازم حضرتك تفتكر

انه

ان بعض الظن اثم

وبعدين حضرتك لازم تتأكد مش لازم

نتبع كلام سمعناه او حضرتك

تستسلم لاغوائات الشيطان

لان الشيطان يتربص بنا كل حين

حيث قال للمولى عز وجل

لاغوينهم اجمعين الا عبادك منهم المخلصين

تذكر ذلك يا مستر

وربنا ييسر لك حياتك وعملك ان شاء الله

وربنا يجعل كل ايامك سعاده

ان شاء الله

شرفتنى

اتمنى اكون افدتك

بودى

منورنى

احب اقولك انى موش زعلان ولا حاجه

وانا نسيت الموضوع تماما

ثانيا

العصبيه

العصبيه اللى انت بتتكلم عليها

يعنى انك صعب المراس

ودا طبعا اكبر غلط معلش اسمحلى

اه هيا مش بإرادتك لكن انت ممكن تحاول تبطلها

ليه؟؟؟؟؟؟؟؟؟؟؟؟

لان العصبيه مش من الاسلام فى شئ العصبيه

دى من الجاهليه

وبعدين ليه انت مش بتقتنع بسهوله مادمت

اكتشفت انك على خطأ

طالما اكتشفت انك على خطأ وجب عليك انك

تعترف بده دا موش عيب ابدا بالعكس

دا انت احترام الناس ليك هايزيد

اكيد

اما بالنسبه لجرحى

انا خلاص تقريبا نسيته

ومعلش مش بحب اللى يفتحه

تانى

يعنى ياريت مش تتكلم لانى انا

ما صدقت انى بدأت انسى

وربنا يهدينا ويهديك

السلام عليكم

انا بحييك يا صاحبى الموضوع الجامد دة

وبقى مشكلتى اكيد انتا عارفها

ان انا متعصب اكتر منك للنادى الاهلى

مش عارف اعمل اية

انا بصراحة بجد الموضوع دة

تاعبـنـى

بص يا عاشق

ربنا يهدينى ويهديك

مشكور على المرور

» اسوء العقول
» شخصيتك من شكل ايدك
» هل تعجبك شخصيتك
» شخصيتك في لون عيونك!
» شخصيتك من ردودك علي الموضوعات