حاجه عن الولاد

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي



لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما


لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة


لو اتناقشتي معاه هيقول عليكي عنيدة
ولو سكتّي هيقول عليكي مخك فاضي


لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي


لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك


لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه


لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي


لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر


لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء


لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟


لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية



دا اهداء منى الى ديمو


هههههههههههه


يويو

ههههههههههههههههههههههه
شاطرة يا يويو
ايوة كده
ولسه يا عم ديمو البنات
لما بتحط حاجه فى دماغها
بتدمر الدنيا ما بالك انت بقى
بتتحدانا استنى بس عليا وانت
تشوف ان اللى ما يجيبها الا
بناتها ةهترجع تندم على كل كلمه قولتها
وبكرة افكرة انت عملتلى الاول مش واخد بالك
اما نشوف المرة دى هتعمل فيها ايه
والايام بينا وبينك....وانت اللى ابتديت
والـــــــــــبــــــــــــادى ؟؟؟؟؟؟اظـــــــــــلم