تالت موقف
كان مع الطبقه المثقفه للهنود والباكستان ماهم نوعين نوع مثقف مبرمجين ومهندسين ونوع خرفان زي اخينا اللي من شويه ده
ده كان مع المبرمجين اللي في الشركه اللي اشتغلت فيها بعد كده وكنا بنتعامل بالانجليزي عشان مابيعرفوش ولا كلمه عربي لانهم دايما في الشركه مابيتعاملوش مع حد بره ومكنش فيه عرب في الشركه وقتها غيري انا واصحاب الشركه
االمهم الهنود والباكستان بينهم لغه مشتركه اسمها اوردو فكنا لما نتكلم كلنا يتكلموا انجليزي لما واحد فيهم يمسك ودن التاني يتحولوا وانا هتجنن مش فاهم ولا كلمه وخايف يكونوا بيشتموا وانا زي البطيخه
فعملت معاهم اتفاق انهم يعلموني اوردو واعلمهم عربي وافقوا قالوا نبدا بالحروف قولتلهم لا نبدا بالكلام الابيح الباد ووردز ضحكوا وقالوا ماشي
باختصار اتعلمت كل الشتايم بتاعتهم تقريبا عشان ابقي مطمن اني لو سمعت كلمه من دول اعلق اللي بيقولها وروحت طلعت الكلام ده عالهنود اللي عند السكن واشوف رد فعلهم عشان اتاكد انه كلام مظبوط ومش اشتغاله
وانا كمان علمتهم الردح المصري بمواهبه بس لان مفيش عربي غيري في الشركه ولانهم يوم مايجربوا الكلام ده هيجربوه عليا
علمتهم الضماير غلط يعني انا =YOU والعكس
وبدات اشتغلهم بقي بقت بدل جود مورننج اروح ظارف الواحد فيهم شتيمه عالصبح
فيرد عليا ويشتمني ازاي ( انا كذاااااااااااا ) فبدل مايشتمني يبقي بيشتم نفسه ومقولكوش بقي كذا دي بتقي ايه ميعرفش انه وانا اضحك استفذه ذياده واشتمه وفضلنا علي كده حوالي شهرين لحد مافي يوم صاحب الشركه سمع واحد منهم باكستاني بيقول انا كذا بصوت عالي رايح جري قولت انا اترفدت
لاقيته باصللي وضحك وقاللي ايش سويت فيه وايش هذا اللي يجوله حكيتله القصه
قاللي والله انك شيطان بس تدري يستاهلون عشان يتفزلكون علي ويسون روحهم عباقره
وراح مستلهم بقي فيما معني الكلام ان واحد مصري لوحده عمل في ستاف البرمجه العباقره كده ومن يومها اي معلومه عاوزنها لو هيشحتوها من حد في الشارع مايسألونيش عليها........
موضوع: حكايات عمو جو 3 
الخميس سبتمبر 30, 2010 10:47 am
