عشان انت مصرى لازم تعانى

عشان انت مصرى لازم تعانى وتفقد كرامتك بكل المعانى وتحرق فى دمك سنين مش ثوانى واوعى تصدق كلام الاغانى بتاع الحضاره وكانى ومانى ده كله هجايص مايدخل ودانى عشان انت مصرى العذاب بيناديك بتبدا فى يومك حاجات بترازيك فى نومك فى قومك تعكنن عليك تضايقك ولسه العماص فى عينيك مافيش ميه تشطف صابونه فى ايديك وجسمك ملزق وريحتك عاديك فتلبس وتنزل وفيك اللى فيك ورايح لشغلك حتحتاج مواصله ادى المترو واقف وكهربته فاصله وفى الميكروباص خناقه وحاصله اوتوبيس فرامله عايزالها وصله وتوك توك ده تايه ومحتاج لبوصله بتوصل لشغلك بدم اتحرق فى زحمه وكتمه وحر وعرق رئيسك سايبلك كومه ورق ده غير دمغه ضايعه وملف اتسرق وفى كام مواطن عامللك قلق بيشكى تقول له روح اندعق وعركه وهوجه وشاى اندلق ومخك خلاص من الصداع اتفلق هترجع لبيتك ده لو كان فى بيت هتوصل هتندم ياريتك ماجيت مراتك بتصرخ خلاص استويت عيالك بتطلب وهات كيت وكيت تزعق تهاتى ياناس اتهريت ولاحد سامعك مهما هاتيت عشان انت مصرى وده للاسف فلازم تاسى تعيش تتقرف وكل الاساسى فى حياتك ترف فتنسى الكرامه وتنسى الشرف وتسرق وتنصب او تنحرف ودمعك بيجرى وجرحك نزف مش انت اللى مصرى؟؟؟ جتك القرف

زائر

موضوعك مزعلني اوي منك يااتش
كان نفسي اول مواضيعك تكون مفيده وفيها حاجه تنفعنا مش تحبطنا
مصر بخير يااخي واسال اللي خرجوا منها ورجعوا تاني وانا واحد منهم لما برجع لبلدي ببوس ارضها زي يااخي ما فيه المساوئ زي ما فيه المميزات
بلدك امنه من كل حاجه ونهتبقي امنه اكتر بحب الشباب ليها
مشكور علي موضوعك اللي زعلني اوي

[][color=blue]انا مش معاك يا مستر محمد Hتقول وحقيقة كلنا شايفنها بعنين وحاجة معروفة للكل
مش دة للى بيحصل معانا كلنا بردو ولا ايه مشكورة ياH [/color

عجبنى موضوعك اوى يا اتش وفعلا دة اللى واقع اللى كلنا شيفينه بعنين ودة اللى بيحصل معانا كلنا عشان احنا
مصريين طبعا

انا رايى من رايى مستر محمد

وكل واحد ورايه

بجد بلدنا دى حاجه جميله اللى يحب يعرفها ويعرف معزتها يبعد عنها شويه وهو هايعرف

مع انى مش طلعت من مصر بس من كلام الناس اللى طلعت

بلدنا بخير بس لازم احنا الاول نعدل من نفسنا وهنلاقى بلدنا بخير

مشكور اتش على موضوعك

انا كمان متضايقه من الموضوع

ما تخلوش عينكم ضيقه كده تبصوا بس لعيوب البلد او بمعنى اصح عيوب اللى بيحكموها
لان البلد ايه غير ارض عايشين عليها , من حقك تنتقد حكومه بلدك بس مش من حقك تغلط فى بلدك كلها

الناس بره بيفتخروا بحضاره مصر وتاريخها , وانت تقول ما تصدقوش الحضاره دى؟؟؟؟؟؟؟؟؟

شكرا نانسى على مرورك

شكرا

ا محمد

شكرا
ميدو

dody

انتا بتقول
الناس بره بيفتخروا بحضاره مصر وتاريخها
لاء تعليق

شكرا

» تصرفات غلط فى مجتمعنا عشان كده انا هاقول الغلط عشان كده هاقو
» هل انت ذكي ام غبي ...لازم تتاكد...يعني لازم تدخل
» يا مصرى يا ابن العرب
» ازاى تعرف انك بتتفرج على فيلم عربى غالبا مصرى اضحك بئةهههه؟
» خشو عشان تهدواعصبكم