تــــلـــيـــفــون الـــــــرئــــــيـــــــس...عــــايــــــز الرقم؟؟

السلام عليكم ورحمة الله وبركاته
بيقــولك فى يووم من الايــام قــرر الرئيــس انــة يقول رقــم تلفونــة لشعبــة
ومــا ان قــال الريس رقــم التلفــون حتــا قــامت جميــع فــئــات الشعــب بمسك موبيلاتهــم
عشــان يلحقــوا يسجلوا رقــم الريــس..

بختة يــا سعــدة ال ينوول شـرف مكـالمـة الريــس..

النـاس فى كل حتــة ملهــاش غير سيــرة رقــم الريــس ومين ال حيكلموا وحيقولوا ايــة...!

وطبعــا الريس وافــق انــة ينشــر رقــم تلفوونة غصب عنــة...

لتحسين صورة الرئيس وزيادة شعبيته والتي أظهرت إستطلاعات الرأي أنها

في تآكل مستمر ....

ويتعرف بنفسه علي مشاكلهم وسبب عدم رضائهم عنه رغم مخاوفه

الشديدة من كثرة التليفونات وإمكانية تعرضه لمكالمات غير لائقة من مغرضين

ومندسين بين صفوف هذا الشعب المدهش المطاوع المسالم المهاود ..

بمجرد أن وافق الرئيس تم عمل حملة إعلانية ضخمة وغير مسبوقة في طول

البلاد وعرضها للإعلان عن الرقم ... وتم كتابة الرقم علي لوحات مضيئة عملاقة

أعلي العمارات والمباني الحكومية وكل خمس دقـايق اعلانــات فى التلفزيــون

وكان الخلاف حول المكالمة هل تكون مجانية أم لا ..وتم حسم الموضوع بأن

تكون هناك رسوم لزيادة الدخل وتنمية الموارد ودفع عجلة الإنتاج وعمل ودعم

مشاريع الصرف الصحي والمياة وعمل نهضة تنموية مستقبلية ...

جاءت ساعة الصفر .... وبدأت الخدمة ... وتلقي الرئيس عدة مكالمات

المكالمــه الأولي

- ألو ....

- أيون ...

- إنت الريس ...

- أيون يا حبيبي ... إيه مشكلتك ....

- أنا ياريس دخلت قسم شرطة أعمل محضر قام الظباط والمخبرين ضربوني

علي قفايا وجابوا ساعة رقمية وقعدوا يشوف من حيضربني أكتر علي قفايا

في الدقيقة وما خلصوش إلا لما ظابط المباحث عمل رقم قياسي وضربني 80

قفا في الدقيقة لغاية ما قفايا ورم ونظري ضعف ... يرضيك كده ياريس وأنا ولا

مجرم ولا حاجة أنا رايح أشتكي وأعمل محضر في الجيران ...

- بص يا مواطن ... إحنا كلنا في خدمة الوطن.. والشعب في خدمة

الشرطة ..لما يكون ظابط بيحميك ويحمي أولادك إيده بردانة شوية وعايز يدفيها

ويسخنها في قفاك ده يزعلك ... لازم تضحي شوية علشان الوطن ...!!

- شكراً ياريس ..ربنا يخليك لنا ويخليك للوطن ...

المكــالمه الثانيــه

-الو

- أيون

- الريس معايا شخصياً

- أيون ... قول يا مواطن ... إيه مشكلتك ...

- أنا ياريس وغيري ملايين ساكنين في المقابر وتحت الكباري وفي عشش

في ال ...في ال

- أسكت ..إتكلم عن نفسك بس يا مواطن بلاش تعميم ... إنت عايز تعمل لي

تنظيم علي التليفون؟ فاهم.. ولا أفهمك بطريقتي .....!!!

- فاهم فاهم يا ريس ...

- كمل يا مواطن ...

- نفسي في شقة من إللي بتتوزع علي لاعيبة الكورة والعقود إللي بتتوزع

وبنشوف تصاويرها في التلفيزيون...

- واضح يا مواطن إنك مش متعلم ومش فاهم حاجة ... تسكينك في المقابر

إنت وغيرك ده له حكمة عظيمة ..

إنت عارف إن الدين بيأمرنا بزيارتها للموعظة والإعتبار من آن لأخر لكي نعرف

أنها دنيا فانية ...

وإنت محظوظ كل يوم وكل ساعة بتتعظ ... ده إنت تحمد ربنا إننا لم نأخذ منك

ضريبة إتعاظ .... !!

- طب ما تيجي ياريس تتعظ عندنا شوية ...

- إخرس ... يا ..(....)

دببببب ..

وتم غلق الخط ...

المكــالمه الثــالثــه

- ألو ....

- أيون

- الريس حبيبنا معانا ....

- أيون أيوه كده ....إيه مشكلتك يا حبيبي ...؟؟

- أنا ياريس شاب عندي 29 سنه ومتخرج بقالي 9 سنين ومش لاقي

شغل ..ولسة بآخد مصروفي من والدي وقاعد علي القهوة طول اليوم ...

نفسي أشتغل ياريس ...

- أنت غريب قوي يا مواطن ... مش تحمد ربنا إننا مريحينك ..عايز تروح للشقي

برجليك ... وبعدين مالها قعدة القهوة ... إتعلم منها حاجة تفيدك ...ممكن

تبقي بطل شطرنج زي كسباروف وساعتها تعرف إن جلوسك علي القهوة كان

مصلحة ...

- ياريس عايز أكون نفسي ...

يا حبيبي حد حايشك ...؟!!

- أكونها إزاي من غير شغل ..؟؟

- إيه يا مواطن أنا ماسك أعصابي ... إنت عايز البلد تكون ملايين من الناس..

إحنا فاضيلنك ولا إيه..؟؟ إحنا عندنا عيال بنكونها برضه .... خلي أبوك يكونك يا مواطن ...
دبببب ...وتم غلق الخط ....

المكــالمه الرابعــه

- ألو ..صباح الخير ياريسنا يا جميل ...

- ألوووووووووو...صباح الجمال ... أيوه يا شابة .. إيه مشكلتك وأنا أحلها لكي

في فمتوثانية ...

- أنا يا ريس عانس ... وصلت لسن 35 ومش لاقية عريس ... نفسي أتجوز زي

البنات كلها ويبقي عندي بيت وأسمع كلمة ماما ....

- هههههه ... إنت تحمدي ربنا ...جواز إيه وقرف إيه ...خلفة وطبيخ وواحد

متخلف ينكد عليكي ومسئولية ... خليكي كده ....

- ياريس ... نفسي أحب وأتحب ....

- يا مواطنة ... حب الوطن كفاية عليكي ....

- يعني أتجوز الوطن وأجيب منه عيال ..!!!

- يوووه ... إنت مش عجبك كلامي طيب ..

دبببب .. وإنتهت المكالمة ....

عــاوز تلفــون الريــس ادهوولـــة بس كــل واحــد يقولنــا لمــا يكــلم الرئيــس

حيقولــة ايــة.....!!

هههههههههههههههههههههه حلو اوى يا بيمو وبذات اول واحده بيسحن ايده على قفاه هههههههههههههههههه
انا لو كلمتو هاقولو اتقى ربنا فينا وكفايه الى انت عملتو افتكر يوم ما هاتكون فى ايدا ربنا ها تدعى انك ترجع تانى علشان تصلح الى انت عملتو وربنا يهديه لينا يارب ويهدى الناس كلها

بجد حلوه قووووووووووى
يابيمو على قد ماهى واقعيه
على قد ماتموت من الضحك
يعنى المثل اللى يقول
هم يبكى وهم يضحك
ماكدبش
ولوسمحت هاتلى رقم الريس
ولمااكلمه هقولك نص المكالمه
بجد جميله يابيمو
تقبل مرورى

ايه ده يابيمو أنت طلعت واصل بقى
وكمان هاتجبلنا الرقم كتر ألف خير ك
هاتلى بقى الرقم عشان أنا مش عايزه أكلمه فى موضوع ضرورى أوى

عجبانى قوى المكالمة التانية دى

لو كلمت الريس هقوله

تيبستى :الو الريس معايا .

الريس: انا الريس وام الريس وابوه أأمرينى يا قمر

تيبستى : ياريس

الريس : عيون الريس

تيبستى : عفوا لقد نفز شعبك برجاء اعادة شحت مواطنيك
تيت تيت تيت تيت تيت
تووووووووووووووووووووووووووووت