مواطن عربي يصرخ يتحرق ينادي..

مواطن عربي يصرخ يتحرق ينادي..
يا أهل القمة يا زعماء بلادي..
دفنتوا القومية العربية.. ضيعتم مجد أجدادي..
اختلط بأيديكم دم ياسين مع دمها ..
آه يا جرحي يا جرح الأمة كلها..
آه يا كل طفل في فلسطين.. زمن التتار عاد..
زمن بوش وشارون .. زمن يبكي دم ..
تنجرح كل أم .. تلبس الحداد ..
تتشح بالسواد .. والعرب يختلفوا فين يجتمعوا..
وشارون بابتسامة مكارة يختلفوا ممكن ينصلحوا..
مشروع إصلاح فيه الفلاح ..
فرضتوا عمتكم..
العمة أمريكا.. حاكماكوا مهما أنكرتوا..
والحل العربي مجرد سراب..
مفيش قرآن في المدارس.. القرآن إرهاب..
وبلاش العيال تروح الكتاب..
مفيش وعظ ديني في الجوامع..
ده كمان إرهاب..
وبلاش تحجروا على الكفر ده حرية فكر..
كل واحد حر يكفر براحته..
وأمريكا بتبرأ ساحته..
هو ده اللي مش إرهاب..
وحاجات كتير مستخبية..
ماما أمريكا عايزاها..
ما دمنا في الآخر معندناش قومية..
ستار أكاديمي أهم.. وبشار هيكسب ولا عطية..
وهناكل إيه النهاردة من كنتاكي ولا ماكدونالد..
هي ده القضية..
صحيح حالة تغم ..
يا عرب يا روس نعام في الأرض مستخبية..
حطمتونا موتوا فينا الهوية..
الشعر الأصفر مش لون شعرنا ..
ولا العيون الملونة..
ولا واحدة ماشية
لا انت عارف بنت ولا ولد بيدلع..
وخمسين قناة فضائية
ترقص شبابنا.. وتميع..
وفلسطين بتولع ..
وأمريكا عايزة إصلاح ..
أصل اللي راح راح ..
وكله لازم يركع ..
و إن ما رضيش ..
يبقى يدور على اللي يحميه ..
هيندبح ويتولع فيه ..
ولساكوا تختلفوا على الهوا..
ما هو اللي جرا كان بدايته اختلاف ..
وكل حاجة النهاردة على الهوا تنشاف ..

شكلرا ليك يا ديمو على موضوعك الرائع

هاقول اية بس
هاقول حسبنا اللة ونعم الوكيل
ربنا على الظالم
وربنا مش هيضيع حق البشر الى بيمتوا كل يوم
كل يوم الامركان ميستريحوش ازا موتلهم 100فلسطينى او عراقى
مشششكور ديمو
ويريت تقول حسبنا اللة ونعم الوكيل
اتمنى زلك
ويريت تتقبل مرورى

حسبنا الله ونعم الوكيل
شكرا ديمو

مشكوره سوزى على المرورو حبيب قلبى اوزو مشكور يا صاحبى