أسئلـــة سيـاسـية مهمة جدااااً

:سم الله الرحمن

أولا : السلام عليكم

ثانيا : شكلكم كده هتودينى فى داهية

ثالثا : لو اتمسكت زى ما اتفقنا أنا ولا اعرفكم

رابعا مفيش بس والنبى متنسوش تبعتوا عيش وحلاوة ولو انى مش بحبها لو جرا لى حاجة

س- ما هي المفاجأة في إصابة شارون بنزيف في المخ؟
ج- اتضح انه عنده دم

س- لما ذا لا يصاب الحكام العرب بنزيف المخ؟
ج- عشان ما عندهمش مخ

س- ما هو الناتج عن موت شارون إكلينيكيا؟
ج- زاد العرب واحد

س- ما هي السمة المشتركة في الانتخابات العربية؟
ج- صناديق الإكتراااع
*******
س- ما هو شعار الحزب الوطني؟
ج- اللي يحب النبي يصووووت

س- السياسة التي يتتبعها الحزب الوطني؟؟
ج- بيضاء على الكريم.. سوداء على اللئيم

س- قالوا جورج بوش الابن سينشر الديموقراطية.. ماذا يعني بنشر؟؟؟
ج- انه يكون زى المنشار طالع واكل نازل واكل

س- عرف المساواة؟
ج- هي كلمة من مقطعتين
الـ موس: وهي أداه يقطع بها لسان كل مواطن يتطاول على الحكومة
الـ واه: هي الكلمة التي تصدر من ذلك المواطن لما يقطع لسانه
*******
س- من هو الرئيس العربي الذى ترك الحكم طواعية؟
ج- مختار ولد طايع اللي طاع عليه الحكم

س- أيهما أخطر إسرائيل أم أمريكا؟
ج- ممكن أحذف إجابتين؟

س- لماذا نقول دائما على الناجحين في الانتخابات أنهم ناجحون باللعب في الأصوات؟ج- عشان إحنا شعب حاقد وخسارة فينا الديموقراطية

س- الشفحتاريت المفتحز بالسهاريظ المشعظة للوطن العربي؟
ج- يعنى إيه وطن عربي؟
توضيح لجيم: الوطن العربي بتاع الأغنية اللي بتيجي لما مصر تخسر من تونس عشان الروح الرياضية
باقي جيم: آه.. قصدك الوطن العربي المفكك للأبد
*******
س- لماذا لا يتحد العرب؟؟
ج- عشان يوفروا نفقات الاحتفالات السنوية بعيد الاتحاد

س- لماذا تتواجد المشاكل دائما في كل اجتماعات الرؤساء العرب؟
ج- عشان الحياة الزوجية من غير مشاكل بتبقى مملة أوي أوي

س- ايه صلة القرابة بين العرب و الهنود الحمر
ج- الاتنين على راسهم ريشة

س- ليه الوزراء بيحلفوا اليمين؟
ج- عشان يبقوا يصوموا 3 ايام كفارة اليمين

س- ماهي موصفات الحاكم العربي؟
ج- طول النفس.. لا أنه هيقعد فى الحكم 898989 سنة
البرود.. عشان يطلع للشعب كل شوية بتصريحات وردية
العته.. عشان يصدّق قراراته التاريخية الحكيمة
الخشوع.. لزوم التصوير ساعة صلاة العيد

س- ايه اللي يحصل لو بيل جيتس بقى مسلم وقال أنا هخصص ربع دخلي للمجاهدين؟
ج- ابداً.. حيبقى اغنى رجل في جوانتنامو

دعابة منتشرة فى رسائل الموبايل
أن تعطي ابنك موبايل.. فأنت لطيف
وان تعطي ابنك سيارة.. أنت كريم
وان تعطي ابنك بلد وشعبا ليلعب بها هو وأصحابه.. فأنت مبارك

ايه الحلويات دى كلها

بجد بجد اسئله منطقيه فعلا لا والاجابات زى الفل

ربنا يستر عليكى

اهلا بيكى وسطنا

ههههههههههه متخفيش يا دينا هجبلك عيش وحلوة

انا ابتديت اخاف عليكى يابنتى والله
ارجعى عن اللى فى دماغك انتى مش قد سلومة الاقرع دا مابيرفش ابوه
وبعدين انتى ماترفيش ازاى بيعاملوا المسجون السياسى
سيبك من اللى بيسخنوكى على نفسك
اخوكى اللى بيخلف عليكى

اسلام

لى حتى اعرف ان اسمها دينا ولى انها عثل ولى انها وحشاني موووووووووووووووووووووووووووووووووز

لالالالالالالالالالالالالالا معرفهاش ومش هجبلها عيش وحلاوة لما تبقى في الكلبش

لالالالالالالالالالالالالالالالالالالا مش تحلمي يا ماما ده امن بلد مش لعب عيال

وحشاني بجد يا اختي

<BLOCKQUOTE id=ec0db03c>ايه ده يا جدعاااااااااااااااااااااااااااااااااااان انا معرفش حد هنا ومعرفش البت ده و </BLOCKQUOTE>

وانضم الينا عضوة جديدة فى الزنزانة
اقصد فى الرابطة
اهلا بيكى اخت عزيزة علينا كلنا
بس ابقى استنى بقى لما اشوفلك مكان فاضى فى الزنزانة علشان مش تنامى على الارض لانها مليانه حشرات
بجد كلامك جميل تسلم ايديكى والى الامااااااااااااااااااااااااااام

محمد

ههههههههههه كلامك كله زيى العسل يا دينا ربنا يوفقك فى الزنزانه وتلاقى العيش والحلاوه هههههههههههه

مشكوره على الموضوع الجميل

ههههههههههههههههههههههههه

البت اختفت , محدش عاد بيسمعلها صوت , ابقوا اسالوا عليها يا جماعه

اه تصدقي وربنا بس العيب منها هي كان مفروض تقولنا على الاقل عشان نعمل حسابنا في العيش والحلاوة ههههههههههههههههههههههههههههههههههه

ههههههههههههههههههههههه

والله انتى عسل يا دينا

اسئله وجيهه بجد

ومتخافيش انا عندى كمية عيش وحلاوه فظيعه مخزونه من السجون كلها هههههههههههههههههههههههههههه

اختك

فجر

التخشيبه زادت واحد يا رجاله

» نصائح غير مهمة ؟!!
» 5....جمل مهمة جدا فى حياة كل انسان
» كلمات مهمة عن الحب
» معلومات مهمة للأمهات في المستقبل
» معلومات غريبة بس مهمة جداااااااا