كرسى الاعتراف ...الخاله تبيستى

انا قلت اعملها على كذا مزكرة لحسن اسئلتك قليلة شوية

6- الموقف اللى حصلى وحسيت بالخجل فيه كان يوم ما حد معين طلب منى الجواز . كنت بقول للارض انشقى وابلعينى

7- اكيد بكيت على فراق حد وبالتحديد 2 ومتبقاش غلس وتسأل مين

8- بص بالنسبة للصداقة والحب مين الاقوى بيتهيألى الحب وهقولك ليه بيتهيألى يمكن علشان الحب فى تفكيرى شئ خيالى جدا كلة راحة وشعور يخليك طاير . اما انهى الافضل عندى هو الصداقة لأنى رافضة الحب لأنى بخاف انجرح عارف مقولة " الباب الللى يجيلك منه ريح " هتقلى كدة غلط هقولك احسن من انى انجرح صدقنى عليا هتبقى اصعب

9- لما بكون مخنوقة بحتاج حد جنبى بس فى وقتها بحب الصمت علشان مخنقش حد . بس لما افوق شوية بحب افضفض لحد

10- حاجة ضاعت من ايدى وندمت عليها احد الاشخاص العزيزة عليا ضاع من ايدى وندمت انى معملتش كل اللى فى وسعى علشانه بس ساعتها كنت طايشة وصغيرة بس كنت اتمنى لو يرجع وهبوس التراب اللى كان بيمشى علية
اما الحاجة اللى انا ضيعتها وندمت عليها ممكن تقول فرصة عمل كمعيدة فى جامعة مصر الدولية

اية المكان اللى نفسك تكونى فية الان دالواقتى وانتى بتكتبى نفسك تكونى فين

:shock: :shock: وانا اللى كنت عايزه اسألك بس حرام لما تردى على اسئله بيمو هو بينتقم منك على فكره وجابلك كل الاسئله اللى جاتله هو

يلهوى يا بيمو ايدى وجعتنى اتهد بقى شوية

11- لو طالعة رحلة واخد حد ممكن تكون اختى اصلها لذيذة قوى فى الرحلات .تكت ايزى

12- احساسى بانى مظلومة ومش قادرة اقول دة جالى كتيرررررررررررررررررررر ومش هقدر اقول الموقف لان مفيش اكتر من احساسى بالظلم . يعنى لو قلت هقولك مواقف كتير من هنا لبكرة . لكن ممكن ازكر احدهم وهى بعد التخرج كان المفروض انى اتعين فى مكان علمى مرموق وللاسف كالعادة لم يتم تعينى دى مش مشكلة . المشكلة بقى اللى تقهرك هى انهم يعينو تلاتة من اصحابك بالوسطة وهما نفسهم معترفين بكدة واقل منك تقدير ومقدرش اصرخ واتكلم لسببين اولا علشان هما ميتقزوش لان فى الاول والاخر دول اصحابى . وثانيا لانى بصبر نفسى دايما واقول اكيد ربنا شايلى الاحسن

13- قسم تحب ايه عن نفسك اكتر قسم حبيتة . لانى فعلا بحب الاختبارات الشخصية . بس ياريت تعملو قسم للعبة سو دو كو .ههههههههههههههه

14- ولا

15- عضو اتابع مواضيعة : عاشق بلا حبيبة
عضو بحب ردوده فيه كذا حد بس علشان قلت واحد ممكن برضة عاشق بلا حبيبة
اقرب عضو لقلبى عاشق بلا حبيبة
اكتر واحد احب اناقرة بيمو
عضو ارتاح وانا بتكلم معاه عاشق بلا حبيبة
عضو برئ وطيب مفيش غيرى .هههههه. ممكن نقول سنريلا
عضو مظلوم او مهضوم حقة مفيش
عضو احساسة عالى قوى عاشق بلا حبيبة

كلة عاشق عاشق عاشق . اية ده انا زهقت . ولعولى فى الواد دة ياما بقى تقولوه ماما مستنياة . هدبسة

16- اكتر حد برتاحلة انتيمتى ولية لانها بتفهمنى من غير ما اتكلم وحاسة بيا قوى . اتعرفت عليها من اولى اعدادى فى المدرسة . يعنى من زمن .زكريااااااااااااااااااااات

17- ابو حمار اسود او عجلة برتقانى . مواصفاتة عجب اغلبها تناقض .
عاوزة يكون طيب قوى وحنين قوى بس يدينى على دماغى
عاوزة رومانسى قوى بس فى نفس الوقت جد وواقعى
عاوزاه يحتوينى . ودى اكتر حاجة تهمنى
عاوزة شخصية قوية ومحترمة ومحبوبة ويقربنى من ربنا ويحبنى ويتقى الله فيا
طماعة صح . بس انا عارفة انى مش هلاقى كل دة فى واحد علشان كدة سايباة يركب عجلتة البرتقانى وانا اركب المرجيحة

18- اولا انا لا حبيت ولا بحب ولا ناوية احب . مش لعدم ايمانى بالحب بس لعدة اسباب . اولا لان كلمة الحب بقت لبانة فى بق الكل وخايقة يضحك عليا بيها لان اقل كلمة ممكن تأثر فيا . ثانيا لأنى لو حبيت ممكن اضحى بحاجات كتيرة واخسر حاجات اكتر فيا ترى فية الانسان اللى يستاهل . ثاثا خايفة لانى لو انجرحت ممكن مفوقش منها هتبقى صدمة كبيرة قوى عليا . رابعا لان لو محصلش نصيب مع الشخص اللى بحبة وفرضنا ان الزمن نسانى وارتبطت رسمى مع غيرة وسالنى انتى حبيتى قبل كدة احب ان ردى يبقى لا بس فى نفس الوقت يبقى لا بصدق مش كلمة وخلاص . خامسا لانى بخاف ربنا قوى وخايفة انى اغضبة لو حبيت . من الاخر خايفة من الفشل فبوفر على نفسى وقافلة الباب ده .
ولما ابقى ارتبط رسمى بقى ابقى اتعايش مع حياتى واحب اللى ارتبطله وخلاص

منك للى كلت دراع جوزها ايدى وجعتنى متحطش كمية كبيرة كدة مرة واحدة

بص يا سبيكى المكان اللى نفسى ابقى فيه دلوقتى حالا مكان خيالى شط وقدامى بحر كبيرررررررررر مفيش ناس الشمس بتغيب وطيور فى السما وصوتها جميل قوى تصدق والله بيرن فى ودانى دلوقتى وجو جميل

اقولك حضرلى شجرة واتنين ليمون

شفتى يا نهال بيمو افندى عامل فيا اية . مسيرى اورية

الصورة عثولة خالص

اكيد زى صاحبتها

انتو كلكو غيرتو صوركو ولا ايه

دى صورتك ولا سارقها يا اكرم

ولا ده اعلان عن عروسة

عندى ام اربعة واربعين

يدوب علشان تقضيلك طلباتك

ده انا هطلع عينة

هو المنتدى بس اللى اتعقد منى

طب هقولك على اجدد موقف انا مديرى هتتطلع عينة منى بيقولى انا هقعد فى البيت على ايدكى انا هعتزل الشغلانة دى منك . وكل شوية يقولى هو مفيش حاجة جاية فى السكة اقولة لا انت نفسك حد يجى يتجوزنى ويقعدنى فى البيت ويرحمك منى لكن ابدا مش هنولهالك وراك وراك

تفتكر بيقول كدة لية هه ليه . انا مش عارفة

ماشى يا غلس افندى

بكيت على فراق والدى وعمى

1- حلم حياتى انى انجح فى شغلى قوى واكون متميزة فية بجانب طبعا البيت والاسرة وخلافة

2- هو فيه دمعة بكدب . اكتر دمعة يوم ما حسيت انى وحيدة وانى محتاجاله قوى جنبى

3- اكتر ضحك كان يوم منسهوش كانت اختى راجعة من شهر العسل وبنلعب كلنا لعبة اشك ضحكنا ضحك لدرجة ان جوز اختى جه من بره بيقول صوتكو عالى قوى سامعه من الشارع

4- حد أثر فيا قوى وغيرنى . بص اللى بيأثروا فيا كتيررررررر لكن اللى بيغيرونى صعب شوية ولكن نقدر نقول نسبيا زميل ليا اسمه دكتور حسن

5- اكيد بضايق . كله عندى الا الاطفال

6- ده انت غلس فعلا . بشتغل فى مصر الجديدة .ههههههههههههههههههه

7- بسرح فى ايه وفى مين حسب المود بتاعى . بس الغالب بسرح فى الماضى وايامه الحلوة وايام ما كنت صغيرة (احلى ايام عمرى

8- بودة وماما

9- مقلب اتعمل ومستحيل انساه .هههههههه. بص . انا جت عليا فترة قعدنا نعمل مقالب فى بعض فاتفقت انا واوشا نعمل مقلب فى ترنكل لكن هى عرفت من اوشا فراحت متصلة بيا وعملت قال يعنى شربت المقلب ولسة متعرفش وقالتلى دى اوشا زعلانة موت منك اصل قلتلها كذا وكذا وكذا . اتاريها بترد المقلب وانا الى اتصلت باوشا علشان اصالحها فوجئت انهم عملينها فيه (كما تدين تدان )

10- بينى وبينك كدة من غير ما حد ياخد بالة برخم عليك علشان انت رخم . ثم هو انت لوحدك . ما كل المنتدى هيتجنن منى وعاوزين يطردونى من كتر ما بغلس عليهم

11- زكرى مع شيتوس . كنا واحنا بنروح مدرسة ثانوى سوا كنا دايما نروح بمصاصة ز كان الكل يستغرب من لمصاصة ويقعد يتريأ. والمحلات تستغرب والكانتين يستغرب . لحد ما كلهم بقى يبيعوها وبقت موضة فى مدرستى على يدى

لحد اخر الاسبوع

ياخراشى عليكى ياتبيستى ايه يابت الجمال ده بصى سؤال عالماشى كده : انتى معاكى شهاده ايه؟؟وماتقوليش شهاده معامله اطفال

لا شهادة حسن سير وسلوك

وشهادة ست شوقية من الكلية وبشتغل بيها رقاصة . بس لعلمك انا بنت ممتازة من البيت للكبارية ومن الكبارية للبيت . اه مفيش لا كدة ولا كدة . الادب حلو

بص يا اكرم انا عمرى ما كنت وحيدة

هو طبعا لكل منهم ميزتة وايامه بس ممكن اقولك ايام الجامعة شوية بنسبة 65% لانها كانت ايام صياعة وضياعة ونوم على الارصفة .ههههههههههه. لا اوعى تصدق اصلكو بتلزقو فى الكلمة انا كنت مجتهدة فى دراستى ومحبش التزويغ بس كانت رحلاتها اكتر وخروجات اكتر وفترة تجمع مع الاصحاب اكتر

لما بحب اصيف بروح البانيو .وساعات عندنا طشت صغير كدة يادوب على قدى علشان مغرقش

لما بحب اخرج بحب اتمشى فى حتة تمشية مش فرجة على محلات . واكتر مكان بموت فى التمشية فيه التحرير "كورنيش النيل " بس طبعا مش بروح كتير لانه مشوار

انا بحب الاسامى الغريبة يعنى لو بنت مثلا تيبستى بس المهم ابوها يوافق ولو ولد ممكن يوسف

بص هو مش اعمل ايه هو عملتى اية لانة اتكرر معايا كتير . عاوز الامانة منتهى السلبية بقول منه لله ومش هكلمة تانى بس للاسف مجرد ما يمد ايدة بالسلام او محتجينى فى حاجة برجع زى الجزمة


انت مش مفترى وبيمو مش مفترى . يبقى انا بقى اللى مفترية على راى عاشق

بص يا عبد الرحمن . اولا لو انت بتاع الينك اللى كان بيساعدنى فى الاحاديث الشريفة فانا عاوزة ارحب بيك فعلا لانى فعلا بحترمك جدا

اما بالنسبة للضحك والحزن .فبيتهيألى ان كل انسان جواه ضحك وحزن وساعات الواحد بيحاول يخرج من موود الحزن بضحكة علشان لو فضل حزين هيتخنق . وكفايا علينا مشاكل الدنيا وتخبيطها فانا مش هدخل النت علشان انكد عليكو وعلى نفسى لازم يبقى فى تغيير يخرج الواحد من اللى فيه .

احييك على فراستك

اما انت يا بيمو تفرح فى المصايب . طيب . اصبر عليا