ياريتك تفهمينى .

عيشتنيى معاكى فى دنيا تانيه

عرفت معاكى معنى التضحيه

غرقت فى بحر الشوق مستنى

تغمرينى بشوقك ولهفه وغرام وشويه حنيه

كان نفسى تكونى حاسه باللى بيا

قولتلك

بروحى افديكى يا اغلى ما ليا

وفضل بحر الشوق رايح جى بيا

يحكيلى عن غرامك ويغنيلى بلحن هواكي اجمل اغنيه

لقيت قلبى دايب بين لحظه والتانيه

وقولت خلاص لقيت احلامى الورديه

ونسيت فى حضن هواكى احزانى المنسيه

وحسيت ان عمرى اتولد فى اللحظه ديه

كنت بقول للشوق براحه عليا

ده الغرام ده كله كتير عليا

صحيت من اجمل حلم على كلمه

كلمه هدت كل اللى فيا

كلمه كانت قاسيه عليا

مكنتش منتظرها فى يوم انها تتقال ليا

كان نفسى اكون وياكى طول عمرى

بأيديكى انتى نهيتى وقضيتى على عمرى

بكلمه منك انتى طلعت بعفويه

مش عارف اقول ايه

مش عارف ازاى انا اكون وانتى مش جنبى ومعايا

مش عارف اكمل ولا عارف حتى ابتدى لحظه تانيه

بجد اتغيرت وانتى جنبى او زى مانا كنت حاسس انك جنبى

خلتينى اهتم شويه بيا

خلتينى انسى اللى فات وابتدى وانتى جنبى وفاكر انك هتكونى جنبى

عايز اصرخ لغايه ما ينقطع جوايا الصوت

عايز اصرخ واقول بحبك

بس انتى قتلتينى من غير ما يكون ليكى حتى صوت

بــــــــــحــــــــــبــــــــــك

ياريتك تفهمينى . 648105

تسلم ايدك يا ديمو
وعندى احساس ان ديمو اللى بيتكلم برضه
بجد تسلم ايدك
تقبل مرورى

ميرسى يا ساندى يا قمر والله العظيم برضوا ديمو هو اللى بيتكلم احساسك فى محله ربنا ما يحرمنى من مرورك

قريت ليك كام حاجه فى وقت صغير
وكلهم بجد حلوين اوى يا ديمو
طيب ليه مش تكتب على طول وتنزل لينا
مستنيه تنزل على طول كتباتك

ماهو انا مش نازل طالع عمال اكتب
على فكره انا والحمد لله كل اللى بنزله انا اللى ببقى كاتبه والحمد لله
بس يعنى باخد اوقات كده شويه عشان اكتب
نعمل ايه بقى الجامعه والقهوه واللعب والخروج والكتابه كمان
شوفتى بقى كام حاجه فى اسبوع لازم نقسم الوقت بقى
وانا بحب اعيش حالات كده وانا باجى اكتب يعنى لما بيبقى المود مظبوط وست الحبايب راضيه عنى بيطلع منى شويه حاجات كده تودى اللومان
ربنا ميحرمنيش من مرورك الجميل ده

عيد سعيد عليك يا ديمو
وكل سنه وانت طيب
وبجد والله مش مجامله الكتابات جميله
ربنا يوفقك ويسعدك يارب
منتظرين المزيييييييييييييييييد