مين قال لك

موضوع: مين قال لك الجمعة مارس 28, 2008 12:51 am

مين قال لك
انا لسه بحبك
او بموت في هواك؟؟
يا بايع حبي والماضي
اتعودت خلاص انساك

مين قال لك انه غرامك
عايش دلوقت في قلبي
مين قال لك انك في خيالي؟
او سيرتك دايما على بالي؟
صدقني خلاص
قلبي من حبك خالي
وبتسأل؟؟
يا بجاحتك!!

مين قال لك
انا لسه بحبك؟؟
او اني بموت في هواك
يا جارح قلبي ومعذبني
يا بايع حبي وتعبني
اوعى تفكر انه القلب بغيرك
مش ح يحب ومش ح يعيش
اوعك تحسب انه القلب بغيرك
مش راح ينبض بغرام جديد
اوعى تفكر بعد عذابك
قلبي الطيب خالي او زعلان
بحلفلك بليالي خيانتك
وبرحلة غدرك ووقاحتك
انا لسه بحب ومش حيران
انا لسه العاشق الولهان
انا لسه في قلبي بكتب
شعر الهايم والهيمان
لكن مش بعشق سحر عينيك
ولا هايم في غرامك
او ملك ايديك

مين قال لك
انا لسه بحبك
او اني بموت في هواك؟؟
كل ما بدر الليل بيطلع
او شمس الصبح بتقشع
انا عايش بغرام جديد
انا عاشق اللي عاشقني
وفي عيونه وقلبه مسكني
انا عاشق اللي وفالي
وما بنامش الليل علشاني
انا زي الشمس اللي تغمض
في الليل عيونها
وبتطلع كل صباح
بشعاع جديد
مين قال لك انا لسه بحبك

موضوع: رد: مين قال لك الجمعة مارس 28, 2008 1:39 am

انا اقولك انى مش هقدر اوصفلك مدي اعجابي بجد بكلماتك دي
بسم الله ماشاء الله احساسك فوق الوصف
بجد كلك زوء

تقبل مروري

موضوع: رد: مين قال لك الجمعة مارس 28, 2008 7:59 am

زائر

بحلفلك بليالي خيانتك
وبرحلة غدرك ووقاحتك
انا لسه بحب ومش حيران
انا لسه العاشق الولهان
انا لسه في قلبي بكتب
شعر الهايم والهيمان
لكن مش بعشق سحر عينيك

مش عارف اعلق بايه معجب جدا بالموضوع والكلمات
تسلم ايدك ياشاعر

موضوع: رد: مين قال لك الأحد مارس 30, 2008 12:31 pm

حبيب قلبى يامحمد
ميرسى على مرورك
ومرورك نور موضوعى
يااغلى اخ ليا ربنا يوم المحبة
بس اوعى تفتن بقى