عز والعز الفرق مش مجرد الف ولام

العنوان غريب شويه؟

ده طبيعى فى بلد معظم اللى فيها غريب كتير مش شويه

اولا انا لا اخوان ولا شيوعى ولا اشتراكى ولا حزب وطنى ولا مش وطنى
انا مسلم مصرى

وطبعا لى الفخر بانتمائى للاسلام وكونى مصرى ( كحضاره ) وليس ( حاضر)

من فتره وانا بفكر اكتب المقال ده وخصوصا واني كنت بحاول كتير قوي ابعد وابطل الكلام اللي بيودي في داهية ده على الاقل في منتدة فريندز فور ايفر عشان طبعا عمري ما احب اعمل مشاكل لبيتي او اخواتي وطبعا لسندرلتي اللي بتاسفلها جدا بس كان لازم اكتب المقال ده
يا انتيمووووووووووو....
لان الناس بدأت تنسى أحمد عز و الاعلام تناسى ده
اولا احب اتاسف لاني مش هقدر اكتب بالعربية الفصحة لان برايي الكلام كده هيوصل اسرع واحسن

ثانيا عز كلنا طبعا فاكرينه
كلنا طبعا عارفينه

احمد عز امبراطور الحديد الشخص اللى بيقول انه بيبنى البلد وان للاسف البلد دى اخدت منه ولم تضيف اليه شيئا واللى كثير من الناس بتقول حرام عليكم انتوا ظالمينوا ومعندكوش دليل

بكل بساطه تعالوا نشوف الناس اللى بتساعد البلد واللى مش بيساعدوا البلد...

احمد عز ..ملياردير ..ومكاسبه بتزيد كل يوم ..مفيش اى شئ بيضيفه من ناحيه الاقتصاد المصرى .مفيش تعيين ناس ولا بناء مصانع جديده ولا اى تطوير حاسيين انه بيعمله ...

بورصه + حديد وتقرب للسلطه اكثر واكثر ..وطبعا خوف منهم اكثر واكثر واكثر

تعالو نقارنه مع مين ...حطوا الف ولام حتلاقوا اسم " العز بن عبد السلام "
فاكرينه ؟؟

قطز ..التتار .. هه ؟؟

لسه برضه ؟

ايوه هوه ده ..العز بن عبد السلام الشيخ العظيم اللى كان استاذ قطز لما كان (( عبد )) ولما وصل للسلطه استشاره قطز بعد وصول قطز لحكم مصر فى جمع ضرائب من المصريين ( لمحاااااااااااااااااااااربه )) واكررها ( محااااااااااااااااربه )) التتار

ولكن العز بن عبد السلام الغير طامع فى السلطان ولا الاموال قاله : لابد ان تجعل الامراء مثل المصريين وتاخد منهم الفلوس والجواهر بتاعتهم اولا وبعد كده تفرض ضرائب زياده على المصريين.قالها وكل الناس كرهته لانه بيجردهم من فلوس .وكان ممكن يقول " تمام حضرتك اجمع من المصريين انت داخل على حرب وربنا معاك وكلنا وراك وبنحب يا قطز " مش دى الشعارات اللى كل الناس بتقولها
ولكنه كان عايز الافضل للبلد وخير البلد

اللهم اعز مصر والاسلام ب " ال " عز

شوفتوا بقه الف و لام تفرق ازاى!!!!!

حقيقى موضوع غاية فى الاهمية
مشكور عليه بيمو
عندك حق فى اللى بتقوله
تقبل مرورى

موضوع هايل يا بيمو
وانت فعلا عندك حق فى كل اللى بتقوله
تقبل مرورى

يالهوووووووووووووووووووووووووز
ايه الجمال ده يا انتيموووووووو
يالهوززز
اقولك هدى اللعب
ده انا هقولك تسلم تسلم ايدك
بجد موضوع جميل جدااااااا
وعجبنى جدااااااااا
بس بلاش تزود فيها
بدل ماالبيت ياخد ازاله
ونروح وراء الشمس والجو حر هناك
تسلم ايدك انتيمو

تقبل مرورى

بجدتسلم ايدك يابيمو والله كلام رائع

لا تفرق فرق مير اوى يا بيمو

الحرف فى بلدنا بيفرق

الشمه فى بلدنا بتفرق

بس احمد عز اللى انت بتتكلم عنه ده تقريبا ماسك البلد فى ايده

وزماما الامور معاه

ومفيش كلمه مبتتنفذش ليه

ما هو الكريم السخى اللى بيدفع

يالا ربنا يصبرنا

العز ولى الادبار ولم يعد

نحن بحاجه الى رجل مثل عمر بن الخطاب يحكم مصر

ووالله اتمنى

بس انا طبعا بحلم

لان الزمن ده خلاص ذهب بلا رجع

اختك
فجر