بحلم

كنت دايما وانا صغيره بحلم حلم غريب


كنت بحلم انى ماسك ايدى واحد غريب مش اعرفه وبنجرى مع بعض


بنجرى من ناس وحشه عاوزه تاذينا وحيوانات


الغريب ده ماسك ايدى ومش بيسبها خالص


ورغم انى كنت ببقى خايفه جدا لكن معاه مش عارفه ليه حاسه بالامان


وكان دايما يخلص الحلم واحنا بنجرى ..عمرى ما عرفت ايه نهايه الحلم


وياما اتكرر فى حياتى


لما كنت بحكى لاصحابى عن الحلم كانوا يضحكوا ويقولولى بطلى تتقلى فى العشا قبل ما تنامى


وعدت ايام وايام وخلصت المدرسه ودخلت الكليه وياما مر بيا احلام كتير يمكن مش هفتكرها كلها


لكن فى اخر سنه ليا فى الكليه قرر اصحابى اننا نطلع رحله


نطلع مع بعض يوم كامل وتكون ذكرى حلوه لينا


وبالفعل لقينا رحله حلوه اوى لمكان جديد كده منطقه طبيعيه وبحر


واليوم كان عيد ميلادى


كنت مبسوطه اوى ...كان يوم لذيذ غنينا وضحكنا وهزرنا ولعبنا


وكنا بنحاول ننسى اى هم ونحفر ذكرى فى الدنيا تجمعنا سوا


لاننا مش عارفين كل واحد مننا هيروح فين فى الدنيا بعد كده


وفى حوالى نص اليوم كان فى جوله حره هنمشى فيها جوا محميه طبيعيه


وهنشوف حيوانات وناكلها بايدينا وهيكون معانا الحارس بتاعهم


بصراحه انا قلقت شويه لكن قلت وماله بدام معايا اصحابى


كنت مبهوره جدا بالمكان ومسكت كاميرتى وقعدت اصور


وفجاه وانا بصور ومندمجه خالص سمعت اصوات كتير... بصيت لقيت


الناس اللى حواليا بيجروا بعيد ولقيت اصحابى بيشدونى وانا مش فاهمه حاجه


وفجاه ايدينا سابت بعض وكله جرى لوحده وانا واقفه فى النص ومش عارفه فى ايه


وعرفت من الاصوات ان حيوان مفترس دخل المنطقه


وانا واقفه مذهوله ومش مصدقه


ومش عارفه اتحرك من مكانى


لقيت واحد بيجرى ناحيتى ومسك ايدى وشدنى


انا كنت بجرى معاه وهو ماسك ايدى وعمال يكلمنى


ويمكن قال حاجات كتير لكن انا مش سمعت منها حاجه


انا لقيت نفسى بجرى فى حلمى ...


مش عارفه ايه اللى فكرنى بالحلم بتاعى


يااااه معقول


معقول حلمى بيتحقق!!!


غمضت عينى قلت يمكن انا نايمه وبحلم ..غمضتها ونفسى افتحها والاقيه حقيقه


غمضت عينى وفتحتها لقيتنى نايمه فى مستشفى وراسى مربوطه بشاش وايدى


ايدى مالها مش عارفه احركها


بصيت على ايدى لقيته ماسكها ونايم على كرسى وساند راسه على السرير جمبى


لما حاولت اشدها وانا بحاول اقول لنفسى انى كنت بحلم


وان الحلم عمره ما هيتحقق


صحى من النوم ساعتها وقالى


كنتى فين من زمان؟


بحلم بيكى من اول ما اتعلمت احلم

فعلا يا ريت يا لوله تفهميني انا كمان اذا كان ده حلم فعلا وتقلب حقيقة ولا ايه

انا مش فاهم انا اتكركبت ايه ده

هههههههههههههههههههههههه
بجد مش عارف اقول ايه ممكن يحصل دة ؟

مستر محمد متشكره جدآ لمرورك
ومتشكره ليك يا رؤوف عامل ايه يا رب تكون فى احسن حال
ملكه الحزن نورتى يا جميل ومتشكره جدآ لمروركم

انا من التعليقات بس اتشديت اقرا الموضوع جدا جدا

لكن بعد ما قريت الموضوع قلت كلمه واحده بس

الللللللللللللللللللللللللللللللللللللللللللللللللللللللللللللله

بجد احساس جميل وموقف جميل

حلمت واتحقق حلمى

لا بجد موقفجميل اوى

بيفكرنى بتوارد الافكار

بجد تجربه جميله جدا بمعنى الكلمه

بشكرك يا لوله


اختك

فجر

اذيك يا فجر يا جميله عامله ايه واحشنى ياترى خالصتى امتحانات ولا لسه
يارب تكونى حليتى كويس فى اللى فاتك اذا كنتى ابتديتى واذا كنتى خلصتى بتوفيق ان شاء الله
وشكرآ لمرورك

...........................

الحمد لله خلص ياقمر لسه امبارح


بس اخر يوم ضايقنى بس الحمد لله على كل شىء


اختك

فجر