كرسى الاعتراف ...الخاله تبيستى

الحلم اللى بتمناه وعمره ما هيتحقق . هو خيالى شوية .لا شويتين .هو يبقى ليا بيت كبير على البحر مفيش حواليه بيوت ولا ناس . اصحى كل يوم على المنظر ده

بتمر عليا اللحظة دى كتيررررررررررررر

هو بياخد وقتة وبحاول اتناساه علشان اعرف اعيش

اكتر مواضيع بتشدنى مواضيع تعرفنى على نفسى واختبارات نفسية

هما مجموعة اعضاء زى بيمو وعاشق وديمو ونهال ودريمز وهيرو وانت فوق البيعة

بص يا اكرم اولا انا مكنتش ناوية ارد الفترة دى خالص كنت هبقى مجرد ضيفة تقرا ردودكم من غير ما اغلس على حد . بس الكرسى ده انا مضطرة ارد عليه

ثانيا انا عمرى ما اتخلى عن صحابى لا بسهولة ولا بصعوبة

ثالثا اكيد فى تسامح انا قلبى مش اسود

رابعا انا عارفة انت بتتكلم على ايه . بس كنت عاوزة اوضحلك نقطة صغيرة . انا مش بحب حد يكون مخنوق منى بضايق . وانا حسيت انها مش بتحبنى علشان كدة قلتلها كدة . لكن الموضوع مش اتخلى عن حد ولا انى مش بتسامح ولا ان قلبى اسود . بس اكيد اى حد ميحبش يكلم حد غصب عنه . وانا مش عوزاها ترد عليا غصب عنها . بس كدة مش اكتر . لكن لو اتكلمنا على ان حد غلط فى التانى سواء انا ولا هى ده محصلش كل الموضوع موضوع تقبل ليس اكتر .يارب اكون جاوبتك وتكون فهمتنى

بالنسبة لأولا .اكيد طبعا لو انتى مشاركتيش مين هيشارك .اكيد تنورينى يا سما

اكتر كلمة احب اسمعها :ماما .اغلبكو هيقول كلمة بحبك بس انا احب كلمة ماما قوى وخصوصا من طفل

الكلمة اللى بخاف منها هى عذاب الاخرة وجهنم والعياذ بالله

الحاجة اللى بتمنى تحصلى فى يومى وبتمناها كل يوم هو انى اشوف بودة والاعبة ويضحكلى ويمد ايده علشان اشيله

الحاجة اللى بحمد ربنا انها عمرها ما حصلتلى يمكن تستغربى شويا انها اصلا جت على بالى بس فعلا بحمد ربنا عليها انى متخطفتش ولا حصلى اغتصاب لان الموضوع ده بقى كتير قوى وبيحصل مع ناس عمرهم ما كانو يتخيلوها والمصيبة انها بقت تحصل مع اطفال يعنى ابعد ما يكون عن التفكير اصلا فعلا بقول الحمد لله ويارب ما تحصل لاى حد

مميزات اللى اتمنى انى ارتبط بيه يكون طيب وحنين بس فى نفس الوقت شخصية قوية وجامد .يتقى الله فيا . يحتوينى . يكونلى دنيتى واكونله دنيته .اكيد بقى الحاجات العادية زى ابن ناس مؤدب مرح كدة يعنى

الصفة اللى ممكن تزعلنى لو فيه ممكن تقولى التناكة . البرود . عدم حب الاطفال والشدة عليهم وضربهم اصل اغلب الرجالة معندهمش طولة بال وصبر ودى اكتر حاجات تضايقنى . وكمان لو كان بيتجاهلنى وكانى مش هنا دى بقى تبقى المصيبة

الموقف اللى ممكن اهرب منه او بهرب منه فعلا لما حد بيحاول يتقدملى او يضحك عليا بكلمة احبك بتوه الموضوع وبهرب بشكل مش طبيعى


وعاوزة اقولك على احساس غريب .مش عارفة ليا بحس انك زى بنتى والله بجد بحس انك بنتى مش عارفة افسرهالك ازاى بس هى كدة وانا بحب اسمك جدا لانه من اعز الاسماء والشخصيات عندى

انا بختار نانسى(حماده رزق)