فقط فى مصر (صور متجدده)

معلش يا جماعه عالتأخير
نكمل بقى شويه صور حلوه حلوه يعنى
فقط فى مصر (صور متجدده) - صفحة 3 6345654645

فقط فى مصر (صور متجدده) - صفحة 3 Normal_34563456345657567

فقط فى مصر (صور متجدده) - صفحة 3 Normal_4567456756767

لا إله إلا الله

حاجه تكسف بجد

ال مدرسه جميله نظيفه متطوره ال

ماهو باين أوى

شكرا ليك ياسلطان

صوره جامده ياصاحبى

مشكور يا اوزو عالمتابعه

بجد نورتنا ياباشا

ابتسم فأنت بمصر المحروسه مش عارف محروسه من ايه انما محروسه
يا ابو على يا هايل من زمان وانا بقولك يا هايل يا واد كلامك ومواضيعك بتنسينى همى وبتضحكنى اوى مشكور يا ابو على

ههههههههههههههههههههههههههههههههههه
الله هيا دي مصر يا رجاله صور جامده بصراحه

مشكوره يا صامته .. نورتى الموضوع

عايز أقولك معلومة مهمة جدا .. هى فعلا الصور مؤثرة وبتدل على الإهمال

بس أنا سافرت كتير بره مصر وعايز أقولك حاجه مهمة جدا

الصور دى مش فى مصر بس

وعندى اثباتات كتير بس مش هقول إلا لما الحدة فى الحوار بتاعكم يخف شوية

لأنها بلدنا ولو غيرنا حاول يخربها المفروض نحاول نخلى شكلنا جميل

مش نقول للعالم كله تعالوا اتفرجوا على صورنا

الصور دى رغم انها مابتعبرش عن جزء مننا غلا إنها بتورى الناس احنا إيه

لكن أمريكا مثلا فيها بلاوى ومحدش بيعرف عنها حاجه

لأنهم بيحبوا بلدهم

مش عايزين يفضحوها وفاكرين ده الحل او التنفيس عن الغضب

يكفى طابور العيش اللى عمره مابيبقى منظم

أظن كمان الوزير هييجى يوقفهم طابور ويرصهم زى طابور المدرسة

ولا ساعة لما بيحصل زلزال

بندوس على بعض

عشان كل واحد يفلت ويعيش

احنا أصلا شعب يستاهل كل ده لأننا راضيين باللى احنا فيه وكل واحد خايف من جوه نفسه

وبيفضح بلده بره وفى كل مكان وفاكر إنه كده بيعمل خير

قال الله تعالى للمؤمنين :

(إذا بليتم فاستتروا)

صدق الله العظيم

أولا : مساء الخير عليك يا تمام 21 ومساء الخير على كل الاعضاء اللى يعرفونى واللى مش يعرفونى
بالنسبه لحده الحوار لو انت لاحضت ان اساسا مفيش حده فى كلامى وصدقنى انا يمكن اكتر المعتدلين اللى ممكن تسمع عنهم
ثانيا: الموضوع ده اخر رد فيه قبل ردك كان يوم 28/3/2008 وانت ردك يوم 28/8/2008 يعنى فؤق خمس شهور فلو في حده ولا حاجه اكيد الحده دى انكسرت
وعلى فكره انا فرحان انك سافرت كتير وشفت كتير لان ده اكيد اضافه للناتج الجمالى المصرى ان يبقى بنا اللى سافر للشرق واللى سافر للغرب وياريت تبقى عارف ان فى اى دوله بتحترم نفسها وعند اى حكومه بتحترم شعبها هتلاى ان الوزير هوه فعلا اللى بينظم الطابور ومش لازم ان ينزل بنطم بعصايته انم هتلاقيه بينظم نفسه الاول فتلاقى كل الناس بتقلده وصدقنى ساعتها مش هتلاقى غلط لان كل الناس هتعمل الصح ومش وكن على ثقه ان بلد زى امريكا وغيرها بلد فاشل اجتمايا وانا لم يسبق لى الذهاب الى امريكا ولكن انا متأكد لان اى بلد لايحترم ادميه الانسان وحقوقه لا يمكن ان يحترم ادميه مواطنيه وحقوقهم وياريت لو انت مستعد للكلام اتكلم وهنتناقش واكيد هنستفيد كلنا
ومعلش يعنى ياريت تراجع معلوماتك لان (اذ بليتم فاستتروا ) ليست من القران وانما هى حكمه نبويه ومن احاديثه صلى الله عليه وسلم

ورمضان كريم

شكرا على ردك وأنا سعيد جدا بمناقشتك رغم انى حاسس انها غير موضوعية لأنك بتحكم فيها على بلد زى أمريكا من غير حتى ما تروح ولا تشوف النظام هناك يعنى بتتكلم من اللى سمعته وده أول غلطه فى حكمك

تانى حاجه أنت بتتكلم على وزير عايزه ينزل وسط 80 مليون عشان ينظم طابور العيش يبقى دى تانى غلطة فى حكمك لأن السياسة ليها نظام بمعنى إن فى تحت الوزير قيادات وإدارات وتحت القيادات والإدارات فى مشرفين ومراقبين لحد ما توصل للعمال .. يعنى مش اروح اشترى عيش الاقى الكشك زحمة يبقى الوزير اللى كذا وكذا

إحنا عندنا بنستلم العيش ببطاقات بيسموها كارته وفى كمان اشتراك بندفع 5 جنيه زيادة وناخد عيش كل يوم بنظام فى معاد محدد وطبعا القيادة أو العمدة عندنا هو اللى عمل كده ده وطبعا دى من أساسيات العمدة اللى هو معين من المجلس اللى متوصى من المحافظة اللى بيشرف عليها المحافظ اللى بينفذ أوامر الوزير السلطة المباشرة له

وكمان أنا مانفيتش فى كلامى إن عندنا مشاكل كتير تستحق إن مناصب كتير تتغير لكن مش الحل إننا نفضح نفسنا فى كل حته .. ونثبت للناس ان دولتنا لازم تنزل لكل واحد فينا تديله مصروف فى ايده

قليل جدا من المصريين اللى بينفذ شغله كامل ومعظم الموظفين بيناموا فى مكاتبهم قولى دى مشكلة الوزير

معظم مدارس مصر ان مكانتش كلها الغش فيها بيكون منظم والمراقب اللى بيعترض بيندبح بره وأنا شوفت ده بعينى قولى دى مشكلة الوزير

فى مشكلة خطيرة فى المجتمع وهى زيادة الأسعار وتلاقى فى تجار بيبيعوا أكتر من تجار جنبهم ويقولولك البنزين زاد .. طب ايه علاقة البنزين بالبضايع إذا كان هو بيجيب بالجملة ويزود ضعفين السعر .. ايه .. هو البنزين ده دهب ولا احنا اللى مش فاهمين اقتصاد .. قولى بقى مشكلة وزير

فى مشكلة خطيرة فى البلد هى ان الشباب بيعيشوا تقريبا فى الشارع .. مش كلهم لكن نسبة كبيرة .. وبيعاكسوا اى حاجه معدية حتى ولو كان راجل .. ويحدفوا بالطوب ويرموا صواريخ .. ده غير التحرشات بأى بنت معدية ولو حد اتكلم معاهم يلموا بعض ويضربوا بأى سلاح ويجروا .. قولى بقى مشكلة بطالة (أطفال بإبتدائى فعلوا ذلك أمام عينى) .. وقولى كمان مشكلة وزير

فى دول زى الصين مفيش فيها حاجه اسمها شركات ومفيش فيها حاجه اسمها تعيين من الدولة إلا نسبة بسيطة رغم انهم عدوا المليار نسمة .. إلا إنهم مابيشتكوش من الفقر ولا بيقولوا دولتنا كذا ووزيرنا كذا .. بيعملوا مشروعات صغيرة جدا .. بيتعلموا الكفت عشان يجيبوا فلوس .. معندهمش موبايلات وعربيات وبزازات لكل واحد فى ايده .. ولا بيقولوا أنا مش لاقى وظيفة ومش لاقى ومش لاقى والدولة كذا .. قولى بقى مشكلة وزير

فى دولة زى ماليزيا كانوا لحد 10 سنين فاتوا ماليين الدول العربية وبيخدموا فى البيوت وبيتذلوا عشان الفلوس .. ماليزيا حاليا بقت من أرقى دول العالم فى صناعة الأجهزة الكهربائية وقطع غيار الكمبيوتر مثل الهاردات .. قولى بقى مشكلة وزير

لما يكون بلد شبابها بالنهار قاعد يعاكس فى البنات ويدور على ارقام موبايلاتهم ويطلع عليهم سمعة من غير مايشوف لكن بالسماع كده .. وبيشرب أى حاجه زى السجاير والبانجو ويصرف على الملذات والموبايلات ويرجع يقول مفيش فلوس .. البلد كذا وكذا .. يا أخى .. الكلام كتير وكل واحد فينا له عيوبه لكن أنا بزعل لما بلاقى حد يتكلم من اللى سمعه .. أنا سافرت السعودية والكويت والأردن واتصاحبت على هنود وأمريكان وألمان وروس ومصريين وكوايتة وسعوديين .. ودرست التاريخ الإنجليزى والفرنسى والأمريكى الرأسمالى والروسى الإشتراكى والماليزى الإسلامى .. يعنى بكلمك عن تجربة حية وواسعة .. مش مجرد ضابط ضرب واحد واتصورت على الموبايلات ونزلت على النت بعنوان بلد الأمن ومصر والكلام التافه ده اللى بيقلب الرأى العام الغير واعى .. أو مجموعة ناس لابسين جلاليب ومربيين دقونهم وبيتكلموا فى الدين بأخطاء واضحة ومعظمهم موجود فى الفضائيات والقنوات والبرامج اللى بنتفرج عليها كلنا وللأسف بيصدروا فتاوى مادية وعندى أدلة كتير لكن مش هتكلم عشان مدخلش فى حرب التعصب وكمانبيتكلموا على علماء الأزهر ويقولوا انهم مش عارفين غير فى الدين وبس وبيتهموهم بالجهل وبيقولوا لهم على الشاشات علنى "اتقوا الله"

ياريتك تكون فهمت وأتمنى يكون أسلوبى ماضايقكش وأتمنى تقرا بدون تعصب ولا تحفز للرد

وعايزك تاخد بالك من حاجه أخيرة .. أنا بتكلم على اللى شوفته وعشته مش على اللى سمعته وفعلا مصر فى أزمة بس الناس فاهمة الأزمة غلط وده اللى هيخلينا نعيش فى وقت طويل جدا لحد ماتقوم ثورة فكرية تصحيحية

وفعلا النص اللى كتبته كان للرسول محمد عليه الصلاة والسلام .. الظاهر إن النقاش خدنى وكتبت غلط .. بعتذر عن الخطأ الغير مقصود وشكرا لردك الواعى ومنتظر جديدك

اللللللللللللللللللللللللللللللللللللللللللللللللللللللللللللللللللللللللللللللللللللللللللللله ياتمام
انت مش عارف قد ايه انت ردك شدنى بطريقه تهبل بجد
بس برضه انا هااقوم كامه صغيره وتيجى زى ماتيجى
مصر السبب فى اللى احنا فيه ده الحكااااااااااااااااااااااااااااام
لو طلعنا لقينا الرئيس ملتزم وبيعرف ربنا بجد هنبقى بلد كويسه
احنا بلد غلبانه بجد
واللى السلطان بيجيبه وبنشوفه ده مش من عنده
لا دى حقيقه فعلا واكتر من كده
بس اما تشوف كده وتحس باليأس فى بلد ذكر اسمها فى القرأن اكتر من مره تبقى تبكى بجد
انا عن نفسى مش اتمنى اكون مصريه ولا تلزمنى الجنسيه دى بحاجه
انا اخويا لسه جاى من الامارات من يومين قالى كلام بقيت مدهوشه
بيقولى يابنتى المصرى مع المصرى فى الغربه اعدااااااااااااء
انتى تعرفى هندى ولا تعرفى مصرى
وتقولى مصريييييين
بصوا فى الاخر البلد دى عايزه تتغير بجد
يبقى نغير احنا من نفسنا
وهنلاقيها اجمل بلد فى الدنيا
وكفايه بقى لانى لو طولت هااغلط بجد
منهم لله فى اللى احنا فيه ده دلوقتى
حسبى الله ونعم الوكيل فيك ياريس

» حلقات متجدده للمفتشه كليوباترا كورمبو
» تفكير جديد .... صحصح " سلسله متجدده "