من طرف sp!ky أمس في 12:56 pm
اوزو حبيب قلبى معلش اتأخرت عليك
مش تقول يا راجل ان انت هنا
خد دول بقى
1- قبل اسمك ماذا تحب أن تكتب ؟
2- حيوان تشعر انه مظلوم ؟
3- بتشيل اسرارك مع مين ؟
4- أحد علماء النفس قال ذات مرة أنه باستطاعة الانسان العيش من دون اصدقاء .. ماذا ترى أنت ؟؟؟
5- اما بتكون مخنوق بتعمل ايه؟
6- ما أجمل شيء في الاسلام ؟
7- ما اجمل شئ فى الدنيا ؟
8- بتحب الصيف ولا الشتا اكتر ؟
9- امتى قلبك بيقسى؟
10- عديلنا عيوبك اللى انت شايفها فى نفسك ؟
11- ما هو انطباعك عن السياسه ؟
12- امتى تخجل من نفسك ؟
13- انت بدور على ايه ؟
14- ماهو هدفك فى الحياة ؟
15- انت سلبي ام ايجابي ؟
16- رتب هذه الكلمات حسب الافضليه لديك
الصحه _المال _الاولاد _الزوجه _المنصب _راحة البال _ الاصدقاء
17- ايه اكتر مثل بتحبه ؟
18- عندما تتناقش ايضافي موضوع وفي النهايه بعد اصرار منك بالبدايه انك على حق فتكتشف ان الذي امامك على حق ماذا يكون ردة فعلك ؟
19- لو تفاجئت بخيانه شخص عزيز لك ماذا تفعل معه ؟
20- لو طلب منك تولي منصب الوزير من تختار من الوزارات وماهي قراراتك ؟
21- انت من مدينة تحبها وتعشقها بكل مافيها فاذكر مدينتك وعبر عنها بكلمتين فقط ؟
22- أعضاء تعجبك كتابتهم وقل رئيك بشخصياتهم سوا ايجابيه او سلبيه ؟
يالله يا بطل جاوب فى السخان كده
................................................
روح منك لله ياراجل
أيه ده كله بس يامفترى
انا هجاوب على قد ما أقدر
1-بكتب قبل إسمى أيه ؟؟ تصدق والله العظيم انا مدرس أهو ولا عمرى كتبت قدام إسمى أستاذ أو مستر أحمد مثلا
وبعدين انا مش كاتب إسمى خالص يابلال عشان تستريح
2- حيوان مظلوم ؟؟ههههههههههههههههههه..أيه ده ياعم السؤال ده ..لأ مش عارف بقى
3-بشيل أسرارى مع صحبى الأنتيم اللى انت عارفه
4- مااعتقديش إن البنى آدم ممكن يعيش بدون أصدقاء .. وانا مش مع علماء النفس خالص فى النقطه دى
5-لما بكون مخنوق بعمل أيه ؟؟ جاوبت عليه قبل كده ومش هكتب تانى حرام عليك ههههههههههه
6- أجمل شىء فى الإسلام كله على بعضه ..ده الدين المستقيم وربنا قال ..إن الدين عند الله الإسلام ..صدق الله العظيم ..ويكفى أن نبي الإسلام هو محمد صلى الله عليه وسلم
7-أجل شىء فى الدنيا بالنسبالى ؟؟ حب الناس اللى بييجى عن طريق حب الله للإنسان ..وبصراحه الواحد بيتمنى حب الله وحب الناس له
8-بحب الصيف ولا الشتا اكتر ؟؟ هما الإتنين بيعملولى مشاكل
يعنى الصيف العرق بقى والكلام ده
والشتا بيعملى مشاكل فى جيوبى الأنفيه لأنها تعبانى أصلا
بس أدينا بنعيش يعنى مش هنموت غير لما ييجى ميعادنا
9-إمتى قلبى بيقسى ؟؟مش عارف بس ممكن لما أنجرح أوى من حد بحبه
10-عيوبى.....انا أولا عصبى جدا
كتير بكون متسرع فى بعض الأمور ..مش فى القرارات ..يعنى متسرع إنى أوصل لحاجه معينه ..زى ما بيقولو كده متحمس بغباء يعنى
وأكيد فى حاجات تانيه بس كفايه كده عشان الفضايح ههههههههههههههه
11-إنطباعى عن السياسه ؟؟ ادخل قسم السياسه وشوف تعليقاتى وانت تعرف .. وبلاش تودينا فى داهيه
12-إمتى بخجل من نفسى ؟؟ اكيد لما بعمل أى حاجه غلط
13-انا بدور على أيه ؟؟ بدور على حلمى اللى هو انى أكون حاجه كويسه وربنا يرضى عنى
14-هدفى ؟؟ نفس الإجابه اللى فاتت
15-مفيش حد يحب إنه يكون سلبى .. وأعتقد إنى إيجابى الحمد لله
16-الترتيب بالنسبه ليه هو .. الصحه , راحة البال , الزوجه , الأولاد , الأصدقاء , الفلوس , المنصب
17-أكتر مثل بحبه ؟؟
هو مش مثل هى حكمه قالها الإمام الشافعى فى بيت شعر له..
ياصاحب الهم إن الهم منفرج أبشر بخير فإن الفارج الله
18-لازم أعترف إنى كنت غلط طبعا ساعتها .. مش عيب إنى أقول إنى كنت غلط ..ده احسن كتير من إنى أجادل فى الباطل
19 -لما شخص عليا يخونى ؟؟ فى وقتها هكتفى بالصمت .. ولما أحس إنى هديت وهقدر أتكلم بعقل هروح أعاتبه مره واتنين ..وفى التالته لو مش حس إنه غلط فى حقى هبعد عنه لأنه ساعتها مش هيستحق إنى أعتبره شخص غالى عندى
20-أختار وزارة أيه ؟؟ههههههههههههههههه امممممممم..ممكن أختار وزارة التربيه والتعليم عشان ده مجالى ويمكن هكون عارف مواطن القوه والضعف فيه
21-مدينتى ؟؟ ..طب لو انا مكنتش بعشقها أعمل أيه ؟؟ مجاوبش ههههههههههههه ...أيه الأسئله دى بس ياعم .
22-أعضاء بحب كتاباتهم ؟؟
انا بحب مواضيع تامر عياش أوى
وعاشقة المستحيل
وطبعا بلال سبايكى بعد ما عرفت إن كل اللى بيكتبه ده من تأليفه ..بجد كتاباتك حلوه ياصاحبى
وبحب مواضيع فجر عشان بتكون خفيفه كده
بص من الآخر انا بحب أقرا للكل
انا فى الآخر عايز أقولك حاجه يابلال
كما تدين تدااااااااااااااااااااان
وحيااااااااااة امى كل ده هيطلع عليك لما تقعد ع الكرسى
أصبر بس هههههههههههههههههههههههه
موضوع: رد: كرسي الاعتراف ....اوزو... 
السبت أكتوبر 20, 2007 10:42 am
