حملة مقاطعة منتجات أعداء الإسلام

حمله مقاطعه منتجات أعداء الأسلام

هاتجاهد لازم تجاهد....... بتسأل إزاى ؟؟؟؟
مش لازم تجاهد بنفسك وتموت عشان تبقى جاهدت
ممكن تجاهد نفسك
تجاهد نفسك وتقاطع منتجات اتعودت أنك تستخدمها وتستبدلها بمنتجات تانية
هايبقى صعب فى الأول وهاتنسى وهاتقول أنا لسه هابص فى القايمه عشان أعرف أجيب ده وماجبش ده
معلش ماهو ده جهاد النفس وهايكون صعب فى الأول بس
لكن بمجرد أنك تتعود عالمنتجات التانيه هايبقى الوضع عادى وفوء العادى كمان
يلا كلنا أيد واحده ونبدأ
هانبدأ أننا نعرف أيه المنتجات اللى لازم نقاطعها

منتجات إسرائيليه ــــ منتجات امريكيه ــــ منتجات دنماركيه

وياترى أيه هى المنتجات دى ؟؟؟؟
هانجمعها كلها بنص واحد وفى ورقه واحده وبخط كبير وواضح
وهاتكون بأسم حملتنا
ونطبعها كلنا على استيكارات
لو تفتكروا زى حمله لا للأدمان اللى عملها الأستاذ عمرو خالد
والكلام ده مش هايكون خلال الحرب على غزه وبس
الكلام ده لازم يكون مبدأنا طول حياتنا

أنتوا اللى هاتختاروا أسم الحمله
وانتوا اللى هاتختاروا الكلمه اللى هاتكون رمز حملتنا
وانتوا برده اللى هاتختاروا طريقه وضع القايمه
وعايزين نجمع المنتجات بأسماءها بالتفصيل
يعنى الحمله دى كلنا
يلا كل اللى يعرف المنتجات يقول واللى عنده أفكار يقول

ومستنيه أفكاركم وأراءكم كلكم

مستنين أيه الفرصه جاتلنا عشان نساعد أهلنا
أهل غزة وأطفال ملهاش أى ذنب أنها أتولدت هناك
يلا ياشباب بلاد تانيه سبقونا وحرقوا بالفعل المنتجات دى
حرقوها مع العلم الإسرائيلى والأمريكى
يلا نجاهد

جزززاكي الله كل خير يانهال
وربنا يقوينا علي فعل الخير
ونقدر فعلا نعمل اي شيء
ربنا يكرمك يارب ويجعله في ميزان حسناتك
ان شاء الله
وانا جبتلكم حبه صور
فيها اكتر من منتج
ليتم تبديلها بمنتجات مصريه
وربنا الموفق

اليكم بعض الصور

مشكورة يا نهال علي الموضوع والحماس ده

وربنا ينصر اهل غزة

والحمد لله انا شوفت قائمة
المقاطعة وطلعناالحمد لله مش بنستعمل حاجة من الحاجات دي

ويارب الجميع يحرص علي المقاطعة

شكرا على الموضوع

وعلى القائمه

مافيش بايدينا غير الدعاء والمقاطعه والتبرع