كرسى الاعتراف ...الخاله تبيستى

يا فضيحتى يانى

كلكو عليا ولا اية

طب انا بقى بختار عاشق

وانا بردو برشح الخاله هههههههههههه معلش بقا

كلكو عليا ولا اية

ايوة انتو عاوزين تعرفو عنى كل حاجة علشان تخطفونى

انتو اللى بتختفو الخالات الصغيرين

السلام عليكم ........ معلش بقى يا خاله بالاغلبيه بقى انا اختارك ..........

اغش باعتبار انه امتحان

انا مبغشش وجاهزة وعموما الساعة عدت اتناشر يعنى اليوم بدأ

ربنا يستر

عليكم مش منكم

اولا اكرم باشا

اكتر امنية نفسى احققها هو بيتى مملكتى الخاصة الحياة السعيدة والاطفال اللى يبقو كل حياتى دى اكتر امنية

اصعب موقف مريت بيه هو وفاة اقرب الناس ليا

احلى موقف مريت بيه فرح اختى وولادة بودة

على فكرة يا مدبسنى انا اجازة من المنتدى لمدة اسبوع على ما تخلصوا الكرسى ده

هههههههههههههههههههههههههههههههه

ثانيا نهال

كلكو هتموتو وتعرفو انا عندى كام سنة لولا انى على كرسى الاعتراف كنت جننتكو

انا عندى 23 سنة و5 شهور و5 ايام

انا بسجنك علشان انتى اللى بدقتى ثم ده ابسط نوع من الغلاسة ممكن امارسة معاكى

اسم تيبستى ده قصة لوحدة كان اسم محل كنت بشوفة كل يوم وانا مروحة من الشغل لزق فى دماغى .حبيتة .عملتة اسم الايميل بتاعى .اما كلمة الخالة لانى اعتز بانى خالة لاحلى واجمل طفل فى الدنيا ربنا يخلوهولى قولى امين

وانا بقرا الاسئلة دى بفكر فى الاجابة يعنى هفكر فى ايه

من ناحية الصراحة لا تقلقى .اذا ذكرت الصراحة ذكرت تيبستى

بس الاسئلة دى متمنعش انى برضة هسجنك

عاشق باشا

بدأناها فضايح

سنى وقلتة وكنت متاكدة ان كلكو هتسالو عنة

اما طولى .ده ذل بقى هو علشان انت طويل هتذلنى .ماشى .عموما البنت ميهمهاش طولها .انا 156.5 سم وماشية فى المترين هكسرهم فى المسابقة الجاية

بصى يا نهولة انا مش غلسة انا بحب اغلس بيبقى ليها طبع تانى كدة .مالم تكونى شيفانى غلسة من طبعى

لو ربنا رزقنى واتجوزت وخلفت معتقدش انى ممكن احبة اكتر من بودة .انا عموما بموت فى الاطفال .لكن اكتر من بودة معتقدش لانى فعلا بمووووووووووووووووووت فيه

اصعب موقف قابلتة فى حياتى ياستى كان لحظة ضعف حسيت بيها انى محتاجة حد ضاع منى ومش هقدر اجيبة ومش جنبى ومش ممكن يرجعلى وكنت محتاجة حضنة محتاجة حبه محتاجة حنانه مجتاجة لمسته

اقرب حد ليا انتيمتى شيتوس من ايام اعدادى شوفى بقى كام سنة

انا احيانا بحتاج لامى لصحابى وبسرعة بلقيهم جنبى لانى كمان اللى فى قلبى بيبان عليا فبيفهمو على طول انى زعلانة او فرحانة وبالتالى بلقيهم جنبى من غير ما اطلبهم

وانا كمان بحبك يا نهال والله .بس برضة هسجنك وادخل دلوقتى حالا واسجنك . غلاسة فيه مانع

10 اسئلة بس يا اكرم ده انت كريم قوى

1- اكتر حاجة اتمنى انى انساها هى عمرى اللى راح عاوزة انسى انى عجزت

2- بودة مبيطلبش اصلا انا بفهمه من نظرة عنية . بصراحة سؤال صعب لانى مش بطاوع حد على طول مهما كان لكن اقدر اقولك ان اى حد يطلبنى وعاوز منى خدمة عمرى ما بتأخر علية

3-اكتر حاجة تضايقنى الاحساس بالظلم

4-اكتر حاجة لو شفتها احزن لما بلاقى كانولة فى ايد طفل بضايق جدا

5- عاشق بلا حبيبة

6-سؤال اغلس منك بصراحة بس نوعا ما انا معرفش كل المنتدى اغلبكم كان معايا على اللينك واصحاب . بس لو لازم اجابة يعنى يبقى انت يا عزيزى علشان تحطنى على كرسى الاعتراف تانى

7- هههههههههههه وقعت منك

8- والله يا ابنى انا مليش فى الكرة خالص كل اللى كنت اعرفة ان الكرة لما تدخل الشبكة تبقى جون لكن فوجئت بيقولولى مش دايما ممكن تتحسب على انها معرفش فاول ولا بلنت حاجة زى كدة .قلت خلاص برضة انا فاهمة قلت الاهلى بيلبس احمر والزمالك بيلبس ابيض لقيت مرة متش الاهلى لابس لون تانى قلتلهم ليه قالولى اصل دى مش بلدة والفريق التانى دى بلدة وبيلبس احمر .قلت بس يبقى مفيش غير حاجة محدش يقدر يشكك فيها وهى ان الكرة كرويتون . ثم انا من ساعت ما اتولدت قالولى انى اهلاوية

9- اكتر هواية بحبها الرسم والشخبطة

10 - والله زمان كنت بموت فى الكشرى دلوقتى لو حطيته ولا حطيت اى اكل مش بقدر اكل ونفسى مسدودة على طول والاكل كلة عندى دلوقتى بقى زى بعضة بيأدى وظيفتة وخلاص

اى خدمة يا حاج اكرم جاوبتلك على 9 اسئلة بتوعك

((بس قبل ما أسأل عندي شرط متجاوبيش على ولى سؤال وتقولي بودده اللي انتي بتهربي بيه من الأسئله ده الحجات ده قديمه)) استلقي وعدك بقى يا خالتو علشان بعد كده تبقوا تبهدلوني كده أسئلة اشربي بقى:-



1-ايه الصفات الحلوه فيك وايه الصفات الوحشه فيكي
2-ايه اكتر يوم عشتيه سعيده وتتمني انه يرجع تانى
3-ايه اكتر انسان بترتحيله وانتي معاه
4_ مين الشخص اللى بتحتاجي تتكلمي معاه ولما بتكوني مخنوقه مش بتدور يعلى حد غيره؟
5_امتى عملتي حاجه وندمتي عليها ؟
6_ايه الموقف اللى حصلك وحسيتي بالخجل فيه؟
7_بكيتي قبل كده على فراق حد ؟
8_تفتكري الصداقه والحب مين اقوى فيهم ومين الافضل عندك ؟
9_لما بتكوني مخنوقة بتعمل ايه بتتتكلمي ولا تعدي لوحدك ولا ايه؟
10_ بصي السوال على جزئين مره حاجه ضاعت من ايدك وندمتي عليها .. التانى حاجه انتي اللى ضيعتيها من ايدكي وندمتي عليها ؟
11_ لو طالعه رحله والمفروص تاخدي شخص معاكي هتاخدي مين ؟
12_مممممممممم حسيتي قبل كده ان انتي مظلومه ومش قادره تقولي انك مظلومه وايه الموقف؟
13-ايه رأيك فى قسم تحب تعرف ايه عن نفسك؟؟؟؟؟
14-انتي راضيه عن نفسك وحياتك ولا............. ؟؟
15-تختار (عضو او عضوه) واحد فقط لكل نقطه ....
أ-تتابع مواضيعه او مذكراته
ب-تضحك وتستمتع بقراءه ردوده
ج-اقرب عضو لقلبك
د-عضو تحب انك تنرفزه وتتناقر معاه (( هزار يعنى ))
ه-عضو ترتاح وتكون مطمئن وانت تتحدث معاه
و-عضو تحس ان قلبه طيب وبريء
ز-عضو مظلوم او مهظوم حقه
ح-عضو تحس من مواضيعه انى احساسه عالى اوى
16-مين اقرب انسان ليك؟ ولية ؟واتعرفت علية ازاى؟
17-ما هى مواصفات الواد أبو حمار أسود أو عجله برتقاني--فارس أحلامك يعني--؟؟؟؟
18-الحب نظامه معاكي ايه يعني حبيتي أو بتحبي أو هتحبي في الألفية الجايه إن شاء الله؟؟؟؟




يلى بقى علشان مطولش عليكي --بدل ما تضربيني-- أخلع انا دلوقتي تؤمري بحاجه أجبهالك معاايا وانا هفكر كده في شوية أسئلة كمان وأسئلهالك ==علشان اللي عملتوه فيا هيه==

يا نهار ابيض اية دة كلة يا بيمو اخص عليك اسئل اقوال اية انا دلوقتى
انا مش هسال علشان كدة هيكون كتير عليكى اوى شوفتى انا يبة ازى

يا سلام يا بيمو ده انت مريح خالص

ثم بودة دة مش هروب من اسئلة بس ماشى مش هجاوب بية تانى

1- بص يا سيدى السؤال دة يفرق من وجهة نظرى ولا من وجهة نظر الناس عموما تقريبا من احلى الصفات فية حبى للناس .الوفاء للاصحاب مهما كان الغدر منهم ممكن تقول حنينة شوية طيبة شويتين كفايا كدة لحسن اتغر اما الصفات الوحشة كتيررررررررررررررررررمنها عدم الثقة بالنفس , الرضا باواقع وعدم تغييرة مهما كان مؤلم , احيانا مش بعرف اخد حقى مش احيانا ده دايما , سلبية فى بعض الاحيان , كفايا كدة لحسن اكره نفسى واكرهك

2- يوم الحنة بتاع اختى

3- اكتر حد برتاح له من سنى انتيمتى شيتوس , اما من الكبار عمتو

4- بص اكتر حد بحتاج اتكلم معاه تفرق حسب المود بتاعى بس الغالب انتيمتى شيتوس

5- انا مش بندم بمعنى بندم بس اوقات افتكر حاجات كتيرة من عمرى وازعل على انها راحت او متصرفتش فيها بشكل معين . واكتر حاجة فعلا بندم عليها انى مبردش الاهانة