100نصيحة للبنات فبل الزواج (الجزء الاول)

احبى زوجك فالحب ليس كلمه
بل هو فعل ..الحب ليس اخذ
بل هو عطاء(كلى بعقله حلاوة يعنى من الاخر)
2
اطيعى زوجك دائما فيما يرضى الله
واذا اضطررت فلا تعصيه الافيما يغضب الله(صح لا طاعة لمخلوق فى معصية الخالق)
3
احفظى اسرار زوجك واسرار بيتك
حتى عن اقرب الناس اليك(ايوة يعنى استرى عليه ربنا يستر عليكى)
4
لاتدعى احدا مهما كان قربه منك
يتدخل فى حياتك فحياتكما مللك لكما فقط(يعنى كل اللى يكلمك قوليله من تدخل فيما لايعنيه خد على قفاه مالا يرضيه)
5
كونى دائما جميله لزوجك
له وحده وليس للناس(يعنى مش جوة البيت عفريت وبرة ملكة جمال اعملى العكس مرة وحدة فى حياتك)
6
احبى اهل زوجك واحترميهم يحبك زوجك
ونادى والده بأسم بابا وامه بأسم ماما(اشتغليهم من الاخر)
7
حلى كل مشاكلك فى غرفه النوم وانت فى احضانه وتعودا على احاديث الوساده
التى تفضفضان فيها كل شيء(لا تعليق)
8
عيشى مع زوجك على قدر دخله
مهما كان هذا الدخل(يعنى مش كل شوية هات هات حرام عليكى خليتى الراجل شحات)
9
لاتكذبى على زوجك ابدا
حتى لو كان كذب ابيض ولاتخفى عنه شيء(كدب ايه بس دى الستات مبيعرفوش يكدبو خاااااااالص)
10
الزوجه الذكيه هى التى لا تقف امام
زوجها وهو غضبان
دعيه حتى يهدأ تماما ثم ابدئى لعبتك معه(يعنى ماتعمليش فيها ابوعلى وعبد الستار صبرى اعملى نعامة لحد اما يهدى ومش لازم تشعلليها)
11
الرجل لا يحب المرأه العنيده
فلا تتشبتى برأيك مهما كان هذا الرأى هو الصواب(خديه على قد عقله من الاخر)
12
احذرى ان تشتكى زوجك لاحد مهما كان هذا الشخص قريب منكم(ايوة نظام يا قلبى يا كتاكت يا ما انت شايف وساكت)
13
لاتصادقى الامن يحبهم زوجك ويرتاح لهم(خليه يختارلك صحابك وريحى نفسك)
14
لاتتحدثى فى التليفون طويلا
ففضلا عن الفاتوره فأن الكلام الكثير مضيعه للوقت ويجلب الخطأ(ايوة لحسن يولع فيكى وفى التليفون)
15
نامى مبكرا وقومى مبكرا
فالبركه فى البكور والنوم الكافى اعظم علاج لصحه الجسم ونضاره الوجه(ايوة ونظام لا تؤجل عمل اليوم الا الغد)
16
اجعلى ايات الله تتردد دائما فى بيتك
وفى اغلب اوقات النهار وخصوصا فى غياب زوجك فالبيت الذى يعمر بالقرأن
تغشاه الملائكه ولا يدخله الشيطان( وبلاش الاغانى بقى و الحوارات دى)
17
احترمى زوجك واعطه مقامه وافخرى به
وحافظى دائما على برستيجه
امام كل الناس(ثبتيه من الاخر)
18
لاتضيعى وقتك لساعات طويله امام
التليفزيون بل شاهدا القليل
معا فى غرفه المعيشه
وحاولى ان تفعلى شيئا الى جوار المشاهده(يعنى مش يكلمك وانتى مش معاه مركزة مع الفيلم والتمثيلية ممكن ساعتها يكسر التليفزيون وهتبقى انتى الخسرانة)
19
افعلى كل مامن شأنه ان يكون الاحترام المتبادل هو اللغه المشتركه بينكما
اجعليه يحترمك
ومن المحرمات هنا الالفاظ النابيه والشتيمه
حتى لو كان بمزح (ايوة بلاش تغلطى لحسن تتعورى)
20
لا تخرجى من البيت ابدا
الا بأذن زوجك
حتى لو كان الخروج من اجل العمل(ايوة حقه يا بنتى)
21
احرصى على ان يحب زوجك اهلك ويحترمهم
وخصوصا والدك ووالدتك واخواتك
ثم بقيه الاقارب(يعنى انتى اللى هتعملى كل حاجة من الاخر
22
لا تخبى شيئا عنه مهما كان صغيرا
لان اللى يخبى الصغير
يخبى الكبير فالصراحه والشفافيه
هما العمله التى يجب ان تسود بينكما(كلى دماغه من الاخر)
23
كونى لزوجك اما فى البيت بحنانك
وكونى له حبيبه بدفء
وعواطفك(يعنى كل يوم غنيله ماما زمنها جايه)
24
انتهى من شغل البيت قبل ان
يصل زوجك بنصف ساعه(معرفش ليه بس اعملى بنصيحة الكبار)
25
اهتمى بالتفاصيل الصغيره التى تصنع الحياه
مثلا ان تقولى تصبح على خير
او مساء الخير او حمدالله على السلامه الخ(هم بيحبو الحاجات دى بهدليه صباح الخير ومساء الخيرهو الكلام بفلوس)
26
كونى بشوشه بقدر مااستطعتى
فالرجل لا يحب الزوجه النكديه مهما كانت(اضحكى على الفاضية والمليانة علشان يقول عليكى عبيطة)
27
ودعى زوجك بقبله واستقبليه بقبله
ولتكن هذه عادة جميله بينكما(لا تعليق)
28
زورى اهلك واهل زوجك مره كل اسبوع
على الاقل بحيث تكون عاده جميله تنتظرها الاسرتين(اهو توفير ليكى كل اسبوع روحى كلى هناك انتى وهو هتوفرو كتير اوووووووووووى)
29
لاتناما انتى وزجك فى مكانين متباعدين
ابدا حتى وانتما متخاصمان
فالتلامس يصنع الدفء
والدفء يصنع الحب(لا تعليق)
31
اذا اختلفت مع زوجك فى شيء ما
فالرأى النهائى يكون له
الا اذا اقنعتيه(قوليله حاضر يا سى سيد)
32
ادخرى من دخلكما مبلغا كل شهر حتى لو كان صغيرا لان المال الذى لايزيد ينقص(القرش الابيض ينفع فى اليوم الاسود)
33
لاتبدى اعجابك الشديد بأشياء لايستطيع زوجك تحقيقها حتى لا يشعر ولو بطريق غير مباشر
بعجزه عن طلبيه مطالبك(يعنى بلاش طمع على قد لحافك مد رجليك)
34
لاتسرفى فى تدليل زوجك حتى لو كنت
غارقه فى حبه لان الشى اذا زاد عن حده
انقلب الى ضده(يعنى من وقت لتانى اديله فوق دماغه)
35
كونى خفيضه الصوت ما استطعت فجميع الرجال لا يحبون النساء ذوات الصوت العالى(استعبطى من الاخر9
36
اشتركى مع زوجك فى بعض الاشياء
الصغيره الحميمه جدا
كأن تخرجا مثلا وبينكما سر خاص
شديد الخصوصيه لا يعرفه الا انت وهو(وكل شوية تزليه بقى وتقوليله اقول عشان يحرم يزعلك فى حاجة)
37
لاتبدى اعجابك بأى رجل امام زوجك حتى لو كان هذا الرجل شخصيه عامه مثل الفنانين او الرياضيين اونجما او سياسيا(ممكن يبقى فيها طلاقك دى خلى بالك يعنى)
38
لا تقللى من قيمه اى رأى يقوله زوجك امام الاخرين حتى ان كان خاطئا او انك تختلفين معه(قوليله تمام على اى حاجة ولما تروحى البيت علقيه فى الفلكة ومديه)
39
احرصى على ان يأكل زوجك فى البيت
وان يأكل من صنع يديك(اقرب طريق لقلب الراجل معدته)
40
حاولى ان تقومى من النوم قبل ان يستيقظ زوجك
حتىلو اقتضى الامر ان تواصلى النوم بعد خروجه(يصحى يلاقيكى فى وشه عشان يتسرع يبقى صبح وليل)
41
رتبى دولاب زوجك بعنايه (مش تسبيه على بعضه كدة ولا سوق الجمعة)
42
حاولى ان تفهمى كل يما يريده زوجك ولو بمجرد النظر(خليكى لماحة تفهميها وهى طايرة ولو مفهمتهاش وقفيها افهميها وطيريها تانى)
43
احرصى على المناسبات التى تهم زوجك
مثل عيد ميلاده وعيد زواجكما وعوده والده ووالدته من السفر الخ(معلش تعالى على نفسك واهتمى شوية)
44
لاتتحدثى ابدا مع زوجك فى التليفون وهو فى العمل مهما كان الامر(يعنى مش هيبقى فى البيت والشغل كمان ارحمى الراجل شوية)
45
اظهرى الامتنان لزوجك لاى شيئى يفعله من اجلك ومن اجل بيتك حتى لو كان الشيئى صغيرا(زهقيه كل شوية قوليله شكرا لحد اما يكره نفسه)
46
اشتركى مع زوجك فى بعض الاشياء الصغيره حتى لو كانت الفرجه على الفتارين او مشاهده فيلم سينما او حتى الاشتراك فى سندوتش فول وطعميه(اى حاجة خليكى على قلبه يعنى)
47
اعملى ميزانيه للبيت بالاشتراك مع زوجك على ان تحتوى هذه الميزانيه على المصاريف الثابته والمتغيره(يعنى تديله مصروفه وهو رايح الشغل وكدة)
48
لاتنبشى ابدا فى ماضى زوجك ولاتدعيه ابد يحدثك عن ماضيكى(اللى فات مات ياختى)
49
ابتكرى بعض كلمات او حركات او تصرفات خاصه بكى وبزوجك يعنى اعملوالكما لازمه
تضحكوا عليها(ابقى بهلوان من الاخر عشان تضحكى سيادته)
50
اطلبى من زوجك الاشياء التى تحبيها فيه
مثل احب تسريحه شعرك كده او احبك بالشكل الفلانى بس متطلبيش انه يكون شبه هانى سلامه(ماتبالغيش يعنى اذا اردت ان تطاع فامر بما هو مستطاع مش لدرجة هانى سلامة يعنى اخره احمد عيد)

ههههههههههههههههههههههههههه يخرب عقلك يا سالى بعيدن عن الامثلة الموضوع حلو اوى تسلم ايدك يا قمر