100نصيحة للبنات قبل الزواج(الجزء التانى)

51
الحياء تاج المراه والرجل لا يحب المرأه اللى وشها مكشوف بالعكس هو يحب الخجوله(ارسمى الدور من الاخر)
52
نظافه بيتك تبدا بالحمام والمطبخ فاحرصى على نظافتهم جيدا(النظافة من الايمان)
53
لاتستعينى بشغاله مقيمه معكى طوال الوقت(اه يبقى خسرتى جوزك والشغالة )
54
اثناء غياب زوجك تحدثى مع البائعين والباب مغلق(بلاش حتى تتحدثى صوت المراة عورة شاورى بس من ورا الباب)
55
لاتختلطى بجيرانك اكثر من اللازم(عشان الجيران بتجيب الجنان)
56
جاملى اقارب زوجك حتى بالتليفون وخصوصا عماته وخالاته واعمامه واخواله(ثبتيهم يعنى)
57
اصنعى علاقه حميمه بين امك وزوجك حتى لاتصبح العلاقه على انها مجرد حماه(اعمليله مسح للزاكرة لان مهما عملتى هيصر انها حماته)
58
لابد ان تضيفى الى حياتك والى بيتك شيئى جديد كل عام(اى حاجة حتى لو شراب جبيه وعلقيه فى النجفة عشان تحسى بالفرق)
59
خذى بالك اخطر اعوام الزواج هى السنه الاولى ثم الخمس اعوام التاليه(ركزى بقى 6سنين اشغال شاقة)
60
لاتقرأى على زوجك الاحداث المفجعه فى المجلات(افتحى الصفحة عليها وسبيها ادامه هو هيقراها لوحده)
61
لاتنشغلى عن زوجك وقت طويل اثناء وجوده فى البيت(يعنى كل شوية تقوليله عايز حاجة هو طبعا هيقولك غورى مش عايز)
62
احرصى على ساعات نوم زوجك لان الرجل اذا قل نومه فقد اعصابه(حطيله منوم وريحى دماغك)
63
ساعدى زوجك فى اشياء تتصل بعمله او دراسته اذا طلب منك ذلك(ولو ماطلبش بردو احشرى نفسك فى اللى مالكيش فيه بردو)
64
اطلبى مساعدته اذا كنت فى مراحل الدراسه ليشعر بأهميته(اه حسسيه ان هو الاول والناس وراه)
65
لاتتخذى قرار منفردا ثم تخبرينه بعد ذلك بل اشركيه فى اتخاذ القرار(بصى قوليله ايه رايك ونفزى اللى انتى عيزاه وماليش دعوة باللى هيحصل بعدها)
66
استشريه فى الفستان الذى ستخرجين به معه فى ايه مناسبه(وابقى قابلينى لو رد عليكى)
67
اختارى له البدله والكرافته اللتين سيرتديهما فى حفل ما(واطمنى هو هيلبس غيرهم)
68
دى انا بقى حذفتها من الاخر متنفعش تتكتب
69
اشركيه معكى فى بعض الاشياء الصغيره مثل عمل السلاطه ترتيب السفره(هههههههه مش هيعمل حاجة ياختى ماتتعبيش نفسك)
70
يفضل ان تشتركى معه فى الرياضه التى يمارسها(اتعبى نفسك بقى عشان يعجبه)
71
ادفعيه دائما نحو التقدم فى عمله بأخذ الدورات التدربيه(ايوة وراء كل رجل عظيم عمك عبد العظيم)
72
لاتتحدثى كثيرا عن نجاح زوج صديقتك فى عمله(الا لو كنتى عيزة تخنقيه)
73
خففى عنه ان اصابه مكروه
كأن تصدم سيارته او يحرم مثلا من الحوافز(اه بلاش بقى الشماتة تظهر)
74
لاتكونى انانيه(كونى متفانية يعنى شمعة تحترق من اجل الاخرين)
75
حاولى ان تتعودى على الاشياء التى يحبها
وعوديه على الاشياء التى تحبينها(ابنك على متربيه وجوزك على ماتعوديه)
76
ودى بردو حذفتها
77
اذا زعلت من زوجك فلا تحاسبيه لحظه الزعل(اصبرى لحد اما يطمنلك وبعدين اصطاديه بقى وعلميه الادب)
78
اذا كان زوجك من النوع الذى يكتم مشاعره
فاصبرى عليه حتى يروق(يروق وبعدين استدرجيه)
79
لاتكونى فرفوشه وخفيفه الظل مع اصدقائك وثقيله مع زوجك فى بيتك(يعنى ميبقاش فى خيار وفقوس)
80
لاتتحدثى ايدا عن قصص الطلاق
لاقدر الله التى تحدث لبعض اصدقائك(اها ماتلعبيش فى دماغه يعنى)
81
لاتتبسطى مع الضيوف حتى لو كانوا اصحابك
الانتيم فى وجود زوجك(لمى نفسك وهو قاعد اول ما يقوم لمى نفسك بردو)
82
لاتتحسرى على الايام السعيده التى كنتى تعيشيها فى بيت والدك(بلاش كآبة يعنى وعقدة الزنب بقى)
83
ودى بردو حذفتها معلش
84
افخرى بأهلك اخواتك واعمامك وخالتك وخيلانيك
ولكن دون اسراف(اه مش تقولى هم اللى بنو الاهرامات وكدة وحدة وحدة يعنى)
85
اذا دعيت لمناسبه ما فلا تقبليها فورا بل قولى سوف اخذ رأى محمد بعد ان اعرف ظروفه(معرفش مين محمد بس اى حد وخلاص)
86
الرجل لايحب المراه الثرثاره فتحدثى بلغه العيون اكثر من لغه الكلام(او ممكن تشاورى)
87
اقرائى جريده واحده على الاقل كل يوم ومجله واحده على الاقل كل اسبوع لتعرفى احوال الدنيا(ثقافة يعنى)
88
يوووووووووووووه رمتها بردو
89
راجعى بنفسك غلق الابواب والنوافذ والمياه والغاز كل ليله وقبل الخروج وقبل السفر(اشتغلى مخبر يعنى)
90
لاتحدثى احدا ابدا عن خططكما المستقبليه مهما كان(دارى على شمعتك تقيد)
91
حافظى على صلواتك وحبذا لو صليت معه جماعه(يا سلام احسن حاجة)
92
لاتصدقى ان الزواج مقبره الحب
العكس هو الصحيح
الحب يشتعل بعد الزواج(مش عرفة كل شىء جايز)
93
حاولى ان تختارى لاولادك اسماء اسلاميه(فكرة حلوة بردو سميهم مثلا تومى وكاتيا وكدة ايه رايك)
94
لاتتبسطى ابدا فى كلماتك او فى علاقتك بزوجك امام الاخرين(مش فهمة ازاى بس ما علينا)
95
سافرى مع زوجك الى اى مكان مره كل شهر على الاقل فى عطله نهايه الاسبوع(ياريت بس هو ياختى يوافق)
96
اشتركا معا فى حب بعض الاشياء مثل
اغنيه معينه او فيديو كليب
او فيلم سينمائى(اه وشغل بين الاطلال والحوارات دى)
97
لاتصدقى ان الزواج مثل الطبيخ المسلوق صحى لكنه غير لذيذ
العكس فالزواج هو الذ شيئا
98
لاتصدقى الحكم التافهه فى المجلات من ان الزواج شر لابد منه(مش كدة لا مش شر اوى يعنى شر نص نص)
لا
فازواج عباده ورزق وحياه كامله ونعمه
99
لاتتحدثى عن سعادتك مع زوجك او فى بيتك مع اى شخص كان(دارى على شمعتك زى ما قولتلك)
100
لاتصدقى ان الحياه الزوجيه قصه حب رومانسيه
فقط الحياه الزوجيه عمل مستمر وحياه وكفاح من اجل النجاح(يعنى كوكتيل) عجبنى الموضوع وقولت انقله ليكم يمكن يفيدكم بس معلش علقت على كل فقرة سمحونى لسانى طويل اعمل ايه بس فى فكرة انى اقصره وجارى التنفيذ

هههههههههههههههه
نسمحك اية بس يا بنتى
حرام عليك يا بنتى اية الامثلة دى كلها

انا حسة انك كونتى بتخانقى مع الموضوع
بس بجد تسلمى هو فعلا موضوع رائع

اه تصدقى ههههههههههههههههههههههه

نصايح تودى الصرايا الصفرا ههههههههههههه

شكرا ليكى يا عسل

انتى يا بنت انتى بتجيبى الشربات ده من فين

سكر يا ناس

اختك

فجر