(فجر___ بيمو)

كان نفسى اعمل ليكم عيد ميلادكم فى ظروف احسن من كده
بس الحمد لله
كل اللى يجيبه ربنا كويس
عيد ميلادكم هيكون غريب شويه
او تقدروا تقولوا مميز شويه
لان انتم الاتنين عارفين غلاوتكم عندى
فجر __و__بيمو
اولا كل سنه وانتم طيبين
ويارب انتم الاتنين تكونوا ديما بخير
وتكونوا ديما كويسين وفرحانين
وربنا يبعد عنكم الحزن والهم ويحفظكم من كل شر
ويارب تحققوا اللى بتتمنوه
واشوف الفرحه ديما فى عيونكم

فجر
اسمحيلى انسه نفسى واخالى قلبى يكلمك شويه
اولا :واحشتينى اوى
بجد واحشانى وحشتنى ضحكتك المميزه
بتمنى اشوفك قريب
انتى غاليه عندى اوى اوى اوى اوى اوى اوى
وبحبك اوى
يمكن مش بنتكلم غير كل فين وفين
بس انا متاكده انى ديما فى بالك
زى مانتى ديما فى بالى
وفى قلبى كمان
لان كل اللى بحبهم ديما فى قلبى وفى بالى
يارب الفرحه مش تفرقك ابدا
فاكره اول يوم شوفتك فيه
كل يوم جميل اوى
كان احسسنا واحد فاكره لما قولتى حاسه اننا كلنا قرييب ومتجمعين
واننا حاسيين اننا نعرف بعض وبنشوف بعض من زمان
محدش فينا كان حاسس انه غريب عن التانى
فاكره المناديل احمد قال ساعتها انك فاتحه سوبر ماركت فى الشنطه
ضحكنا كتير اوى يومها ضحكنا من قلبنا
شوفت فيها ضحكتك اللى طلعه من قلبك
وشوفت دموعك اللى عرفتنى قد ايه انتى طيبه وقد ايه انتى رقيقه وحساسه
وتانى مره شوفتك فيها كونت حاسه انك اختى بمعنى الكلمه كونت فرحانه اوى يومها
بس مقدرش انكر ان اول يوم كان اجمل
وتالت مره بقه كان احلى يوم قضيته معاكى
فاكره الشيبسى والبورجر هههههه
ولما كونتى بطيرى عامله فيها سوبر مان
ولما قعدنا نتصور جمب العربيه اللى حضرتك اتخيلتى انها بتاعتك
ههههههههه
كان يوم حلو اوى احلى ما فيا انك جيتى عن البيت وعرفتى اهلى وحبتيهم وحبوكى
ساعتها حسيت احساس كمان ان انتى واحده مننا
رابع مره كانت احلى ما فيها انى شوفتكم انما كان يوم بتمنى امحيه من زكرياتى
يمكن تكون عارفه ليه
بس احلى ما فيه انى شوفتكم كلكم
حاسه انى رغيت كتير بس حسيت ان عاوزه افكرك بالذكريات
اهم من انى اجيب صور تورته وكل ده
كل سنه وانتى طيبه يا فوجى
يا طقه بس حقيقى اجمل طقه
يارب تحققى كل احلامك يارب وتبقى ديما بخير
ومعايا ديمااااااااااااااااااااااااااااااااا
_______________

بيمو
انتيمى
اولا كل سنه وانت طيب
تانيا يارب ديما بخير ويارب ديما كويس
ويارب تحقق كل اللى بتحلم بيه وبتتمناه
واتمنى انك تشوف الدنيا بعيون الامل
صدقنى اليأس والحزن ممكن يموت الانسان
ما اجمل ان تبنى جسر من الامل على بحر من اليأس
الاحلام عالم جميل يمكن بنهرب من الواقع بيه
بس برضه عالم جميل
مش عارفه اقولك ايه يا انتيمو
بتمنى اشوفك ديما بخير وكويس
ويارب اشوفك حاجه كويسه فى المجتمع
بما انى فكرت فجر بالذكريات يلا تفتكرها انت كمان
فاكر اول مره يوم المنصوره
عرفتك انت وابو كنزى
كان يوم جميل اى نعم كونا هنضرب منكم كلكم
وكان ناقص اتنين غالين علينا
بس كونا كتير اوى وكلنا كونا فرحانين
وكونا حاسيين اننا مش غرب عن بعض
فاكر الفانوس يا واد
ولا الشيكولاته ام تلاته دنيه
ذلتنى علشانها
كان يوم جميل
وتانى مره ......................
وتالتا مره زى مقولت لفجر احلى ما فيها انى شوفتكم
كان يوم حلو وكله كابتشينو
ورابع يوم بقه ههههههه
نو كومنت
كان يوم جميل برضه علشان شفناك
كفايه كده انا تعبت من الكتابه
وتعبت اكتر من الذكريات
لان اسمها ذكريات
بس اكيد هتحصل حاجات تانيه واكيد برضه هتبقى ذكريات
*********
والله بحبكم اوى
معلش بقه المزاج مش موز علشان كده العيد ميلاد نص كم
كل سنه وانتم طيبين يا احلى اخوات فى الدنيا
ويارب ديما بخير
وديما كويسين وفرحانين
وتحققوا كل اللى بتتمنوه يارب
سنه سعيده عليكم