عدد الرسائل : 4049العمر : 37البلـــد: : القاهرةالوظيفة: : غريبة في دنيا ملهاش أمانالهوايات: : حب الخيرمزاجـى: : الهوايات: : نقاط : 7447 التقدير : 1 تاريخ التسجيل : 10/07/2007
موضوع: على فــين يــا بـــحر ...!! الإثنين أكتوبر 20, 2008 2:03 am
•• علي فين يابحر••
فى فيلم ( كلمة شرف) بتاع وحش الشاشة فريد شوقى .. ولما كان مسجون وبيكلم رئيس السجن اللى هو كان ( أحمد مظهر) بعد فشل محاولته للهرب خارج أسوار السجن قاله ( دى مش اول مرة أحاول فيها الهرب ومش حتكون أخر مرة ) .. تقريبا ده هو نفس الكلام اللى قاله أحد الناجين من الغرق من بتوع الهجرة غير الشرعية واللى كانوا حيغرقوا على شواطىء إيطاليا ..
ورغم أن واحد من الناجين دول سبق له قبل كده انه سافر برده هجرة غير شرعية وكان حيغرق وانقذوه وحاول لتاني مرة وتكرر نفس السيناريو .. إلا أنه مصمصم إنه يصل لشواطىء إيطاليا أو الموت دونها .. وبيقول دى مش اول مرة ومش حتكون اخر مرة ..
إيه الاصرار ده اللى ممكن يخلى إنسان يجاذف بحياته ..يعنى انت لو عاوز الدقه ايه الرغبة فى الانتحار دي .. حتى انه وضع الحياة فى ايطاليا فى كفه والموت فى كفه تانية .. مين اللى وصل الناس للحالة الهباب دي ..ا لحالة اللى خلتهم يهجروا بلادهم حتى لو كانت فى الهجرة دي موتهم .. مين المسئول عن الوضع ده ..
هو ده السؤال اللى إستطاع ( منتدى friends4ever ) وفى انفراد ساحق فى عالم المنتديات أن تحصل على اجابته من مجموعة من النخبة الفكرية فى العالم العربي...
فى البداية سألنا ( سعيد كوباية ) الخبير فى شئون شحن البنى أدمين وتفرغيهم .. فقال : (( الحقيقة يا جماعة إن إسرئيل هى السبب ، هى اللى غرقت المراكب بتوع العيال دول على شواطىء ايطاليا علشان تهيج الرأى العام العربي ضد حكوماتهم )) ولما حاولنا نستفهم من عم ( كوباية ) عن مين تحديدا فى إسرائيل وراء حكاية غرق المراكب دى قال بكل حماس (( بن جوريون )) .
أما استاذ ( عوض نظرية ) المسئول الرفيع عن وضع الخطط والنظريات لشئون الهجرة فقال بكل صراحة : (( المسالة محتاجه نظرية والعيال دول سافروا من غير نظرية محددة يمشوا عليها علشان كده النظرية بتقول ان من يمشى بدون نظرية لازم تكون نهايته فى المهلبية ))
اما رجل الاعمال الشهير ( أبو الهدد ) بتاع فيلم ( الراقصة والطبال ) قال ردا عن سؤالنا : (( شعارنا من هد وجد ، شوف يا أستاذ لازم تهد علشان تبنى ، والبلد مليانة شباب خليها تخف وده رزق السمك اللى فى البحر ، شغل دماغك أمال )) ومن حسن الحظ اننا وجدنا عند ابو الهدد الست ( زكية سوسته ) الرقاصه اللى اعلنت إستيائها بكل صراحة من اللى بيحصل وقالت (( شوف يا دلعدي اللى بيحصل ده ميرضيش حد ، يعنى هما الستات بتوع إيطاليا دول بيعرفوا يرقصوا أحسن مننا ، كده الشباب بتوعنا ينحرف ، على الاقل احنا بنرقص بترخيص )) ..
بعد كده نزل ( منتدى ماي ايجي)إلى الشارع علشان تستطلع رأى عامة الشعب فى اللى بيحصل ولكن للأسف الشديد فشلت جميع المحاولات فى اخذ كلمة من المواطنين أو محاولة إستطلاع رايهم .. فــ ( زكى زُمارة) صرخ فينا لما حاولنا إننا نسألة وقال: ( ناس معندهاش دم ده وقت أسئلة وهباب مش شايفنى متلقح فى طابور العيش بقالى ساعة ) .. حاولنا أننا نطلع من طابور العيش بعد جهد جهيد لنجد رجل فى أوائل الثلاثينات قاعد على الرصيف قدام الفرن وعينه شاردة ومش مركزة فى حاجه معينه .. اقتربنا منه فى حذر وفى توتر سألناه (( إحم إحم .. احنا بنعمل تحقيق عن الشباب الغارق على شواطىء ايطاليا بتوع الهجرة غير الشرعية .. تفتكر ايه السبب فى هجرة الشباب دول وايه الحل اللى تقترحه )) .. لم يرفع الرجل نظره لي وظل شارد النظرات وهو يهمهم فى شىء أقرب للهمس أغنية العندليب ((يا مركبي سيرى فى طريقك ولا تخافى الرياح لو فيه ضلام فى الوجود قلبي أنا ملاح)) ثم رزع دمعتين .
....اتمني ان ينااال الموضوع اعجابكم....[/size]
حسبي الله ونعم الوكيل
في أنتظار أرائكم والمناقشة الجادة
__________________
فجر v . i . p
عدد الرسائل : 7782العمر : 36البلـــد: : another worldالوظيفة: : university studentالهوايات: : readingمزاجـى: : الهوايات: : نقاط : 6104 التقدير : 0 تاريخ التسجيل : 31/07/2007
موضوع: رد: على فــين يــا بـــحر ...!! الخميس أكتوبر 23, 2008 6:29 pm
تناول جميل للموضوع يا بوسى
وبيتهيالى كلنا عارفين السبب
مص اتغيرت كتير عن زمان
مصر وشعبها وحكومتها وبحرها
عارفين انهم هنا عايشين زى الميتين
عارفه نظام الرهان
يا صابت يا خابت واهى كده كده بايظه
واحد عايش زى الميت
وف فرصه قدامه انه يبقى نى ادم
هيجربها حتى لو على حساب حياته لان البيعه خسرانه وهو كده كده ميت
هو اللى بيحصل فى مصر ده يتناسب مع بنى ادميين
اعتقد انها سورى فى اللف زريبه كبيره واللى بيخطف ويجرى
واللى يعلى على اكتاف الاخخرين يااااااااااااااااااااه
هيعيش هنا ليه
هيحب بلده لييييييييييه
لا تقوليلى كبايه ولا كنافه
بايظه بايظه
وربنا يسامح اللى كان السبب
اختك وحبيبتك فجر
hema_sina مشرف
عدد الرسائل : 6132العمر : 37البلـــد: : ...................الوظيفة: : ...................الهوايات: : ...................مزاجـى: : الهوايات: : نقاط : 11137 التقدير : 13 تاريخ التسجيل : 12/10/2007
موضوع: رد: على فــين يــا بـــحر ...!! الخميس أكتوبر 23, 2008 7:11 pm
املوضوع يحتاج للمناقشة وطبعا الشباب دول غلطانيين ويهربوا ليه من البلد ما كل حاجة متوفره فيها اهو وكل حاجة رخيصة والشغل متوافر ومش مهم خالص يكون معاك وسطه كلنا سواسية والمرتبات كبيرة والدماغ حلوة وكل واحد بيحب التاني يعني معندهمش حق يهربوا ويسيبوا البلد
ربنا يهدي الشباب ويرجعهم عن اللي في دماغهم ويارب مصرنا الحبيبة تكون احسن من كدا ونرقي بقي
مشكورة يا بسبوسة تقبلي مروري
بسبوسة مشرفة
عدد الرسائل : 4049العمر : 37البلـــد: : القاهرةالوظيفة: : غريبة في دنيا ملهاش أمانالهوايات: : حب الخيرمزاجـى: : الهوايات: : نقاط : 7447 التقدير : 1 تاريخ التسجيل : 10/07/2007
موضوع: رد: على فــين يــا بـــحر ...!! الأحد أكتوبر 26, 2008 1:49 am
عندك حق والله يافجر كلامك مقنع لانة بيحصل قدام عنينا وكل يوم شباب بتضيع وبنسكت ربنا يرحمنا برجمتة
بسبوسة مشرفة
عدد الرسائل : 4049العمر : 37البلـــد: : القاهرةالوظيفة: : غريبة في دنيا ملهاش أمانالهوايات: : حب الخيرمزاجـى: : الهوايات: : نقاط : 7447 التقدير : 1 تاريخ التسجيل : 10/07/2007
موضوع: رد: على فــين يــا بـــحر ...!! الأحد أكتوبر 26, 2008 1:53 am
ههههههههههههههه علي رايك ياهيما كل حاجة تمام والعيش عندنا متوفر اوي ومفيش طوابير لحد بعد المخبز بشارعيين ولا اسعار السلع الغذائية في متناول الجمييييييع
ولا الوظائف الخالية مش لاقيين ناس تملئ كل المساحة
احنا عيشييين في غابة وكل اللي بيقدر يعمل حاجة بيعملها وزي ماقالت فجر احنا كاننا في زريبه وكله بيدوس علي كله وبالاذات الاقل منة مش هقول غير حسبي الله ونعم الوكيل مشكور هيما علي مرورك
tepesty عضـو ماسـى
عدد الرسائل : 1773العمر : 40البلـــد: : عالم من الخيالالوظيفة: : وانتو مالكوالهوايات: : المشاغبةمزاجـى: : الهوايات: : نقاط : 6361 التقدير : 0 تاريخ التسجيل : 12/06/2007
موضوع: رد: على فــين يــا بـــحر ...!! الثلاثاء ديسمبر 02, 2008 1:08 pm
ايه الاجرام ده يا بسبس
بصى استحالة ترمى اللوم كله على الشباب واستحالة تشيلى منهم اللوم برده
اكيد مش لجؤا لكدة الا بعد ما اتبهدلو وخصوصا اللى كان هيغرق وحاول تانى ايه اللى يخليه يروح للموت برجله لو كان الموضوع هين
كل اللى اقدر اقولهولك ميحسش بالنار الا اللى فيها مهما اتكلمنا هما اكتر ناس حاسينها وكل كلامنا فى الموضوع ده مجرد كلام لكن الفعل عندهم هما
على فكرة ممكن فى يوم من الايام تلاقينى معاهم مش بعيد على دنيتنا
بسبوسة مشرفة
عدد الرسائل : 4049العمر : 37البلـــد: : القاهرةالوظيفة: : غريبة في دنيا ملهاش أمانالهوايات: : حب الخيرمزاجـى: : الهوايات: : نقاط : 7447 التقدير : 1 تاريخ التسجيل : 10/07/2007
موضوع: رد: على فــين يــا بـــحر ...!! الأربعاء ديسمبر 03, 2008 2:39 pm
تبيستي نورتي التوبك انا مش بلوم ع الشباب لان عندي اخوات وحاسه بيهم يمكن كمان حال اخواتي احسن شوية لكن في شباب ضايعة وللاسف انهم متعلمين وبشهادات كمان واللي يحزنك ان حتي الفلوس اللي هيقعدوا بيها ع القهوة مفيييييييييييش
انا نفسي اشوف حال الناس احسن من كدا والناس اللي حاكمة البلد لو يعاملونا بما يرضي الله اكيد هنكون احسن وتجار المخدرات لو يعرفوا انهم كدا بيهدموا الباقي بالزفت اللي بيبعوة دة ويرضوا بنصيبهم ورزقهم اللي ربنا بيديهلهم اكيد هنكون احسن من كدا زي ما انتي ماقولتي مايحسش بالنار غير اللي فيها ربنا يرحمنا برحمتة
وبعد الشر عليكي تبيستي ارمي حمولك علي اللي خلقك واعرفي ان في رب اسمة كريم وهو احن عليكي من اي حد وان شاء الله هيكرمك بس اصبري الصابرين بخير ياحبيتي
tepesty عضـو ماسـى
عدد الرسائل : 1773العمر : 40البلـــد: : عالم من الخيالالوظيفة: : وانتو مالكوالهوايات: : المشاغبةمزاجـى: : الهوايات: : نقاط : 6361 التقدير : 0 تاريخ التسجيل : 12/06/2007
موضوع: رد: على فــين يــا بـــحر ...!! الأربعاء ديسمبر 03, 2008 3:54 pm
بصى يا بسبس تجار المخدرات بيقدمو رسالة انتو اللى مش فهمنها
بيصحوا الاهل من نومتهم
بيخرجو الشباب من حيرتهم وبهدلتهم
بينسو الواحد همومه
ومقابل ده حقهم انه ياخدو فلوس
بصى يا بسبس العملة ليها وجهين. يا تشوفى الملك يا تشوفى الكتابة