* ري- ستاااارت *

ري- ستاااارت

ايوة ياعم......الجهاز تقل...هاخطف ريستارت وارجع لك.....

هاللو حبيبتي...معلش الجهاز مهنج...واحد ريستارت و راجع لك هوا يا جميل نكمل كلامنا....

ها ياباشا....كانسل الفايلات...حتة ريستارت كده ونرجع ننزلهم وكله يباه تمام...

بابا وماما: انت طول النهارد كده اودام الهباب ده؟؟و اما نكلمك تقول انا عارف مصلحتي... !!!!

يالاهوي....اشد في شعري؟؟.....النت فصل....يالاهوي....ياخرابي....الحقوني يانااااااس.....

اللي فات ده كله مشاهد بتتكرر معانا كل يوم......صح؟؟

طب هو ايه ريستارت ده بجد؟؟

الكل بيتكلم عنه وكانه منقذ للبشرية وانه اول مايتعمل كله هايباه تمام...!!!

ريستارت هو اعادة البداية......!!

بجد؟؟ يعني انا ينفع اعيد بدايتي؟؟

يعني ينفع ارجع طفل من تاني؟؟؟

ينفع ترجع صفحتي بيضة بدون اي ذنب او نقطة سودة فيها؟؟

ينفع البراءة ترجع لعيوني في نظرتي وكل حواسي؟؟

ينفع ارجع اشتهي البنبون والمصاصة...بعد مابئيت مابشتهي غير محرماتي؟؟

ينفع ارجع انكش في كل حاجة ....افتحها...اكسرها...بس اكتشفها واشغل بيها عقلي من تاني؟؟ بدل ما انا كده مش بادور على النكش غير في الحاجات اللي مش تمام؟؟؟

ينفع ارجع ادور على ابوية وامي لو غابوا عني و ابكي من بعدهم.........بعد ما بئيت انا اللي بابعد عنهم واقفل على نفسي ليل نهار باب غرفتي؟؟و عازل نفسي عنهم وعن اخواتي زي اللي عنده جرب؟؟

ينفع ارجع اتعلم الكلام الصح من تاني.... ا...ب....ت......بدل ماانا مش عارف انطق ولا عربي ولا حتى افرنجي؟؟؟

ينفع....ينفع؟؟؟...ينفع؟؟؟؟؟؟؟

اه........ينفع؟؟ وليه ماينفعش؟؟

ده انت طول يومك بتعمل في ريستارت لحتة حديدة اسمها كمبيوتر......يباه مستخسر في نفسك ليه ريستارت صغير تعمله على نفسك.....على قلبك...على عقلك....على حواسك كلها.....على علاقاتك ....على دنيتك طولها وعرضها....

شوفت لما جهازك بيهنج بتباه عايز تضربه ستين .......-اللي بنلبسها في رجلنا-........ علشان الجهاز يشتغل؟؟

فما بالك باه لما تباه سيادتك اللي مهنج؟؟؟

قوم معاية دوس على زرايرك...

ستارت............تيرن اوف............ريستارت........

استنى استنى.......

هاتعمل كام ريستارت؟؟ انت محتاج لكام ريستارت؟؟و هاتعمله ازاي؟؟ كل واحد ادرى بنفسه و بعمايله؟؟ مش كده ولا ايه؟؟

انت بس اللي تقدر تحدد انت محتاج لكام ريستارت......!!!

هاتعملة مرة واحدة؟؟؟ طب مرة واحدة في الايه؟؟ في اليوم ولا في الاسبوع.....في الشهر....في السنة.....ولا مرة واحدة في عمرك كله؟؟؟؟

تعالى نالف وحدة جديدة ... ونسميها وحدة الريستارت.....يعني ايه مش فاهم....؟؟

افهمك انا.........

العربية دي بتعمل الف كيلوا في الساعة.....دي وحدة مسافة على زمن= سرعة

الخلاط ده بيعمل مائة لفة في الدقيقة....دي وحدة عدد على زمن=سرعة

النونو ده بيعمل مية على روحه 10 مرات في الثانية..دي وحدة بامبرز على استهلاك = خراب بيوت..

وحدة الريستارت.....وحدة جديدة.....شاملة السرعة ..الزمن...الطول...الميزان....العدد...المسافة...... كله كله......

وطبعا كلنا عارفين انه كل ما الجهد يزيد كل ما الكفاءة تكون احسن....

يعني كل ماتشتغل بوحدة الريستارت بهمة ونشاط ومجهو د اكتر....كل ما كفاءتك في الدنيا هاتعلى و درجاتك عند ربنا تعلى وتعلى...وتباه كسبت باذن الله دنيا واخرة....

انتي بتخرفي؟؟ انا مش فاهم حاجة؟؟ يعني ايه المطلوب مني من الاخر؟؟؟

هاقول لك .......من الاخر.........

لو هاتعمل لنفسك ريستارت مرة واحدة في العمر يباه ياريت يكون حج...و هاترجع طفل من تاني كايوم ولدتك امك..

لو ريستارت في السنة...يباه عليك وعلى رمضان..اياك تضيعه منك.....مش طول اليوم نايم وطول الليل عالقهوة واقول ما انا فطرت خلاص...!!

ريستارت كل شهر بالايام القمرية التلاتة 13- 14-15......صومهم.......مهما كان الجو عليك حر.....حر الدنيا اهون..... وانت عارف.....

ياسلام عليك باه لو ريستارت كل اسبوع....بصلاة الجمعة و قراءة سورة الكهف.....حتى ولو كنت بنت.....زي مابتروحي الجامعة زي الولد...روحي الجامع.....!!

يا سلام اكتر باه لو كنت بتعمل ريستارت كل يوم....قرآن.. وركعتي الفجر.. وقبلهم اتنين قيام...خير من الدنيا وما فيها....

طب ده انت فلة اوي باه وهاعمل لنفسي ريستارت كل ساعة......ايه؟؟......ازاي؟؟

ماتسيبش ساعة تعدي عليك بدون تسبيح او استغفار او ترديد لا اله الا الله سيدنا محمد رسول الله..

و ريستارت كل دقيقة؟؟ كمان ...!!!...ريستارت كل دقيقة؟؟!!!!

اوماال ..هو احنا جايين الدنيا دي نهزر ولا اييه ياباشا.. ولا ايه يا هانم؟؟

رييستارت كل دقيقة ...كلمتين...بتشوفهم كل مابتدخل عالمنتدى...سبحان الله وبحمده سبحان الله العظيم...

طب و ريستارت الثانية؟؟

دمعتين....تبكيهم على روحك..على نفسك.....لو لسة لحد دلواتي كلامي مالمسش قلبك....

صعب اللي باقوله؟؟ ولا مستحيل؟؟
انك تعمل ريستارت لحياتك من تاني ومن اول و جديد؟؟؟؟؟؟؟؟؟؟؟

راااااااااااااااااااااااااائع

بجد التوبك راااااااااااائع

وفكرته تحفة

وبيدعو لكلام اتقال كتير جدا بس بطريقة قريبة من القلب

وطريقة سهلة وسلسة

وطريقة مظنش ان اي حد هيقرئها ومش هيحس بيها

بجد بحييكي جدا على موضوعك الرائع

وطريقتك الاروع

عندي بس تعليق على نقطة صلاة البنت في الجامع

بس مش وقتها في الاخر بقة ان شاء الله

تقبلي مروري يا موكا

والله يابيمو الموضوع ده تقريبا اكبر موضوع شدنى فى حياتى كلها وعجبنى بجد
علشان كده قولت اكيد هيعجب اخواتى هنا
ميرسى ياقمر على مرورك الغالي
ملووكه

مش عارفه اقولك اية
بجد روعه روعه
جزاكي الله كل خير
عندك حق في كلام كتير
ربنا يهدينا جميعا لما يحبة الله ويرضاه

بس انا مش معاكي في نقطة صلاه البنت في الجامع
افضل مكان للمرأه في صلاتها
منزلها
ومعتقدش ان الحل في الصلاه في الجامع
المهم نصلي
ونعمل اللي علينا
فعلا كتير مننا محتاج لريستارت يعيد بيها حياتة من جديد
وانا اولكم في حجات كتير
لازم اعملها ريستارت وابدء صح
ادعولي وادعولنا جميعا ان ربنا يصلح حالنا
ومشكووووووووووره اوي علي الموضوع التحفه دة

تسلم ايييييييييييييييييييييييييييييييييييييييييييييييييييييييييييييييييييييييييييييييييييييييدك ياملوووكة
مش عااااااااارفى بجد اقولك اد اييييييه الموضوع فد نيييييييييييييييييييى
اوووووووووووى

مشكوورة ياجميل
وفينك مش باينة ليه

منورين التوبيك احلا بنات
ميرسى بسبوسه ومونى على موروك الجميل ياقمررررررررررررر

جزاكي الله كل خير ياملكه ربنا يلطف بينا

تسلم ايدك يا ملوكه

موضوع رائع بمعنى الكلمه

تسلم ايدك

ميرسى تامر ويويو على مروركوا الغالىىىىىىىىىىىىىىىىىىىىىىىىى

بسم الله ماشاء الله
بجد تسلم ايدك علي جمال موضوعك

وعملية الريستارت للكمبيوتر مش بنعملها الالما البرسيسور بيكون خلاص
طق
طلع روحة
كمان شويا يطلع من الكيسة ويضربك
هنج
مش عارف يعمل ولا امر

يبقي احنا كمان لازم نعمل ريستارت لمخنا لما منكونش عارفين نعمل حاجة
لما نكون مش عارفين نفكر
ولا نتخد قرار
لما نكون مقصرين في حق ربنا
وحق الناس
وحق وحق وحق
لازم نعمل ريستارت لما نكون عايشين بلا قيمة
ولازم ندور علي نفسنا
امممممممممممممممم

اسف علي الاطالة
وبشكرك مرة تانية علي جمال موضوعك

مشكور هيما على مرورك الغالى

لا يا حبى مش صعب ابدا

بس هو محتاج اراده

اللى انا عرفته ان فعلا اللى عايز حاجه بيعملها بشرط انه فعلا يكون عايز يعملها

ساعات الواحد بيطلع منه البدع ويكون مش عارف انه فعلا ممكن يكون هو اللى عمل كده وبيكون هو مش حد تانى

مسئله اراده مش اكتر

يعنى مين يصدق ان احنا هزينا شباك البرازيل تلات مرات واتغلبنا من امريكا الهبله

كله ممكن والله

مرسيى حبيبتى على موضوعك لانه فعلا جاااااااااااااامد

اختك

فجر

***** ري- ستاااارت *****

* ري- ستاااارت *