مامعني الصداقة؟؟؟؟؟؟؟

نظرا لاهمية هذا الموضوع قمت بفتح باب النقاش فيه هنا وارجو منكم التفاعل مع الموضوع بابداء الاراء ووجهات النظر بصراحة لتعم الفائدة للجميع.

في حياتنا اليومية حين نُسأل عن رفيق غالبا يكون الجواب (هذا فلان صديقي) لكن هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟

ما مفهومك الشخصي عن الصداقة؟؟

هل تعتقد بوجود فرق بين الصاحب والصديق؟ وان كان هناك فرق فما هو؟

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟

هل تولي ثقتك الكاملة لصديقك ام تعطيه جزء منها؟ولماذا؟

هل هناك عدد معين من الاصدقاء يجب التوقف عنده؟ ولماذا؟
من برأيك اقرب الصديق ام الاخ؟ ولماذا؟

هل تجعل صديقك في اختبار دائم ام تحدد وقت لذلك ؟

حين تتعرض لخيانة الصديق فعلى من تلقي اللوم عليه ام على نفسك ام على من؟

ارجو ان يعجبكم الموضوع وتنالوا الاستفادة منه وقد فتحته لانه بالغ الاهمية عندي ولا اعرف هل اصبت في ذلك انتظر منكم الردود ....

السلام عليكم ........
الصداقه شئ جميل جدااا وغالى بس عمله نادره جداااااا .......
بجد من الصعب اختيار الصديق والاصعب اختباره لان الانسان بيتعرف من مواقفه مش من رايه لان فى ناس كتير بتقول ومش بتعمل فبتبان فى المواقف وفجاه بتلاقى ادامك انسان تانى غير اللى كنت تعرفه ...........
وانا عندى فرق بين كلمه صداقه وزماله .... الزميل هو اللى بكلمه بحكم الدراسه وبانتهاء الدراسه بتنتهى علاقتى بيه ... لكن الصديق بيبقى شئ غالى حتى لو مش معايا فى الدراسه بيبقى معايا طول العمر ........
وشكراااااا ليك ع الموضوع الرائع ........
"هديـــــــــــــــــــر"

موضوع الصداقه ده صعب اووي بس لو لسه في حب بين الناس وثقه هيبقي فيه صداقه اعتقد ان ديه اجمل علاقه بين البشر بعد علاقه الابومه والامومه
واكتر حاجه بتلمني في حياه مش خيانه اللي مفروض هم اصدقائي واكتشف انهم بيعرفووني علشان مصلحتهم وبس
الصداقه اسمي من الاصحاب
لان الصديق بجد مرايتك انا ليه واحده صاحبتي مستعده تعمل كتير علشاني وانابرضه وده حسته من مواقفها تجاهي وافعالها
اهم حاجه ان الواحد يختار اصدقائه كويس اوووي
بجد الي ملوش صديق وفي في الدنيا ديه فاقد حاجات حلوه اووي في حايته

سلام على الدنيا إذا لم يكن بها صديق صدوق صادق الوعد منصفا....الكلام ده قاله الإمام الشافعى ...وفعلا لو بصيت هتلاقى إن كل واحد فينا محتاج لحد يفضفض معاه ويشكيله ويشركه فى كل مواضيعه ..ومينفعش إنك تلاقى حد كويس ينفع يكون صديقك وتفرط فيه ..وأكيد مش اى حد ممكن يكون صديقى لأن الرسول قال المرء على دين خليله فلينظر أحدكم من يخالل...يعنى فيه أسس منها الدين والأخلاق وإنه يكون صاحب صحبه بجد ...وبيتهيالى إن الصديق عندى زى أخويه بالظبط مينفعش يكون أقل منه وبرضو مينفعش أقولك إنه أقربلى من أخويه ..بس يمكن أكون باخد راحتى فى الكلام معاه عن أخويه ويمكن يفهمنى أكتر لأنه فى الغالب بيكون من سنى يعنى بيبقى فاهم اللى فى دماغى
على فكره بقى انت طارح موضوع كبير أوى ولا يكفى الواحد يجاوب عنه فى 10صفحات
بس أحييك ع الموضوع ده
ربنا يوفقك
أخوك
أوزو

في حياتنا اليومية حين نُسأل عن رفيق غالبا يكون الجواب (هذا فلان صديقي) لكن هل فلان هذا فعلا يحمل معنى الصداقة الحقيقي ام هي كلمة اصبحت تستخدم في غير محلها؟؟
بص فعلا الكلمه دى بقت تستخدم فى غير محلها ولكن لسه فى ناس بتقدرها وبفرق معاها الكلمه دى ومش اى حد بتقول عليه صاحب او صديق

هل تجعل صديقك في اختبار دائم ام تحدد وقت لذلك ؟
لا طبعا لانى معنى كده انى بشك فيه بس اكيد هتحصل مواقف لو هوا وحش هيبان

مامفهومك الشخصي عن الصداقة؟؟
الصداقه دى تعنى المشاركه والوضوح والحب والتعاون فهى اغلى شىء فى الوجود ممكن تفقد الحب انما الصداقه صعب لان الصداقه دى عمودى الفقرى اصحابى هما مرايتى يوم اغلط يقفو فى وشى يوم اكون صح يشجعونى

هل تعتقد بوجود فرق بين الصاحب والصديق؟ وان كان هناك فرق فما هو؟
طبعا الصديق معنى اشمل فكل صديق هو فى الاصل صاحب انما مش كل صاحب يبقا صديق

هل تتخذ اي شخص صديق ام هناك اسس وقواعد لذلك؟وان كانت هناك اسس وقواعد فما هي؟
طبعا اسس وقواعد انه
1- مش هقول زيى لكن على الاقل فيه شبه منى
2- يكون صريح وبيكره الكدب
3- متدين
4- خجول
5- بيحبنى بمعنى انها تكون حاسه ان انا هيا فتخاف عليا قد ما بتخاف على نفسها
كفايه كده

اقرب الصديق ام الاخ؟ ولماذا؟
بص هة الصديق بس ما اجمل ان يصبح الاخ صديقا على الاقل الاخ هيكون فيه حاجه قويه بتربطه بيك يخليه يخاف عليك اكتر

اولا بشكرك على الموضوع الجميل جدا ده

الصداقه بجد والله مش كلام اجمل حاجه فى الدنيا انا عن نفسى مش متخيله الحياه من غير اصدقاء

بص هو يمكن كل الحاجت الحلوه قلت فى حياتنا والمعانى كمان

بس ده ميمنعش ان فى صداقه حقيقه والحمد لله ان بعيش المعنى ده وبحققه مع اناتيمى

بالنسبه لمفهوم الصداقه اكيد معروف ان الصداقه من الصدق

يعنى الصديق مرايه لصديقه يعكس نفسه فيه ويشوف حاجه حاجه من خلال عينيه

وقت فرحه يلاقيه وقت حزنه يتحامى فيه ده مش كلام ع الورق وخلاص ده بجد وده المعنى الحقيقى فى نظرى

انا اعتقد اه ان فى فرق بين الصديق والصاحب يعنى ممكن يكون ليك اصحاب كتييييييييييييييييييييييييييير لكن اصدقاء قليلن

ورابطه الصداقه بتكون اقوى

وطبعا مش اى حد ممكن يبقى صديق فى مش شروط ولا حاجه بس ه حاجت بديهيا لازن تكون موجوده

بالنسبه لاصدقائى اهم حاجه الاخلاق والتوافق وغير كده يكون فى مشاعر حب بينا

كمان يبقى فى بينا حاجات مشتركه وتفكيرنا ميكنش متناقض وبيئتنا تكون متشابهه

بالنسبه للثقه لو انا مديتلوش ثقتى الكمله ميكنش كده صديقى الصديق عندى نامبر 1 يعنى ثقتى وحياتى وكل حاجه معاه

يمكن اكتر من اهلى

مفيش طبعا عدد للاصدقاء بس انا دلوقتى بتكلم عن الانتيم والانتيم النسبه لى اقرب من اى حد تانى فى الدنيا

لا ابدا طالما فى ثقه خلااااااااااااااااص

يارب الموضوع ما يحصل لانى مش هقدر عليه بس هلوم نفسى قبل اى حد تانى

مره تانيه بشكرك ع الموضوع الجميل

اختك

فجر

الصداقه اجمل مافى الوجود زيها زى الحب ويمكن احسن حاجه حلوه اوى لما تلاقى حد تسميه صديقه بس دة مش سهل نادرا لما تلاقى صديق بجد واخ بجد انا بقه لقيت اتنين عرفت معاهم معناه الصداقه بجد عرفت قد ايه الصداقه جميله لدرجه انى كتير اوى بحس ان محدش عرف معنى الصداقه قدى عارف يعنى ايه حد يكون انت حاسس بيك فاهمك معاك على طول انت وهو واحد مفيش فرق بنكم اللى معاكم بيتقسم عليكم عارف يعنى ايه لما تتالم تلاقيه سندك يحس بالمك قبل متقول اه يتمنى انه يسعدك حتى لو على حساب ساعتها ياااااااااااه يا محمد لو اتكلمت كتير اوى عن الصداقه مش هقدر اقول معنى الصداقه لانى بتكلم عن سنين عشتها مع اصدقاء بجد حبتهم وحبونى بجد كونا حاجه مشكور على موضوعك

موضوعك فعلا رائع يا محمد وجميل جدا

بس انا مش هجواب